ପଞ୍ଚମ ଦୁଆର ଖୋଲିଦେ କାଳିଆ

    ପଞ୍ଚମ ଦୁଆର ଖୋଲିଦେ କାଳିଆ
        ( ରାଗ — ଚିନ୍ତାକାମୋଦୀ )

🔹କବିରତ୍ନ ନୂତନ କୁମାର ବେହେରା

ପଞ୍ଚମ ଦୁ’ଆର ଖୋଲିଦେ କାଳିଆ’
       ଆକଟ କିଛି ନ ରହୁ’
ତୋ ଭକତ’ ଆସି ଦରଶନ କରୁ’
     ବାଧା କିଛି ସେ ନ ସହୁ’,
      ତା ମ’ନ ଖୁସି ହେଉ’,
କରୁ’ଣା କର ହେ ମହାବାହୁ’ /୧/

ଶ୍ରୀମନ୍ଦିରେ ଭିତରେ ରହିଛୁ ରେ ତୁ
        ଭକତ ଆସନ୍ତି ବହୁ,
ଚାରି ଦ୍ଵାର ଖୋଲା ଥାଇ ହୁଏ ଭିଡ଼
       ଯାଇ ପାରନ୍ତିନି ସବୁ,
       ଫେରି ଆସନ୍ତି ସେହୁ
   ତାଙ୍କ ଆଖିରୁ ଝରଇ ଲହୁ /୨/

ଦାରୁବ୍ରହ୍ମ ରୂପ ଦେଖି ତୋର ସର୍ବେ
       ତୋତେ ସଦା ଅଳି କରୁ,
  ବ୍ରହ୍ମକୁ ବିଚାରି ରଖେ ଯେ ଧର୍ମକୁ
        ତାକୁ ହିଁ ତୁ ପୁଣ୍ୟ ଦେଉ,
           ହେ ନାଥ ମହାପ୍ରଭୁ,
   ତୋ ଦରଶନେ ମୋ ଦିନ ଯାଉ /୩/

ଶ୍ରୀମନ୍ଦିରର ସେ ଚାରି ଦ୍ଵାର ପରି
      କରିଛୁ ରେ ଶରୀରକୁ,
ଆଖି କାନ ନାକ ମୁଖ ରହି ଚାରି
      ଜୀବ ଚିହ୍ନୁନି ଜୀବକୁ,
       କରେ ଛଳ ମନକୁ,
ମୋହର ବଶେ ଚାହେଁ ଲୋଭକୁ /୪/

ପଞ୍ଚମ ଦୁଆର ଖୋଲିଦେ କାଳିଆ
      ଆଜ୍ଞାଚକ୍ରେ ଜ୍ଞାନ ଫିଟୁ,
ଅନ୍ତର୍ଯ୍ୟାମୀ ତୁ’ରେ ତୋ ବିନା କାହାକୁ
        ଭରସା କରିବି ଆଉ,
         ସଭିଙ୍କୁ ସାହା ହେଉ,
      ମୁକୁଳାଅ ପ୍ରଭୁ ଅଜ୍ଞାନକୁ /୫/

ତୋ ଚାରି ଦୁଆର ପୂରୁବ ପଶ୍ଚିମ
       ଉତ୍ତର ଓ ଦକ୍ଷିଣକୁ,
ଆଖି ଦେଖେ କାନ ଶୁଣେ ଯେତେ ସବୁ
      ନାକ ପାଟି ଯେ ସ୍ୱାଦକୁ,
      ଆତ୍ମା ଭେଟୁ ପରମଙ୍କୁ,
ରେ କାଳିଆ ସାହା ହୋଇଥିବୁ /୬/

ପଞ୍ଚମ ଦୁଆର ଖୋଲିଦେ କାଳିଆ
      ଦେଖିବି ତୋ ସ୍ୱରୂପକୁ,
ମୁଁ ଭକତ ହୋଇ ଜପେ ତୋ ନାମକୁ
      ମୋ ବିଶ୍ଵାସ ରଖିଥିବୁ,
        ଦେଖି ଏ ଅନାଥକୁ,
ଖୋଲି ଦେ’ରେ ପଞ୍ଚମ ଦ୍ଵାରକୁ /୭/
   
   ପ୍ରତିଷ୍ଠାତା ଓ ମୁଖ୍ୟ ସମ୍ପାଦକ,
‘ ନବସୃଜନ ‘ ଇ-ପତ୍ରିକା,
କୋହି,ବାରିପଦା,ମୟୂରଭଞ୍ଜ।