ପୂର୍ବତଟ ରେଳପଥ ମହାପ୍ରବନ୍ଧକଙ୍କ ଦ୍ୱାରା ସମ୍ବଲପୁର

*ପୂର୍ବତଟ ରେଳପଥ ମହାପ୍ରବନ୍ଧକଙ୍କ ଦ୍ୱାରା ସମ୍ବଲପୁର, ବୌଦ୍ଧ ଏବଂ କେନ୍ଦୁଝର ଅଞ୍ଚଳର ପ୍ରମୁଖ ରେଳ ପ୍ରକଳ୍ପ ନିରୀକ୍ଷଣ, ଯାତ୍ରୀ ସୁବିଧା ସମୀକ୍ଷା* : • *ଚାଲୁରହିଥିବା ଖୋର୍ଦ୍ଧା ରୋଡ୍-ବଲାଙ୍ଗୀର ପ୍ରକଳ୍ପର ଅଗ୍ରଗତିର ସମୀକ୍ଷା କରି ଧାର୍ଯ୍ୟ ସମୟ ମଧ୍ୟରେ ନିର୍ମାଣ କାର୍ଯ୍ୟ ସମାପ୍ତ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ* |• *ଶୁକ୍ରବାର ଦିନ ଖୋର୍ଦ୍ଧା ରୋଡ୍-ବଲାଙ୍ଗୀର ପ୍ରକଳ୍ପର ଝରମୁଣ୍ଡା-ବୌଦ୍ଧ ରେଳ ସେକ୍ସନର ନିରୀକ୍ଷଣ କରିଥିଲେ* |• *ଜୁଲାଇ 20 ରେ ଜଖପୁରା-ଜାରୋଲି ରେଳ ଲାଇନର କେନ୍ଦୁଝରଗଡ଼-ନୟାଗଡ଼ ରେଳ ସେକ୍ସନ ନିରୀକ୍ଷଣ କରାଯାଇଛି* |•

*ଜୁଲାଇ 19 ରେ ସମ୍ବଲପୁର-ଅନୁଗୁଳ ରେଳ ଲାଇନର ସମ୍ବଲପୁର-ଜରପଡା ରେଳ ସେକ୍ସନ ମଧ୍ୟରେ ଭିତ୍ତିଭୂମି ସମ୍ବନ୍ଧୀୟ ସମସ୍ୟା ତଥା ଯାତ୍ରୀ ସୁବିଧା ଗୁଡିକର ନିରୀକ୍ଷଣ* |• *20 ଜୁଲାଇରେ କେନ୍ଦୁଝରଗଡ଼ ଏବଂ ନୟାଗଡ଼ରେ ରନିଙ୍ଗ ରୁମରେ ଟ୍ରେନ ପାଇଲଟ, ସହାୟକ ଟ୍ରେନ ପାଇଲଟ ଓ ଟ୍ରେନ ପରିଚାଳକଙ୍କ ସୁବିଧା ଉପଲବ୍ଧତା ପାଇଁ ନିରୀକ୍ଷଣ* |ଭୁବନେଶ୍ୱର, 20.07.2024:ପୂର୍ବତଟ ରେଳପଥ ମହାପ୍ରବନ୍ଧକ ଶ୍ରୀ ପରମେଶ୍ୱର ଫୁଙ୍କୱାଲ ଆଜି ସମ୍ବଲପୁର ପରିଦର୍ଶନରେ ଯାଇ ଚାଲୁ ରହିଥିବା ଖୋର୍ଦ୍ଧା ରୋଡ-ବଲାଙ୍ଗୀର ରେଳ ଲାଇନ ପ୍ରକଳ୍ପର ଝରମୁଣ୍ଡା-ବୌଦ୍ଧ ରେଳ ସେକ୍ସନ ନିରୀକ୍ଷଣ କରିବା ସହିତ ସମ୍ବଲପୁର-ଜରପଡା ରେଳ ସେକ୍ସନର ରେଳ ଭିତ୍ତିଭୂମି ଓ ଯାତ୍ରୀ ପରିଷେବାକୁ ନିରୀକ୍ଷଣ କରିଛନ୍ତି |

ଏହି ନିରୀକ୍ଷଣ ସମୟରେ ସମ୍ବଲପୁର ରେଳ ମଣ୍ଡଳର ମଣ୍ଡଳ ରେଳବାଇ ପ୍ରବନ୍ଧକଙ୍କ ସହିତ ରେଳପଥ ମୁଖ୍ୟାଳୟର ବରିଷ୍ଠ ଅଧିକାରୀ, ପ୍ରକଳ୍ପ ନିର୍ମାଣକାରୀ ଅଧିକାରୀ ପ୍ରତିନିଧୀମାନେ ଶ୍ରୀ ଫୁଙ୍କୱାଲଙ୍କ ସହ ନିରୀକ୍ଷଣ କାର୍ଯ୍ୟରେ ସହଯୋଗ କରିଥିଲେ | ନିରୀକ୍ଷଣ ସମୟରେ ଶ୍ରୀ ଫୁଙ୍କୱାଲ ଖୋର୍ଦ୍ଧା ରୋଡ-ବଲାଙ୍ଗୀର ପ୍ରକଳ୍ପର ଅଗ୍ରଗତିର ସମୀକ୍ଷା କରିଥିଲେ ଏବଂ ଧାର୍ଯ୍ୟ ସମୟସୀମା ମଧ୍ୟରେ ନିର୍ମାଣ କାର୍ଯ୍ୟ ଶେଷ କରିବା ଉପରେ ଗୁରୁତ୍ୱାରୋପ କରିଥିଲେ | ଉପାନ୍ତ ଅଞ୍ଚଳରେ ଏହି ସାର୍ବଜନୀନ କୈନ୍ଦ୍ରିକ ପ୍ରକଳ୍ପକୁ ରେଳ ମନ୍ତ୍ରଣାଳୟ ଦ୍ୱାରା ପ୍ରତ୍ୟକ୍ଷ ଭାବେ ନଜର ରଖାଯାଇଛି |ଖୋର୍ଦ୍ଧା ରୋଡ୍-ବଲାଙ୍ଗୀର ରେଳ ଲାଇନ ପ୍ରକଳ୍ପର ମୋଟ 301 କିଲୋମିଟର ମଧ୍ୟରୁ 152.805 କିଲୋମିଟର କାର୍ଯ୍ୟକ୍ଷମ ହୋଇଛି | ପ୍ରକଳ୍ପର ଶୀଘ୍ର ସମାପ୍ତ ହେବା ସୁନିଶ୍ଚିତ କରିବାକୁ ରେଳବାଇ ଉଭୟ ପାର୍ଶ୍ୱରୁ ଅର୍ଥାତ୍ ଖୋର୍ଦ୍ଧା ରୋଡ୍ ଏବଂ ବଲାଙ୍ଗୀର ପାର୍ଶ୍ୱରୁ ଏହି ଲାଇନର ନିର୍ମାଣ କାର୍ଯ୍ୟ ଚାଲୁରଖିଛି | ବର୍ତ୍ତମାନ ପର୍ଯ୍ୟନ୍ତ ଖୋର୍ଦ୍ଧା ରୋଡରୁ ଦଶପଲ୍ଲା ପର୍ଯ୍ୟନ୍ତ 105.8 କିଲୋମିଟର ଏବଂ ବଲାଙ୍ଗୀରରୁ ସୋନପୁର ପର୍ଯ୍ୟନ୍ତ 47 କିଲୋମିଟର କାର୍ଯ୍ୟ ସମାପ୍ତ ହୋଇଛି | ସୋନପୁରରୁ ପୁରୁଣାକଟକ ପର୍ଯ୍ୟନ୍ତ ପ୍ରାୟ 73 କିଲୋମିଟର ଦୈର୍ଘ୍ୟ ରେଳ ଲାଇନକୁ ଆସନ୍ତା କିଛି ମାସ ମଧ୍ୟରେ ଶେଷ କରିବାକୁ ରେଳବାଇ ଆଶା ରଖିଛି | ଭିତ୍ତିଭୂମି ତଥା ବିକାଶମୂଳକ କାର୍ଯ୍ୟ ତଥା ଯାତ୍ରୀଙ୍କ ସୁବିଧା ଉପରେ ଧ୍ୟାନ ଦେଇ ଶ୍ରୀ ଫୁଙ୍କୱାଲ ସମ୍ବଲପୁର-ଜରପଡା ରେଳ ସେକ୍ସନକୁ ମଧ୍ୟ ନିରୀକ୍ଷଣ କରିଥିଲେ | ଏହି ପ୍ରକଳ୍ପଗୁଡିକର ଶୀଘ୍ର ସମାପ୍ତି ପାଇଁ ଆବଶ୍ୟକ ପଦକ୍ଷେପ ନେବାକୁ ସେ ଅଧିକାରୀମାନଙ୍କୁ ନିର୍ଦେଶ ଦେଇଛନ୍ତି |ଏଥିସହ ଶ୍ରୀ ଫୁଙ୍କୱାଲ ଶନିବାର ଦିନ ଯଖପୁରା-ଜାରୋଲି ରେଳ ଲାଇନର କେନ୍ଦୁଝର-ନୟାଗଡ଼ ରେଳ ସେକ୍ସନ ନିରୀକ୍ଷଣ କରି କେନ୍ଦୁଝର ଅଞ୍ଚଳରେ ଯାତ୍ରୀଙ୍କ ସୁବିଧା ତଥା ଟ୍ରାଫିକ ସୁବିଧା ଉପରେ ଗୁରୁତ୍ୱାରୋପ କରିଥିଲେ | ଯାତ୍ରୀମାନଙ୍କ ସୁବିଧା ପାଇଁ ନୟାଗଡ଼ ଏବଂ କେନ୍ଦୁଝରଗଡ଼ ଷ୍ଟେସନରେ ଯାତ୍ରୀ ପରିଷେବା ସୁଦୃଢ଼ କରିବା ପାଇଁ ଗୁରୁତ୍ୱାରୋପ କରି ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ଖୋର୍ଦ୍ଧା ରୋଡ଼ ରେଳ ମଣ୍ଡଳ ଅଧିକାରୀ ମାନଙ୍କୁ ଆଦେଶ ଦେଇଛନ୍ତି | ଲୋକୋ ପାଇଲଟ୍, ଆସିଷ୍ଟାଣ୍ଟ ଲୋକୋ ପାଇଲଟ୍ ଏବଂ ଟ୍ରେନ୍ ମ୍ୟାନେଜରଙ୍କ ସମେତ ରନିଙ୍ଗ କର୍ମଚାରୀଙ୍କ ପାଇଁ ଏକ କଲ୍ୟାଣମୂଳକ ପଦକ୍ଷେପରେ ଶ୍ରୀ ଫୁଙ୍କୱାଲ୍ ରନିଙ୍ଗ ରୁମରେ ଥିବା ସୁବିଧାଗୁଡ଼ିକର ମୂଲ୍ୟାଙ୍କନ କରିଥିଲେ | ମହାପ୍ରବନ୍ଧକ ମଧ୍ୟ ସେମାନଙ୍କର ଆବଶ୍ୟକତା ବୃଦ୍ଧି କରାଇବା ପାଇଁ କର୍ମଚାରୀଙ୍କ ସହ ପ୍ରତ୍ୟକ୍ଷ ଭାବେ ଆଲୋଚନା କରିଥିଲେ ଏବଂ ସେମାନଙ୍କ ସୁବିଧା ବୃଦ୍ଧି ପାଇଁ ପଦକ୍ଷେପ ବିଷୟରେ ଆଲୋଚନା କରିଥିଲେ |ପୂର୍ବତଟ ରେଳପଥ ଏହି ଗୁରୁତ୍ୱପୂର୍ଣ୍ଣ ଭିତ୍ତିଭୂମି ପ୍ରକଳ୍ପ ଗୁଡିକର ଠିକ୍ ସମୟରେ ସମାପ୍ତ କରିବାକୁ ପ୍ରତିଶ୍ରୁତିବଦ୍ଧ ଏବଂ ଏହାର ନେଟୱାର୍କରେ ଯାତ୍ରୀଙ୍କ ଆରାମଦାୟକ ସୁବିଧା ପ୍ରଦାନ ଏବଂ ନିରାପତ୍ତାକୁ ପ୍ରାଥମିକତା ଦେଇ ଚାଲିଛି | ଶ୍ରୀ ପରମେଶ୍ୱର ଫୁଙ୍କୱାଲଙ୍କ ଦ୍ୱାରା ଗତ ଦୁଇଦିନ ଧରି ହୋଇଥିବା ନିରୀକ୍ଷଣ ସମୟରେ ପ୍ରମୁଖ କାର୍ଯ୍ୟକଳାପ ଏବଂ ପଦକ୍ଷେପ, ପୂର୍ବ ତଟ ରେଳବାଇର କାର୍ଯ୍ୟକ୍ଷମ ଅଞ୍ଚଳରେ ଉଭୟ ଭିତ୍ତିଭୂମି ବିକାଶ ତଥା ଯାତ୍ରୀ କଲ୍ୟାଣ ଉପରେ ଗୁରୁତ୍ୱାରୋପ କରାଯାଇଅଛି |