ରୋଗୀଙ୍କୁ ବୋହିକି ନେବାକୁ ପଡୁଛି ଏମକେସିଜି ମେଡିକାଲରେ

ବ୍ରହ୍ମପୁର, ତା.୨୮.୬.୨୦୨୫ରିଖ ଦକ୍ଷିଣ ଓଡ଼ିଶାବାସୀଙ୍କ ଏକ ମାତ୍ର ନିର୍ଭରଯୋଗ୍ୟ ହସ୍ପିଟାଲ ଏମକେସିଜି ମେଡିକାଲରେ ସବୁବେଳେ କୌଣସି ନା କୌଣସି ସମସ୍ୟା ନେଇ ଅଭିଯୋଗ ହେଉଥିବା ବେଳେ କିଛି କର୍ମଚାରୀଙ୍କ ଦାୟିତ୍ଵରେ ଅବହେଳା ଓ ପ୍ରଶାସନିକ ନିଷ୍କ୍ରିୟତା ପାଇଁ ଦୈନିକ ଶହ ଶହ ରୋଗୀ ନାନା ପ୍ରକାର ହଇରାଣ ହେଉଛନ୍ତି l ସୁଚନା ଯୋଗ୍ୟ ଯେ, କାଜୁଆଲିଟି ରୁ ରଞ୍ଜନ ରଶ୍ମି ବିଭାଗକୁ ରୋଗୀଙ୍କୁ ନେବା ପାଇଁ ବ୍ୟାଟେରୀ ଗାଡ଼ି ବ୍ୟବସ୍ଥା ଥିବା ସତ୍ତ୍ବେ ଡ୍ରାଇଭର ନ ଥିବାରୁ ଦୀର୍ଘ ସମୟ ପରେ ପୁଣି କାଜୁଆଲିଟି ମ୍ୟାନେଜର ସନ୍ତୋଷ ପଣ୍ଡାଙ୍କୁ ଫୋନ କରିବା ପରେ ଗାଡ଼ି ବାହାରିଥିଲା l ଚିନ୍ତାର ବିଷୟ ଏହିକି ଯେ, ପ୍ରତ୍ୟେକ ଦିନ ଏହି ଭଳି ଶହ ଶହ ସାଧାରଣ ନିରୀହ ରୋଗୀ ଓ ତାଙ୍କ ସମ୍ପର୍କୀୟ ମାନେ ନାନା ପ୍ରକାର ସମସ୍ୟାର ସମ୍ମୁଖୀନ ହେଉଛନ୍ତି l ପ୍ରକାଶ ଯୋଗ୍ୟ ଯେ, କିଛି ଘୋରୋଇ ଅଟୋ ମଧ୍ୟ ରୋଗୀଙ୍କ ଏ ପ୍ରକାର ସମସ୍ୟାର ସୁଯୋଗ ନେଇ ରୋଗୀ ବୋହିବା ପାଇଁ ନିଜ ନିଜ ବେପାର ଜମାଇଛନ୍ତି l ରଞ୍ଜନ ରଶ୍ମୀ ବିଭାଗରେ ପହଞ୍ଚିବା ପରେ ସଙ୍ଗେ ସଙ୍ଗେ ଷ୍ଟେଚର୍ ର ଆବଶ୍ୟକତା ପଡ଼ିଥାଏ, କିନ୍ତୁ କାଚ ରୁମ୍ ମଧରେ ଷ୍ଟେଚର୍ ରଖାଯାଇଥିଲେ ବି କେହି କର୍ମଚାରୀ ରୋଗୀଙ୍କୁ ଷ୍ଟେଚର ଦେଉନାହାନ୍ତି କି ନିଜେ ଆସୁନାହାନ୍ତି ଯାହାଫଳରେ ରୋଗୀଙ୍କ ସମ୍ପର୍କୀୟ ମାନେ ରୋଗୀଙ୍କୁ ବୋହି ବୋହି ନାନା ପରୀକ୍ଷା କରୁଛନ୍ତି l ଏ ପ୍ରକାର ଅବ୍ୟବସ୍ଥା ପ୍ରତିଦିନ ରୋଗୀ ସମ୍ମୁଖୀନ ହେଉଥିଲେ ବି ମେଡିକାଲ କର୍ତ୍ତୃପକ୍ଷ ଏହାକୁ ଦୃଷ୍ଟି ନ ଦେବା ଆଶ୍ଚର୍ଯ୍ୟ ମନେ ହେଉଛି l ଦକ୍ଷିଣ ଓଡିଶାର ଏକ ମାତ୍ର ପ୍ରମୁଖ ବ୍ରହ୍ମପୁର ବଡ ମେଡିକାଲରେ ରୋଗୀଙ୍କୁ ଏହିଭଳି ପ୍ରତିକ୍ଷେତ୍ରରେ ହଇରାଣ କରି ଘରୋଇ ହସ୍ପିଟାଲକୁ ଅତ୍ୟନ୍ତ ସୁନିୟୋଜିତ ଭାବେ ରୋଗି ଚାଲାଣ ଚାଲୁଥିବା ସମାଜସେବୀ ମନୋଜ ତରାଇ ଆଭିଯୋଗ କରିଛନ୍ତି l