ଭକ୍ତ ବଳରାମ ଦାସ ଗାଧି ଓ ସମାଧି ପୀଠ ବିକାଶ ପାଇଁ ୨୨ କୋଟି ଟଙ୍କା ମଞ୍ଜୁର

ଭକ୍ତ ବଳରାମ ଦାସ ଗାଧି ଓ ସମାଧି ପୀଠ ବିକାଶ ପାଇଁ ୨୨ କୋଟି ଟଙ୍କା ମଞ୍ଜୁର: ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡାଙ୍କୁ କୃତଜ୍ଞତା ଜ୍ଞାପନ l

ଗୋପ ୩/୧୦/୨୫( ତୀର୍ଥକ୍ଷେତ୍ର) ପବିତ୍ର ବିଜୟା ଦଶମୀ ଅବସରରେ ଓଡ଼ିଶା ସରକାରର ପର୍ଯ୍ୟଟନ ବିଭାଗ ପକ୍ଷରୁ ମଧ୍ୟଯୁଗୀୟ ଭକ୍ତ କବି ବଳରାମ ଦାସଙ୍କ ସମାଧି ପୀଠ (ବଳରାମ ଗାଦି, ବେଗୁନିଆ, ଗୋପ)ର ବିକାଶ ପାଇଁ ୨୨ କୋଟି ଟଙ୍କାର ଅନୁଦାନ ମଞ୍ଜୁର ହୋଇଛି। ଏହି ପଦକ୍ଷେପ ସ୍ଥାନୀୟ ନେତା ପ୍ରଶାନ୍ତ ସ୍ୱାଇଁଙ୍କ ଅକ୍ଲାନ୍ତ ପ୍ରୟାସ ଏବଂ ପର୍ଯ୍ୟଟନ ମନ୍ତ୍ରୀ ତଥା ରାଜ୍ୟ ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡାଙ୍କ ସମ୍ମତି କ୍ରମେ ସମ୍ଭବ ହୋଇପାରିଛି।
ଭକ୍ତ ବଳରାମ ଦାସ, ଯିଏ ଓଡ଼ିଆ ସାହିତ୍ୟର ଅମର କୃତି ‘ଲକ୍ଷ୍ମୀ ପୁରାଣ’ ଏବଂ ‘ଦାଣ୍ଡି ରାମାୟଣ’ ରଚନା କରି ଭକ୍ତି ଆନ୍ଦୋଳନରେ ଅଗ୍ରଣୀ ଭୂମିକା ନିର୍ବାହ କରିଥିଲେ, ତାଙ୍କର ସମାଧି ପୀଠ ପୁରୀ ଜିଲ୍ଲାର ଗୋପ ଅଞ୍ଚଳରେ ଅବସ୍ଥିତ। ଏହି ପୀଠକୁ ଏକ ପର୍ଯ୍ୟଟନ ତ୍ରିକୋଣ ଭାବେ ବିକଶିତ କରିବା ପାଇଁ ଦୀର୍ଘ ଦିନରୁ ଦାବି ହୋଇ ଆସୁଥିଲା। ଏହି ଅନୁଦାନ ଦ୍ୱାରା ପୀଠର ସଂରକ୍ଷଣ, ସୌନ୍ଦର୍ଯ୍ୟକରଣ, ପ୍ରଖ୍ୟାଳୟ ନିର୍ମାଣ ଏବଂ ଆଖପାଖ ଅଞ୍ଚଳର ପର୍ଯ୍ୟଟନ ବିକାଶ କାର୍ଯ୍ୟ ତ୍ୱରାନ୍ୱିତ ହେବ ବୋଲି ଆଶା କରାଯାଉଛି। ଏହା ଗୋପ ଅଞ୍ଚଳର ସାଂସ୍କୃତିକ ଓ ଅର୍ଥନୈତିକ ଉନ୍ନତିରେ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରିବ।
ଏହି ଘୋଷଣାରେ ସ୍ଥାନୀୟ ବାସିନ୍ଦାମାନେ ଉଲ୍ଲସିତ ହୋଇଉଠିଛନ୍ତି। ଭକ୍ତ ବଳରାମ ଦାସ ସମାଧି ପୀଠ ପରିଚାଳନା କମିଟିର ସଦସ୍ୟ, ବିଜେପି ଦଳର ପୁରୀ ଜିଲ୍ଲା ସାଧାରଣ ସମ୍ପାଦକ ତଥା ସଂସଦ ପ୍ରତିନିଧି ସୁଶାନ୍ତ ସ୍ୱାଇଁ, ବରିଷ୍ଠ ନେତା ଗୋବିନ୍ଦ ପାଢ଼ୀ ଏବଂ ଗୋପ ବାସୀଙ୍କ ତରଫରୁ ମୋହନ ସରକାରଙ୍କୁ ଧନ୍ୟବାଦ ଅର୍ପଣ କରାଯାଇଛି। ସୁଶାନ୍ତ ସ୍ୱାଇଁ କହିଛନ୍ତି, “ଏହି ଅନୁଦାନ ଭକ୍ତ କବିଙ୍କ ସ୍ମୃତିକୁ ସଂରକ୍ଷଣ କରିବା ସହ ଅଞ୍ଚଳର ଯୁବକ-ଯୁବତୀଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି କରିବ। ମାନ୍ୟବର ଉପମୁଖ୍ୟମନ୍ତ୍ରୀଙ୍କ ସହଯୋଗ ପାଇଁ ଆମେ କୃତଜ୍ଞ।” ଗୋବିନ୍ଦ ପାଢ଼ୀ କହିଛନ୍ତି, “ପ୍ରଶାନ୍ତ ସ୍ୱାଇଁଙ୍କ ଅକ୍ଲାନ୍ତ ପ୍ରୟାସ ଏବଂ ସରକାରଙ୍କ ସମ୍ମତି ଦ୍ୱାରା ଏହି ଐତିହାସିକ ପଦକ୍ଷେପ ସମ୍ଭବ ହୋଇଛି। ଏହା ଗୋପର ପର୍ଯ୍ୟଟନ କ୍ଷେତ୍ରରେ ନୂତନ ଅଧ୍ୟାୟ ଆରମ୍ଭ କରିବ।” ଏହି ଅନୁଦାନ ସହ ପୀଠର ଆଖପାଖରେ ପାର୍କ, ପୋଖରୀ, ସନ୍ତରଣ ପ୍ରଶିକ୍ଷଣ କେନ୍ଦ୍ର ଏବଂ ପ୍ରଖ୍ୟାଳୟ ନିର୍ମାଣ କାର୍ଯ୍ୟ ଆରମ୍ଭ ହେବ ବୋଲି ଜଣାପଡ଼ିଛି। ଏହା ଓଡ଼ିଆ ସଂସ୍କୃତି ଓ ଭକ୍ତିର ପ୍ରତୀକକୁ ଆହୁରି ସମୃଦ୍ଧ କରିବ।