ପ୍ରେସ ବିଜ୍ଞପ୍ତି

ପ୍ରେସ ବିଜ୍ଞପ୍ତି ମାଧ୍ୟମରେ ମୋର ସମସ୍ତ ଗଣମାଧ୍ୟମ ପ୍ରତିନିଧିମାନଙ୍କୁ ଜଣାଉଅଛି କି, ନୟାଗଡ ପୋଲିସ ମୋର ନୟାଗଡ଼ ବାସଭବନ ଉପରେ ମୋର ଅନୁପସ୍ଥିତିରେ ରାତି ୧ଟାରେ ପାଚେରୀ ଡେଇଁ ଗେଟ୍ ବାଡ଼େଇବା ସହିତ ବାସଭବନରେ ରହୁଥିବା କର୍ମଚାରୀଙ୍କୁ ଉଠାଇ ଘର ତଲାସ କରିଥିଲେ । ପୋଲିସର ଏଭଳି କାର୍ଯ୍ୟକୁ ମୁଁ ନିନ୍ଦା କରୁଛି । ମୁଁ ବିଜେଡି ନେତ୍ରୀ ହିସାବରେ ରହିଥିବା ବେଳେ ମୋର ମାନସମ୍ମାନକୁ ବାହାରେ ପକାଇବା ପାଇଁ ବିଜେପି ନେତ୍ରୀ ତଥା ପୂର୍ବତନ କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ଵରୀ ସିଂ ଏକ ହୀନ ରାଜନୀତି ଆରମ୍ଭ କରିଛନ୍ତି। ଘଟଣା କ’ଣ, ଘଟଣାକୁ ତର୍ଜମା ନ କରି ବିଜେଡି ଉପରେ ଆରୋପ ଲଗାଇବା ଏବଂ ମୋର କର୍ମୀମାନଙ୍କ ଘରେ ରାତି ଅଧୂଆ ଚଢ଼ାଉ କରିବା ନିନ୍ଦନୀୟ। ଇଟାମାଟି ନାରାୟଣୀ ମନ୍ଦିର ପରିଚାଳନା କମିଟି ବୈଠକ ଏବଂ ତାହାର ହିସାବ ନିକାଶକୁ ନେଇ ଗତ ୨୮ ତାରିଖ ରାତିରେ ଇଟାମାଟି ଗୌଡ ସାହିଠାରୁ ମନ୍ଦିର ପରିଚାଳନା କମିଟିର ସଭାପତି ଶ୍ରବଣ କୁମାର ରାମଙ୍କ ଅଧ୍ୟକ୍ଷତାରେ ବୈଠକ ହୋଇଥିଲା। ବୈଠକକୁ ଆସିବା ପାଇଁ ୩/୪ ଦିନ ଆଗରୁ ଇଟାମାଟି ସାରା ଢୋଲ ବଜାଇ ବୈଠକକୁ ଯିବାପାଇଁ କହିବା ସହିତ ନୋଟିସ ବି କରିଥିଲେ। ଏହି ନୋଟିସ ମାଧ୍ୟମରେ ଗତ ୨୮ ତାରିଖ ରାତି ପ୍ରାୟ ୯.୩୦ରେ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ବିଜେପି,ବିଜେଡି ଓ କଂଗ୍ରେସର କର୍ମକର୍ତ୍ତା ଥିଲେ ବି ଏହା ଗ୍ରାମ୍ୟ କମିଟି ତଥା ଦଶହରା ପୂଜା ଉପଲକ୍ଷେ ବୈଠକ ବସିଥିଲା। ଏହା କୌଣସି ଦଳର କାର୍ଯ୍ୟକ୍ରମ ନଥିଲା । ବିଜେପିର ବି କୌଣସି ଦଳୀୟ ବୈଠକ ଅନୁଷ୍ଠିତ ହୋଇନଥିଲା। କିନ୍ତୁ ନାରାୟଣୀ ମନ୍ଦିରର ହିସାବ ନିକାଶ ଓ କର୍ମକର୍ତା ଚୟନ ପାଇଁ ଗୌଡ ସାହିର କିଛି ବ୍ୟକ୍ତି ପ୍ରସ୍ତାବ ଦେଇଥିଲେ। ଏହି ପ୍ରସ୍ତାବକୁ ନେଇ କମିଟିର ସଭ୍ୟଙ୍କ ମଧ୍ୟରେ ତର୍କବିତର୍କ ହୋଇଥିଲା। ପରେ ଜନୈକ ସଭ୍ୟ ବିଷ୍ଣୁ ପ୍ରସାଦ ସାହୁଙ୍କ ଉପରେ ଆକ୍ରମଣ ହୋଇଥିଲା । ଏହି ଆକ୍ରମଣକୁ ନେଇ ବିଜେପି ଏବେ ରାଜନୀତି ଆରମ୍ଭ କରିଛି। ବିଜେପି ନେତ୍ରୀ ପୂର୍ବତନ କନ୍ଧମାଳ ସାଂସଦ ପ୍ରତ୍ୟୁଷା ରାଜେଶ୍ଵରୀ ସିଂ ରାତି ପ୍ରାୟ ୧୨ଟାରୁ ୧ଟା ମଧ୍ଯରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ବିଷ୍ଣୁଙ୍କୁ ଭେଟିଥିଲେ । ପ୍ରତ୍ୟୁଷା ରାଜେଶ୍ଵରୀ ସିଂ ଏହି ଗଣ୍ଡଗୋଳକୁ ନେଇ ଏବେ ରାଜନୈତିକ ଶତ୍ରୁତା ଆରମ୍ଭ କରି ଦେଇଛନ୍ତି। ପ୍ରତ୍ୟୁଷାଙ୍କ କହିବା କଥା ବିଜେଡିର କିଛି କର୍ମକର୍ତ୍ତା ଏହାକୁ ଉଷୁକାଇ ଗଣ୍ଡଗୋଳ କରିଛନ୍ତି। ରାତି ୧ଟା ସମୟରେ ବିଜେଡି ନେତ୍ରୀ ଇରାନୀ ରାୟଙ୍କ ବାସଭବନ ଉପରେ ଚଢ଼ାଉ କରିଥିଲେ। କିନ୍ତୁ ସମସ୍ତଙ୍କ ଘର ପୋଲିସ ତନ୍ନ ତନ୍ନ କରି ତନଖି କଲେ ବି କୌଣସି କର୍ମୀଙ୍କୁ ପାଇଲେ ନାହିଁ। ବିଜେଡି କର୍ମୀଙ୍କ ଘରେ ବି ଚଢ଼ଉ କରିଛନ୍ତି । ଫଳରେ ମୋ କର୍ମୀମାନେ ଗିରଫ ଭୟରେ ଲୁଚିବାକୁ ବାଧ୍ୟହୋଇଛନ୍ତି। ମୋର କର୍ମୀମାନଙ୍କୁ ଜାଣିଶୁଣି ହଇରାଣ କରିବା ପାଇଁ ଉଦ୍ୟମ କରିବା ସହିତ ସେମାନଙ୍କୁ ଆଇନରେ ଛନ୍ଦି ଦେବା ପାଇଁ ଉଦ୍ୟମ ଆରମ୍ଭ କରିଛନ୍ତି । ମୁଁ ନୟାଗଡ ବାସଭବନରେ ନଥିବାବେଳେ ମୋ ବିନାନୁମତିରେ କିଭଳି ଚଢ଼ାଭ କଲା ଏହା ଅତ୍ୟନ୍ତ ନିନ୍ଦନୀୟ ଘଟଣା। ବିଜେପି କ୍ଷମତା ବଳରେ ପୋଲିସ ଲଗାଇ ମୋ ଘର ଉପରେ ଏଭଳି ଚଢ଼ାଉ କରିବା କେତେଦୂର ଠିକ । ଇଟାମାଟି ନାରାୟଣୀ ମନ୍ଦିରର ପରିଚାଳନା କମିଟି ବୈଠକ ହୋଇଥିଲା। ଏଠି ବିଜେଡି କିଭଳି ଦାୟୀ ରହିଲା। ଇଟାମାଟିର ଗ୍ରାମ୍ୟ ସଭା ବାନାରାୟଣୀ ପରିଚାଳନା କମିଟି ବୈଠକ ବସିଥିଲା ସେଥିରେ ବିଜେଡିର ଭୂମିକା କିଛି ନାହିଁ । ଯେଉଁ ବିଜେପି ଦୋଷାରୋପ କରୁଛି । ତାଙ୍କ ମଣ୍ଡଳ ସଭାପତି ବିଜେପିର ବିଷ୍ଣୁଙ୍କ ଆକ୍ରମଣ କଲେ ତାହା କହିବା କେତେଦୂର ଯୁକ୍ତିଯୁକ୍ତ । କହିବାକୁ ଗଲେ ଶ୍ରବଣ ରାମ ଯିଏକି ପରିଚାଳନା କମିଟି ସଭାପତି ସେ ଏବେ ବିଜେପି ଦଳରେ ଅଛନ୍ତି । ବିଷ୍ଣୁ ବି ବିଜେପିର। ସିଏ ହିଁ ବୈଠକ ପରିଚାଳନା କରୁଛନ୍ତି। ତେଣୁ ବିଜେଡିର ସ୍ଥାନ ଆସିଲା କେଉଁଠୁ। ପ୍ରତ୍ୟୁଷା ପୂର୍ବରୁ ବିଜେଡିରେ ଥିଲେ ଏବେ ବିଜେପି ହୋଇଛନ୍ତି। ଶାନ୍ତ ଇଟାମାଟିକୁ ଅଶାନ୍ତ କରିବା ପାଇଁ ମୋର କର୍ମୀମାନଙ୍କୁ ବିଭିନ୍ନ କେସରେ ଛନ୍ଦିବା ପାଇଁ ଯୋଜନା କରିଛନ୍ତି । ଯଦି ଏଭଳି ପ୍ରତ୍ୟୁଷା ରାଜେଶ୍ଵରୀ ସିଂ ଶାସନ କ୍ଷମତା ଆଳରେ ଏଭଳି ଆଇନ ଶୃଙ୍ଖଳା ବିପର୍ଯ୍ୟସ୍ତ କରନ୍ତି ତାହା ହେଲେ ନୟାଗଡର ସାଧାରଣ ଲୋକ ଏହାକୁ ବରଦାସ୍ତ କରିବେ ନାହିଁ । ପ୍ରକାଶଥାଉ କି ଅନ୍ୟତମ କାରଣ ଇଟାମାଟିର ବିଭିନ୍ନ ଯୁବକମାନେ ଗଣେଶ ମେଢ଼ କରିଥିଲେ। ଭସାଣୀକୁ ସିଧାସଳଖ ଭାବେ ବିଜେପି ମଣ୍ଡଳ ସଭାପତି ବୋଲାଉଥିବା ବିଷ୍ଣୁପ୍ରସାଦ ସାହୁ ଇଟାମାଟି ପୋଲିସକୁ ଆଣି ବନ୍ଦ କରିଥିବା ଯୋଗୁ ଯୁବକମାନେ ବିଷ୍ଣୁ ପ୍ରସାଦଙ୍କ ଉପରେ ଅସନ୍ତୋଷ ଥିଲେ। ତେଣୁ ନିଜ ମୁଣ୍ଡର ଅଠା ଅନ୍ୟ ମୁଣ୍ଡରେ ଲଗାଇବା ପାଇଁ ବିଜେପି ହୀନ ରାଜନୀତି କରିଛି। ଘଟଣାର ଉପଯୁକ୍ତ ତଦନ୍ତ କରାଯାଉ ପ୍ରକୃତରେ କିଏ ଦୋଷୀ। ନିରପେକ୍ଷ ତଦନ୍ତ ନକରି ସିଧାସଳଖ ଭାବେ ବିଜେଡି କର୍ମୀଙ୍କୁ ଆଇନ ଜାଲରେ ଛନ୍ଦି ଦେବା କେତେଦୂର ଠିକ। ଗତ ନିର୍ବାଚନରେ ମୋର ବିଜେଡି କର୍ମୀଙ୍କୁ ପ୍ରତ୍ୟୁଷା ବହୁ ପ୍ରଭାବିତ କରିଥିଲେ। କିନ୍ତୁ ପ୍ରତ୍ୟୁଷାଙ୍କ ପ୍ରଭାବରେ ପ୍ରଭାବିତ ନ ହୋଇ କର୍ମୀମାନେ ବିଜେଡିକୁ ସାହାଯ୍ୟ କରିଥିଲେ। ଏଥୁ ଯୋଗୁ ପ୍ରତ୍ୟୁଷାଙ୍କ ରାଗର ଶିକାର ହେବାକୁ ପଡିଛି । ତେଣୁ ନୟାଗଡ ଭଳି ଶାନ୍ତିପୂର୍ଣ୍ଣ ଅଞ୍ଚଳକୁ ପ୍ରତ୍ୟୁଷା ଅଶାନ୍ତ କରିବା ପାଇଁ ଚେଷ୍ଟା ଚଳାଇଛନ୍ତି।

ରିପୋର୍ଟ -ରାମକୃଷ୍ଣ ରଥ, ନୟାଗଡ