ଯାତ୍ରୀମାନଙ୍କ ଚାହିଦାକୁ ଦୃଷ୍ଟିରେ ରଖି ସ୍ୱତନ୍ତ୍ର ଟ୍ରେନ୍ ସେବା ବୃଦ୍ଧି କରାଯାଇଛି।

ଭୁବନେଶ୍ୱର, ଜୁଲାଇ ୦୧ , ୨୦୨୬:ଯାତ୍ରୀମାନଙ୍କର କ୍ରମାଗତ ଚାହିଦା ଏବଂ ସୁବିଧାକୁ ଦୃଷ୍ଟିରେ ରଖି ଭାରତୀୟ ରେଳବାଇ ଶାଲିମାର–ଚର୍ଲାପଲ୍ଲୀ–ଶାଲିମାର ଏବଂ ପାଟନା ଜଙ୍କସନ୍–ଖୋର୍ଦ୍ଧା ରୋଡ଼–ପାଟନା ଜଙ୍କସନ୍ ସାପ୍ତାହିକ ସ୍ୱତନ୍ତ୍ର ଟ୍ରେନ୍ ଗୁଡ଼ିକର ସେବାକୁ ଆଗାମୀ ଦିନ ପାଇଁ ବୃଦ୍ଧି କରିବାକୁ ନିଷ୍ପତ୍ତି ନେଇଛି।ଏହି ସେବା ବୃଦ୍ଧି ସମ୍ପର୍କିତ ବିବରଣୀ ନିମ୍ନରେ ପ୍ରଦାନ କରାଗଲା:ଟ୍ରେନ୍ ସଂଖ୍ୟା ୦୮୦୪୫ ଶାଲିମାର–ଚର୍ଲାପଲ୍ଲୀ ସାପ୍ତାହିକ ସ୍ୱତନ୍ତ୍ର ଟ୍ରେନ୍ ୦୩.୦୭.୨୦୨୬ ରୁ ୩୧.୦୭.୨୦୨୬ ପର୍ଯ୍ୟନ୍ତ ବୃଦ୍ଧି କରାଯାଇଛି ଏବଂ ଏହି ସମୟ ମଧ୍ୟରେ ଶୁକ୍ରବାର ଚଳାଚଳ କରିବ।ସେହିପରି, ଟ୍ରେନ୍ ସଂଖ୍ୟା ୦୮୦୪୬ ଚର୍ଲାପଲ୍ଲୀ–ଶାଲିମାର ସାପ୍ତାହିକ ସ୍ୱତନ୍ତ୍ର ଟ୍ରେନ୍: ୦୪.୦୭.୨୦୨୬ ରୁ ୦୧.୦୮.୨୦୨୬ ପର୍ଯ୍ୟନ୍ତ ବୃଦ୍ଧି କରାଯାଇଛି ଏବଂ ଏହି ସମୟ ମଧ୍ୟରେ ପ୍ରତି ଶନିବାର ଚଳାଚଳ କରିବ।ଏହି ସ୍ୱତନ୍ତ୍ର ଟ୍ରେନରେ ଦୁଇଟି ଲଗେଜ୍-କମ୍-ଦିବ୍ୟାଙ୍ଗ ବନ୍ଧୁତ୍ୱପୂର୍ଣ୍ଣ କୋଚ୍, ଚାରୋଟି ସାଧାରଣ ଦ୍ୱିତୀୟ ଶ୍ରେଣୀ କୋଚ୍, ବାରୋଟି ସ୍ଲିପର କ୍ଲାସ୍ କୋଚ୍, ଦୁଇଟି ଏସି ୩-ଟାୟାର କୋଚ୍ ଏବଂ ଦୁଇଟି ଏସି ୨-ଟାୟାର କୋଚ୍ ରହିବ।ସେହିପରି ଟ୍ରେନ୍ ସଂଖ୍ୟା ୦୩୨୩୦ ପାଟନା ଜଙ୍କସନ୍–ଖୋର୍ଦ୍ଧା ରୋଡ଼ ସାପ୍ତାହିକ ସ୍ୱତନ୍ତ୍ର ଟ୍ରେନ୍ ୦୨ .୦୭ ୨୦୨୬ ରୁ ୩୦.୦୭ . ୨୦୨୬ ପର୍ଯ୍ୟନ୍ତ ପ୍ରତି ଗୁରୁବାର ଚଳାଚଳ ଜାରି ରଖିବ ଏବଂ ଟ୍ରେନ୍ ସଂଖ୍ୟା ୦୩୨୨୯ ଖୋର୍ଦ୍ଧା ରୋଡ଼–ପାଟନା ଜଙ୍କସନ୍ ସାପ୍ତାହିକ ସ୍ୱତନ୍ତ୍ର ଟ୍ରେନ୍ ୦୩.୦୭ . ୨୦୨୬ ରୁ ୩୧.୦୭. ୨୦୨୬ ପର୍ଯ୍ୟନ୍ତ ପ୍ରତି ଶୁକ୍ରବାର ଚଳାଚଳ ଜାରି ରଖିବ।ଏହି ଟ୍ରେନରେ ଗୋଟିଏ ଲଗେଜ୍-କମ୍-ଜେନେରେଟର-କମ୍-ବ୍ରେକ୍ ଭ୍ୟାନ୍, ଗୋଟିଏ ଲଗେଜ୍-କମ୍-ଦିବ୍ୟାଙ୍ଗ ବନ୍ଧୁତ୍ୱପୂର୍ଣ୍ଣ କୋଚ୍, ଦୁଇଟି ସାଧାରଣ ଦ୍ୱିତୀୟ ଶ୍ରେଣୀ କୋଚ୍, ଚାରୋଟି ସ୍ଲିପର କ୍ଲାସ୍ କୋଚ୍, ସାତଟି ଏସି ୩-ଟାୟାର କୋଚ୍ ଏବଂ ସାତଟି ଏସି ୩-ଟାୟାର ଇକୋନୋମି କ୍ଲାସ୍ କୋଚ୍ ରହିବ, ଯାହା ଏହି ପଥରେ ଯାତ୍ରା କରୁଥିବା ଯାତ୍ରୀମାନଙ୍କ ପାଇଁ ପର୍ଯ୍ୟାପ୍ତ ସ୍ଥାନ ନିଶ୍ଚିତ କରିବ।ଯାତ୍ରୀମାନଙ୍କୁ ସମୟସୂଚୀ ଧ୍ୟାନରେ ରଖି ନିଜର ଯାତ୍ରା ଯୋଜନା କରିବାକୁ ପରାମର୍ଶ ଦିଆଯାଇଛି। ଟ୍ରେନ୍ ସମ୍ବନ୍ଧୀୟ ଅତ୍ୟାଧୁନିକ ସୂଚନା ପାଇଁ ଯାତ୍ରା ଆରମ୍ଭ କରିବା ପୂର୍ବରୁ ଯାତ୍ରୀମାନେ ଜାତୀୟ ଟ୍ରେନ୍ ଅନୁସନ୍ଧାନ ବ୍ୟବସ୍ଥା (NTES) କିମ୍ବା ରେଳବାଇର ଅଫିସିଆଲ୍ ସେବାଗୁଡ଼ିକୁ ଯାଞ୍ଚ କରିପାରିବେ।