ପୁରୀବାସୀଙ୍କ ଶ୍ରୀଜଗନ୍ନାଥ ଦର୍ଶନ ପାଇଁ ଦ୍ବୀତିୟ ଷ୍ଟିୟରିଂ କମିଟି

ପୁରୀବାସୀଙ୍କ ଶ୍ରୀଜଗନ୍ନାଥ ଦର୍ଶନ ପାଇଁ ଦ୍ବୀତିୟ ଷ୍ଟିୟରିଂ କମିଟି ବୈଠକରେ ୭ତାରିଖରେ ଶୋଭାଯାତ୍ରା ଓ ପ୍ରତିବାଦ ସଭା ପାଇଁ ନିଷ୍ପତ୍ତି।ଆସନ୍ତା ୭ ତାରିଖରେ ଶ୍ରୀଗୁଣ୍ଡିଚା ମନ୍ଦିର ଠାରୁ ଏକ ବିଶାଳ ଶୋଭାଯାତ୍ରା ବାହାରି ମାର୍କେଟ ଛକ ନିକଟରେ ଏକ ଶାନ୍ତିପୂର୍ଣ୍ଣ ଭାବେ ପ୍ରତିବାଦ ସଭା ଅନୁଷ୍ଠିତ ହେବ। ଏହି ଶୋଭାଯାତ୍ରାରେ ପୁରୀର ସମସ୍ତ ଯାଗା ଆଖଡାର କର୍ମ କର୍ତ୍ତା , ଅଧିବକ୍ତା, ସେବାୟତ, ପୁରୀର ସମସ୍ତ ସାମାଜିକ ଓ ସାଂସ୍କୃତିକ ସଙ୍ଗଠନ ମାନଙ୍କୁ ଏକତ୍ରୀତ ହୋଇ ସାମିଲ ହେବେ। ଏଥିପାଇଁ ସ୍ବତନ୍ତ୍ର ଖସଡା ପ୍ରସ୍ତୁତ କରାଯାଇଛି, ଏହା ସହିତ ପୁରୀର ସାଂସଦ ଓ ବିଧାୟକଙ୍କ ସମେତ ସମସ୍ତ ବର୍ତ୍ତମାନ ଓ ପୂର୍ବତନ ଲୋକ ପ୍ରତିନିଧି ମାନଙ୍କୁ ଆସନ୍ତା ପ୍ରତିବାଦ ସଭାରେ ଯୋଗ ଦେବା ପାଇଁ ନିମନ୍ତ୍ରଣ କରାଯିବ ବୋଲି ସ୍ଥିର କରାଯାଇଅଛି । ଏହା ସହ ଆସନ୍ତା ୩୦ ତାରିଖ ଦିନ ସମସ୍ତ ଯାଗା ଆଖଡାର କର୍ମକର୍ତ୍ତା ଓ ସାମାଜିକ ଓ ସାଂସ୍କୃତିକ ଅନୁଷ୍ଠାନ ର କର୍ମକର୍ତ୍ତା ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହେବ ବୋଲି ସ୍ଥିର କରା ହୋଇଛି। ଚ୍ଛତିଶା ନିଯୋଗର ସମସ୍ତ ସଭାପତି ଓ ସମ୍ପାଦକ ଓ ଶ୍ରୀମନ୍ଦିର ପରିଚାଳନା କମିଟି ର ସମସ୍ତ ସଦସ୍ୟ ମାନଙ୍କୁ ଆସନ୍ତା ୭ ତାରିଖ ଦିନ ପ୍ରତିବାଦ ସଭାକୁ ନିମନ୍ତ୍ରଣ କରାଯିବ ବୋଲି ସ୍ଥିର କରାଯାଇଛି। ଏହି ପ୍ରତିବାଦ ସଭାକୁ ସଫଳ କରିବା ପାଇଁ ବିଭିନ୍ନ କମିଟି ମାନ ଗଠନ କରାଯାଇଛି । ଯେଉଁ ମାନେ କି ଆଗାମୀ ଦିନରେ ଏହି ଶୋଭାଯାତ୍ରାକୁ ଓ ପ୍ରତିବାଦ ସଭାକୁ ସଫଳ କରିବା ପାଇଁ ଅହରହ ଉଦ୍ୟମ କରିବେ। ପୁରୀ ଲୋକଙ୍କ ଅବଗତି ନିମନ୍ତେ ପୁରୀ ସହରରେ ଅଟୋ ବୁଲାଇ ପ୍ରଚାର ପ୍ରସାର କରାଯିବ ଓ ବିଭିନ୍ନ ଖବର କାଗଜରେ ପ୍ରଚାରପତ୍ର ପଠାଯାଇ ୭ ତାରିଖ କାର୍ଯ୍ୟକ୍ରମରେ ସାମିଲ୍ ହେବା ପାଇଁ ନିବେଦନ କରାଯିବ। ପୁରୀ ବାସୀଙ୍କର ଶ୍ରୀମନ୍ଦିର ସ୍ଵତନ୍ତ୍ର ଦର୍ଶନ ଅଭିଯାନ ସଫଳ କିପରି ହୋଇପାରିବ ସେଥିପାଇଁ ମଞ୍ଚ ତରଫରୁ ଆସନ୍ତା ଡିସେମ୍ବର୍ ୭ ତାରିଖ ରବିବାର ଶ୍ରୀଗୁଣ୍ଡିଚା ମନ୍ଦିର ଠାରେ ଅପରାହ୍ଣ ୪ ଘଟିକା ରେ ଏକତ୍ରୀତ ହେବା ପାଇଁ ପୁରୀ ବାସୀଙ୍କୁ ମଞ୍ଚ ତରଫରୁ ନିବେଦନ କରାଯାଉଅଛି।