ବିବେକ
ଶୀର୍ଷକ _ବିବେକ
ରୀତାରାଣୀ ଦାଶ
ବାଲେଶ୍ୱର
ବିବେକାନୁମୋଦିତ କର୍ମ ଅଟଇ
ତରାଜୁ ବୁଦ୍ଧିମତ୍ତାର
ସୂକ୍ଷ୍ମ ନୃତ୍ୟ ଏକ ସତର୍କ ଭଙ୍ଗୀ ଯେ
ଖଣ୍ଡାଟିଏ ବିଚାରର |
ହୃଦୟ ନିହିତ ଅନ୍ତର ଜ୍ଞାନରେ
ମାର୍ଗଦର୍ଶକ ଆଲୋକ
ଅନ୍ଧାର ରାତ୍ରିରେ ଉଜ୍ଜ୍ୱଳତା ବାଣ୍ଟି
ଆଣିଦିଏ ସେ ପୁଲକ |
ମନ ତୀକ୍ଷ୍ମଧାର ଦୁଇଧାର ଯୁକ୍ତ
ପ୍ରବଳ ତାହାର ଗତି
ନିମିଷକେ ବ୍ୟସ୍ତ ବିକ୍ଷିପ୍ତ ତଥ୍ୟରେ
ବିବେକ ଦେଖାଏ ଶକ୍ତି |
ଛଳନାକୁ କାଟି ଯାହା ସଂରକ୍ଷିତ
ପରିପ୍ରକାଶ କରଇ
ଲୁକ୍କାୟିତ ସତ୍ୟ ଗଭୀର ଯା ସ୍ଥିତି
ଉନ୍ମୋଚିତ ଯେ ହୁଅଇ |
ବିବେକ ଆହ୍ୱାନ ସତର୍କ ଓଜନ
ହୃଦୟରୁ ସନ୍ତୁଳନ
ନିୟନ୍ତ୍ରିତ କରି ଅତି ସୂକ୍ଷ୍ମ ଭାବେ
କରଇ ସେ ବିଶ୍ଲେଷଣ |
ଯତ୍ନ ସହକାରେ ନୀରବ ନିଶ୍ଚଳେ
ଶୁଣିବା ବିବେକ ସ୍ୱର
ତୀକ୍ଷ୍ମ ଓ ପ୍ରଖର ମନଟିର ବେଗ
ରଚାଇବ ଛାରଖାର |
ବିବେକ ପ୍ରତୀକ ପ୍ରେମ ଓ ମହତ୍ତ୍ୱ
ଏହି ସୂକ୍ଷ୍ମ ଜଗତରେ
ହୃଦୟ ରୂପକ ଜଳାଶୟଟିରୁ
ତୃଷ୍ଣା ମେଣ୍ଟାଏ ପ୍ରେମରେ |
ଜ୍ଞାନର ପ୍ରକୃତ ପରୀକ୍ଷାର ଅର୍ଥ
ବିବେକର ଯେ ଭୂମିକା
ଜୀବନର ମୋଡ ଦିଗେ ପଥ ଖୋଲା
ଜ୍ଞାନ ହିଁ ସର୍ବତ୍ର ବିକା |