ଧର୍ମଶାଳା ମହୋତ୍ସବ ପଡ଼ିଆରେ ୮୦ତମ ସ୍ୱାଧୀନତା ଦିବସ

ଧର୍ମଶାଳା ମହୋତ୍ସବ ପଡ଼ିଆରେ ୮୦ତମ ସ୍ୱାଧୀନତା ଦିବସ ରେ ପତାକା ଉତୋଳନ କରି ଅଭିବାଦନ ଗ୍ରହଣ କଲେ ବିଧାୟକ. ହିମାଂଶୁ ଧର୍ମଶାଳା: ଧର୍ମଶାଳା ମହୋତ୍ସବ ପଡ଼ିଆଠାରେ ଗରିମାମୟ ପରିବେଶରେ ୮୦ତମ ପବିତ୍ର ସ୍ୱାଧୀନତା ଦିବସ ସମାରୋହ ଉତ୍ସାହ ଓ ଉଦ୍ଦୀପନାର ସହ ପାଳିତ ହୋଇଯାଇଛି। ଦେଶପ୍ରେମ ଓ ଜାତୀୟତାର ଭାବନାରେ ମୁଖରିତ ଏହି ଉତ୍ସବରେ ଧର୍ମଶାଳାର ମାନ୍ୟବର ବିଧାୟକ ଶ୍ରୀ ହିମାଂଶୁ ଶେଖର ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିଥିଲେ।ଏହି ଅବସରରେ ବିଧାୟକ ଶ୍ରୀ ସାହୁ ସ୍ୱାଧୀନତା ସଂଗ୍ରାମୀ ତଥା ଦେଶମାତୃକା ପାଇଁ ନିଜର ଜୀବନକୁ ବଳିଦାନ ଦେଇଥିବା ମହାନ ବୀରମାନଙ୍କୁ ଶ୍ରଦ୍ଧାର ସହ ସ୍ମରଣ କରିଥିଲେ। ସ୍ୱାଧୀନତାର ମୂଲ୍ୟବୋଧକୁ ଅକ୍ଷୁଣ୍ଣ ରଖି ଦେଶର ଏକତା, ଅଖଣ୍ଡତା ଓ ବିକାଶ ପାଇଁ ପ୍ରତ୍ୟେକ ନାଗରିକ ନିଜ ଦାୟିତ୍ୱ ତୁଲାଇବାକୁ ସେ ଆହ୍ୱାନ ଦେଇଥିଲେ।ସମାରୋହରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ, ଯୁବପିଢ଼ି, ବିଭିନ୍ନ ବର୍ଗର ଲୋକଙ୍କ ସମେତ ବହୁ ସଂଖ୍ୟକ ଅଞ୍ଚଳବାସୀ ଯୋଗଦେଇଥିଲେ। ଦେଶଭକ୍ତିମୟ ପରିବେଶରେ ମହୋତ୍ସବ ପଡ଼ିଆ ତ୍ରିରଙ୍ଗାର ଗୌରବରେ ଉଦ୍ଭାସିତ ହୋଇଉଠିଥିଲା।ସ୍ୱାଧୀନତା ଦିବସର ଏହି ପବିତ୍ର ଅବସରରେ ବିଧାୟକ ଶ୍ରୀ ସାହୁ ସମାଜର ଦୁର୍ବଳ ଓ ଆବଶ୍ୟକତାସମ୍ପନ୍ନ ବର୍ଗଙ୍କ ପ୍ରତି ସହଯୋଗର ହାତ ବଢ଼ାଇଥିଲେ। ଦିବ୍ୟାଙ୍ଗ ଭାଇ ଭଉଣୀମାନଙ୍କୁ ବ୍ୟାଟେରୀ ଚାଳିତ ଗାଡ଼ି ପ୍ରଦାନ କରାଯାଇଥିବା ବେଳେ ପରିବାର ପ୍ରତିପୋଷଣ ପାଇଁ ତିନିଚକିଆ ଟ୍ରଲି ଚଳାଉଥିବା ଶ୍ରମଜୀବୀ ଭାଇମାନଙ୍କୁ ରାସନ ସାମଗ୍ରୀ ପ୍ରଦାନ କରାଯାଇଥିଲା। ଏଥିସହ ଜନସେବାରେ ନିରନ୍ତର ନିୟୋଜିତ ଆଶାକର୍ମୀ ଭଉଣୀମାନଙ୍କୁ ମଧ୍ୟ ରାସନ ସାମଗ୍ରୀ ପ୍ରଦାନ କରି ସେମାନଙ୍କ ନିଷ୍ଠା ଓ ଅବଦାନକୁ ସମ୍ମାନ ଜଣାଯାଇଥିଲା।ଅନ୍ୟପକ୍ଷରେ, ଗଣତନ୍ତ୍ରର ଚତୁର୍ଥ ସ୍ତମ୍ଭ ଭାବେ ସମାଜର ସ୍ୱରକୁ ଲୋକଲୋଚନକୁ ଆଣିବାରେ ନିରନ୍ତର ଭୂମିକା ତୁଲାଉଥିବା ସାମ୍ବାଦିକ ବନ୍ଧୁମାନଙ୍କୁ ସମାରୋହରେ ସମ୍ବର୍ଦ୍ଧିତ କରାଯାଇଥିଲା। ସତ୍ୟ, ନିରପେକ୍ଷତା ଓ ଜନସ୍ୱାର୍ଥର ସୁରକ୍ଷା ପାଇଁ ସାମ୍ବାଦିକମାନଙ୍କ ଅବଦାନକୁ ସମ୍ମାନ ଜଣାଇ ସେମାନଙ୍କୁ ଉତ୍ସାହିତ କରାଯାଇଥିଲା।ଦେଶର ସୁରକ୍ଷା ପାଇଁ ନିଜ ଜୀବନକୁ ଉତ୍ସର୍ଗ କରି କର୍ତ୍ତବ୍ୟରେ ନିୟୋଜିତ ସେନାବାହିନୀର କାର୍ଯ୍ୟରତ ଓ ପୂର୍ବତନ କାର୍ଯ୍ୟକର୍ତ୍ତାମାନଙ୍କୁ ମଧ୍ୟ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା। ଦେଶର ସୀମା ସୁରକ୍ଷାରେ ସେମାନଙ୍କ ତ୍ୟାଗ, ସାହସ ଓ ନିଷ୍ଠା ପ୍ରତି ସମାରୋହରେ ଗଭୀର ସମ୍ମାନ ପ୍ରକାଶ କରାଯାଇଥିଲା।ଦେଶପ୍ରେମର ଉତ୍ସାହ, ସେବାର ସଂକଳ୍ପ ଏବଂ ସମାଜର ପ୍ରତ୍ୟେକ ବର୍ଗ ପ୍ରତି ସମ୍ମାନର ବାର୍ତ୍ତା ନେଇ ଧର୍ମଶାଳାରେ ପାଳିତ ଏହି ୮୦ତମ ସ୍ୱାଧୀନତା ଦିବସ ସମାରୋହ ଏକ ଭାବପୂର୍ଣ୍ଣ ଓ ସ୍ମରଣୀୟ ଅଧ୍ୟାୟ ହୋଇ ରହିଥିଲା।ଉପସ୍ଥିତ ଥିଲେ ଧର୍ମଶାଳା ପଞ୍ଚାୟତ ସମିତିର ମଣ୍ଡଳ ଉନ୍ନୟନ ଅଧିକାରୀ ଜ୍ୟୋତିର୍ମୟୀ କର, ତହସିଲଦାର ସମୀର ରଞ୍ଜନ ଦାସ ଧର୍ମଶାଳା ଥାନା ଅଧିକାରିଣୀ ଚିନ୍ମୟୀ ସାହୁ, କୁଆଖିଆ ଥାନା ଅଧିକାରୀ ସୁଶାନ୍ତ ସେଠୀ, ଧର୍ମଶାଳା ପଞ୍ଚାୟତ ସମିତି ଅଧକ୍ଷା ଶୁଚିସ୍ମିତା ଦାସ, ଉପାଧକ୍ଷା ବିଶ୍ଵବିଜୟିନୀ ମିଶ୍ର, ଜାରକା ମଣ୍ଡଳ ସଭାପତି ଦେବଦତ୍ତ ପଣ୍ଡା, କୋତପୁର ମଣ୍ଡଳ ସଭାପତି ପ୍ରଶାନ୍ତ ନାୟକ, ବାରବାଟୀ ମଣ୍ଡଳ ସଭାପତି ତୀର୍ଥରାଜ ପଣ୍ଡା, ଜେନାପୁର ମଣ୍ଡଳ ସଭାପତି ଶ୍ରୀବତ୍ସ ଧୀର,ଆରୁହା ମଣ୍ଡଳ ସଭାପତି ଜିତେନ୍ଦ୍ର ରାଉତ, କବାଟବନ୍ଧ ମଣ୍ଡଳ ସଭାପତି ନେତ୍ରାନନ୍ଦ ପାତ୍ର, ଯୁବସଂଗଠକ ରାଜେଶ ପାଳ, ଅଭିଷେକ ରାଉତ ବିଶ୍ୱଜିତ ପୃଷ୍ଟି, ଦେବରାଜ ମିଶ୍ର, ସବ୍ୟସାଚୀ ସୁନ୍ଦର ରାୟ, ପ୍ରଦୀପ ପରିଡା, ଆଲୋକ ଲେଙ୍କା, ଚୈତନ୍ୟ ନାୟକ, ରବୀନ୍ଦ୍ର ବରାଳ, ତପନ ମାହୁନ୍ତ ପ୍ରମୁଖ କାର୍ଯ୍ୟ ସମ୍ପାଦନ କରିଥିଲେ l