ପୁରୀ ପୋଲିସ ଦ୍ୱାରା ନିଶୁଳ୍କ ମେଗା ସ୍ୱାସ୍ଥ୍ୟ ଶିବିର ସଫଳତାର ସହ ଆୟୋଜିତ

ପୁରୀ ପୋଲିସ ଦ୍ୱାରା ନିଶୁଳ୍କ ମେଗା ସ୍ୱାସ୍ଥ୍ୟ ଶିବିର ସଫଳତାର ସହ ଆୟୋଜିତ*ପୁରୀ ପୋଲିସ ଦ୍ୱାରା ଆଜି ପୋଲିସ ଲାଇନ ହସ୍ପିଟାଲ, ପୁରୀ ରେ ଏକ ନିଶୁଳ୍କ ମେଗା ସ୍ୱାସ୍ଥ୍ୟ ଶିବିର ସଫଳତାର ସହ ଆୟୋଜିତ ହୋଇଯାଇଛି। ଏହି ଶିବିରରେ ପୋଲିସ କର୍ମଚାରୀ ଓ ପୁରୀ ସହରବାସୀ ମିଶି ୫୦୦ ରୁ ଅଧିକ ଲୋକ ଲାଭାନ୍ୱିତ ହୋଇଛନ୍ତି। ଏହି ସ୍ୱାସ୍ଥ୍ୟ ଶିବିରରେ ବିଭିନ୍ନ ବିଶେଷଜ୍ଞ ଡାକ୍ତରମାନେ ଉପସ୍ଥିତ ରହି ରୋଗୀମାନଙ୍କୁ ପରୀକ୍ଷା ଓ ପରାମର୍ଶ ପ୍ରଦାନ କରିଥିଲେ। ଶିବିରରେ କାର୍ଡିଓଲଜି, ନ୍ୟୁରୋ ମେଡିସିନ, ଉରୋଲଜି, ଗାଷ୍ଟ୍ରୋ ମେଡିସିନ, ଅର୍ଥୋପେଡିକ୍ସ, ସାଧାରଣ ଚିକିତ୍ସା, ମନୋଚିକିତ୍ସା, ଓବିସି ଓ ଜିନେକୋଲଜି, ଡର୍ମାଟୋଲଜି ଓ ପେଡିଆଟ୍ରିକ୍ସ ଭଳି ବିଭିନ୍ନ ବିଭାଗର ସୁବିଧା ଉପଲବ୍ଧ ରହିଥିଲା। ଏହା ସହ ଶିବିରରେ ଇସିଜି (ECG), ବିଭିନ୍ନ ରକ୍ତ ପରୀକ୍ଷା, ଡାକ୍ତର ପରାମର୍ଶ, ଫିଜିଓଥେରାପି ଇତ୍ୟାଦି ସୁବିଧା ନିଶୁଳ୍କ ଭାବେ ପ୍ରଦାନ କରାଯାଇଥିଲା। ବିଶେଷ କରି ଏକ ନିଶୁଳ୍କ ଫିଜିଓଥେରାପି ସେଣ୍ଟର ମଧ୍ୟ ଉଦ୍ଘାଟନ କରାଯାଇଥିଲା, ଯାହା ଆଗାମୀ ଦିନରେ ଲୋକମାନଙ୍କୁ ଲାଭାନ୍ୱିତ କରିବ। ଏହି କାର୍ଯ୍ୟକ୍ରମଟି ପୁରୀ ପୋଲିସ ଅଧିକ୍ଷକ ଶ୍ରୀ ପ୍ରତୀକ ସିଂହଙ୍କ ନିର୍ଦ୍ଦେଶନାୟ ସୁଚାରୁ ଭାବରେ ପରିଚାଳିତ ହୋଇଥିଲା। ତାଙ୍କର ନେତୃତ୍ୱ ଓ ସୁଚିନ୍ତିତ ପରିକଳ୍ପନା ଫଳରେ ଏହି ଶିବିର ସଫଳ ହୋଇପାରିଛି।

ପୋଲିସ ଓ ସ୍ୱାସ୍ଥ୍ୟ ସେବାର ସମନ୍ୱୟଏହି ଶିବିର ପୁରୀ ପୋଲିସଙ୍କର ସାମାଜିକ ଦାୟିତ୍ୱବୋଧର ଏକ ଉଦାହରଣ ଅଟେ। ପୋଲିସ କେବଳ କାନୁନ-ଶୃଙ୍ଖଳା ପାଳନ କରିବାରେ ସୀମିତ ନୁହେଁ, ବରଂ ସମାଜର ସ୍ୱାସ୍ଥ୍ୟ ଓ ସୁଖ-ଶାନ୍ତି ପାଇଁ ମଧ୍ୟ ସମର୍ପିତ ରହିଛି ବୋଲି ଏହି ଶିବିର ପ୍ରମାଣ କରିଛି।ଶିବିର ସମୟରେ ପୋଲିସ କର୍ମଚାରୀମାନେ ସୁଚାରୁ ବ୍ୟବସ୍ଥାପନା କରିଥିଲେ ଏବଂ ଆସୁଥିବା ଲୋକମାନଙ୍କୁ ସୁବିଧା ପ୍ରଦାନରେ ସହଯୋଗ କରିଥିଲେ। ଡାକ୍ତର ଓ ପାରାମେଡିକାଲ ଟିମ୍ ମଧ୍ୟ ଅତ୍ୟନ୍ତ ସମର୍ପଣ ଭାବରେ ସେବା ଦେଇଥିଲେ। ଏହି ପ୍ରୟାସ ଦ୍ୱାରା ଅନେକ ଲୋକ ସମୟରେ ନିଜର ସ୍ୱାସ୍ଥ୍ୟ ସମସ୍ୟା ବିଷୟରେ ଜାଣିପାରିଥିଲେ ଓ ଯଥାୟୋଗ୍ୟ ପରାମର୍ଶ ପାଇଥିଲେ। ବିଶେଷତଃ ବୃଦ୍ଧ ଓ ମହିଳାମାନଙ୍କ ପାଇଁ ଏହା ବହୁତ ଉପକାରୀ ସାବ୍ୟସ୍ତ ହୋଇଛି। ପୁରୀ ପୋଲିସ ଆଗାମୀ ଦିନରେ ମଧ୍ୟ ଏପରି ସାମାଜିକ ଓ ଲୋକହିତକାରୀ କାର୍ଯ୍ୟକ୍ରମ ମଧ୍ୟ ଆୟୋଜନ କରାଯିବ ।