ମୋହ କିଛି ନୁହେଁ

✍✍….ମୋହ କିଛି ନୁହେଁ

ଝଡି ମଉଳି ପଡୁଥିବା ପାଖୁଡା

ସବୁର ପୁନର୍ଜନ୍ମ,

ଢଳି ଯାଇଥିବା ସଞ୍ଜର

ପୁନଃ ପ୍ରତ୍ୟାବର୍ତ୍ତନ..

ମୋହହଜି ଯାଇଥିବା ବୟସକୁ

ପୁଣି ଖୋଜି ଆଣିବାର ଇଚ୍ଛା,

ଚହଲା ପାଣିରେ

ଲିଭି ଯାଇଥିବା ପ୍ରତିବିମ୍ବକୁ

ପୁଣି ଆଙ୍କି ଦେବାର ଆକାଂକ୍ଷା …

ମୋହ,

ପୋଡା ସଳିତାରୁ

ଆଞ୍ଜୁଳାଏ ଆଲୋକର ଅଭିପ୍ସା ,

କିଛି ଅବଶୋଷର ତୃଷ୍ଣା,

ଓ ଅତୃପ୍ତ ଅଭିଳାଷ l

ପ୍ରାପ୍ତି ଓ ଶାନ୍ତି ମଧ୍ୟରେଅହର୍ନିଶ ଚାଲୁଥିବା ସଂଘର୍ଷ ….।

ହିମାନ୍ଦ୍ରି ମେହେର