ମାଲେସିଆ ଗସ୍ତ ପୂର୍ବରୁ ପ୍ରଧାନମନ୍ତ୍ରୀଙ୍କ ପ୍ରସ୍ଥାନ ବିବୃତି
୦୭ ଫେବ୍ରୁଆରୀ ୨୦୨୬; ପିଆଇବି ଦିଲ୍ଲୀମୋର ବନ୍ଧୁ ପ୍ରଧାନମନ୍ତ୍ରୀ ଅନୱାର ଇବ୍ରାହିମଙ୍କ ନିମନ୍ତ୍ରଣରେ ମୁଁ ଆଜି ମାଲେସିଆକୁ ଏକ ସରକାରୀ ଗସ୍ତରେ ଯାଉଛି । ଭାରତ ଏବଂ ମାଲେସିଆ ମଧ୍ୟରେ ଐତିହାସିକ ସମ୍ପର୍କ ଗତ କିଛି ବର୍ଷ ମଧ୍ୟରେ ଦୃଢ଼ ପ୍ରଗତି ହାସଲ କରିଛି । ପ୍ରଧାନମନ୍ତ୍ରୀ ଅନୱାର ଇବ୍ରାହିମଙ୍କ ସହ ମୋର ଆଲୋଚନା ଏବଂ ଆମର ବ୍ୟାପକ ରଣନୀତିକ ସହଭାଗିତାକୁ ଅଧିକ ବୃଦ୍ଧି କରିବାକୁ ମୁଁ ଅପେକ୍ଷା କରିଛି । ଆମେ ଆମର ପ୍ରତିରକ୍ଷା ଏବଂ ସୁରକ୍ଷା ସମ୍ପର୍କକୁ ଆହୁରି ଗଭୀର କରିବାକୁ, ଆମର ଅର୍ଥନୈତିକ ଏବଂ ନବସୃଜନ ସହଭାଗିତାକୁ ବୃଦ୍ଧି କରିବା ତଥା ନୂତନ କ୍ଷେତ୍ରରେ ଆମର ସହଯୋଗକୁ ବିସ୍ତାର କରିବାକୁ ଲକ୍ଷ୍ୟ ରଖିବୁ ।ମୁଁ ମାଲେସିଆରେ ଥିବା ଭାରତୀୟ ସମ୍ପ୍ରଦାୟକୁ ଭେଟିବାକୁ ମଧ୍ୟ ଆଗ୍ରହୀ । ପ୍ରାୟ 30 ଲକ୍ଷ ସଂଖ୍ୟାରେ, ସେମାନେ ବିଶ୍ୱର ସର୍ବବୃହତ ଭାରତୀୟ ପ୍ରବାସୀ ମଧ୍ୟରୁ ଅନ୍ୟତମ । ମାଲେସିଆର ପ୍ରଗତିରେ ସେମାନଙ୍କର ବିପୁଳ ଅବଦାନ ଏବଂ ଆମ ଦୁଇ ରାଷ୍ଟ୍ର ମଧ୍ୟରେ ଏକ ଜୀବନ୍ତ ସେତୁ ଭାବରେ ସେମାନଙ୍କର ଭୂମିକା ଆମର ଐତିହାସିକ ବନ୍ଧୁତାକୁ ଏକ ଦୃଢ଼ ଭିତ୍ତିଭୂମି ପ୍ରଦାନ କରେ ।