ଓଡିଶାରେ ୯୦,୦୦୦ କୋଟି ଟଙ୍କାର ରେଳ ଭିତ୍ତିଭୂମି ପ୍ରକଳ୍ପ କାର୍ଯ୍ୟକାରୀ ହେଉଛି : ଶ୍ରୀ ଅଶ୍ୱିନୀ ବୈଷ୍ଣବ

ଓଡିଶାରେ ୯୦,୦୦୦ କୋଟି ଟଙ୍କାର ରେଳ ଭିତ୍ତିଭୂମି ପ୍ରକଳ୍ପ କାର୍ଯ୍ୟକାରୀ ହେଉଛି : ଶ୍ରୀ ଅଶ୍ୱିନୀ ବୈଷ୍ଣବ l ନେଟୱାର୍କ କ୍ଷମତା, ପ୍ରକଳ୍ପ କାର୍ଯ୍ୟକାରିତାର ବେଗ ଓ ଅଭୂତପୂର୍ବ ସମ୍ପ୍ରସାରଣର ସାକ୍ଷୀ ହୋଇଛି ଓଡ଼ିଶାଭୁବନେଶ୍ୱର ଷ୍ଟେସନ କାର୍ଯ୍ୟର ସମୀକ୍ଷା କରିଛନ୍ତି ରେଳ ମନ୍ତ୍ରୀଦ୍ରୁତ ଗତିରେ କାର୍ଯ୍ୟ ପାଇଁ ରେକର୍ଡ ପରିମାଣର ୧୦,୯୨୮ କୋଟି ଟଙ୍କାର ବଜେଟ୍ ଆବଣ୍ଟନ, ଅମୃତ ଭାରତ ଯୋଜନା ଅଧୀନରେ ୫୯ଟି ଷ୍ଟେସନ ଆଧୁନିକୀକରଣଓଡ଼ିଶାର ସମସ୍ତ ୩୦ଟି ଜିଲ୍ଲାରେ ରେଳ ନେଟୱାର୍କ ସମ୍ପ୍ରସାରଣ ଲକ୍ଷ୍ୟ ରହିଛି : କେନ୍ଦ୍ର ମନ୍ତ୍ରୀ ଶ୍ରୀ ବୈଷ୍ଣବଉପକୂଳ ମେଗା କରିଡର: ବାଲେଶ୍ୱର-ବ୍ରହ୍ମପୁର ୪-ଲାଇନ ପ୍ରକଳ୍ପ ଦ୍ୱାରା ଦ୍ରୁତଗାମୀ ମାଲ ଏବଂ ଯାତ୍ରୀ ପରିବହନ କାର୍ଯ୍ୟ ଆରମ୍ଭ ହେବଭୁବନେଶ୍ୱରରେ ଭାରତର ପ୍ରଥମ ଉନ୍ନତ ୩ଡି ଗ୍ଲାସ୍ ସେମିକଣ୍ଡକ୍ଟର ପ୍ୟାକେଜିଂ ୟୁନିଟର ଭିତ୍ତିପ୍ରସ୍ତର ସ୍ଥାପନ ସମାରୋହ ଅବସରରେ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଓଡ଼ିଶାରେ ରେଳ ଭିତ୍ତିଭୂମିର ଦ୍ରୁତ ପରିବର୍ତ୍ତନ ଉପରେ ଗୁରୁତ୍ୱାରୋପ କରି ସମଗ୍ର ରାଜ୍ୟରେ ସଂଯୋଗ ଏବଂ କ୍ଷମତା ବୃଦ୍ଧି ଉପରେ ସରକାର ସର୍ବାଧିକ ଗୁରୁତ୍ବ ଦେଉଥିବା କହିଛନ୍ତି ।କାର୍ଯ୍ୟକାରୀ ହେଉଥିବା ୯୦,୦୦୦ କୋଟି ଟଙ୍କାର ରେଳ ପ୍ରକଳ୍ପ ଶ୍ରୀ ବୈଷ୍ଣବ ସୂଚନା ଦେଇଛନ୍ତି ଯେ ଓଡ଼ିଶାରେ ବର୍ତ୍ତମାନ ୯୦,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ରେଳ ପ୍ରକଳ୍ପ କାର୍ଯ୍ୟକାରୀ ହେଉଛି, ଯାହା ରେଳ ନେଟୱାର୍କର ଅଭୂତପୂର୍ବ ସମ୍ପ୍ରସାରଣକୁ ଚିହ୍ନିତ କରେ । ରାଜ୍ୟରେ ଉଭୟ ଯାତ୍ରୀ ଏବଂ ମାଲ ପରିବହନ ଭିତ୍ତିଭୂମିକୁ ସୁଦୃଢ଼ କରିବା ଲାଗି କେନ୍ଦ୍ରର ପ୍ରତିବଦ୍ଧତାକୁ ଏହି ନିବେଶ ପ୍ରତିଫଳିତ କରୁଛି ବୋଲି ସେ ଉଲ୍ଲେଖ କରିଥିଲେ। https://www.instagram.com/reel/DXTqK8GEmib/ ଓଡ଼ିଶା ଗସ୍ତ ସମୟରେ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଭୁବନେଶ୍ୱର ରେଳ ଷ୍ଟେସନର ଚାଲିଥିବା ପୁନର୍ବିକାଶ କାର୍ଯ୍ୟ ପରିଦର୍ଶନ କରି ଠିକଣା ସମୟରେ କାର୍ଯ୍ୟ ସାରିବା ଏବଂ ଉଚ୍ଚମାନର କାର୍ଯ୍ୟ ଉପରେ ଗୁରୁତ୍ୱାରୋପ କରିଥିଲେ। ସେ ଗୁରୁତ୍ୱାରୋପ କରିଥିଲେ ଯେ ବିକଶିତ ଷ୍ଟେସନ ଆଧୁନିକ ସୁବିଧା ସହିତ ଯାତ୍ରୀମାନଙ୍କୁ ଆରାମ ପ୍ରଦାନ କରିବ, ଯାହା ଯାତ୍ରୀଙ୍କ ଆଶା ଅନୁଯାୟୀ ଷ୍ଟେସନଗୁଡ଼ିକୁ ବିଶ୍ୱସ୍ତରୀୟ ଭିତ୍ତିଭୂମି ହବ୍ ରେ ପରିଣତ କରିବା ପାଇଁ ଭାରତୀୟ ରେଳବାଇର ପ୍ରତିବଦ୍ଧତାକୁ ପ୍ରତିଫଳିତ କରିବ। ରେକର୍ଡ ବଜେଟ ଆବଣ୍ଟନ ଏବଂ ଷ୍ଟେସନ ପୁନଃବିକାଶ ଅଭିଯାନ କେନ୍ଦ୍ର ମନ୍ତ୍ରୀ କହିଥିଲେ ଯେ ଓଡ଼ିଶା ରେକର୍ଡ ପରିମାଣର ୧୦,୯୨୮ କୋଟି ଟଙ୍କାର ରେଳ ବଜେଟ୍ ପାଇଛି, ଯାହା ପୂର୍ବ ଆବଣ୍ଟନ ତୁଳନାରେ ଯଥେଷ୍ଟ ଅଧିକ । ଏହା ପ୍ରକଳ୍ପଗୁଡ଼ିକୁ ତ୍ୱରାନ୍ୱିତ କରିବାରେ ସହାୟକ ହୋଇଛି। ସେ ଆହୁରି ଉଲ୍ଲେଖ କରିଥିଲେ ଯେ ଅମୃତ ଭାରତ ଷ୍ଟେସନ ଯୋଜନା ଅଧୀନରେ ୫୯ଟି ରେଳ ଷ୍ଟେସନର ପୁନଃ ବିକାଶ କରାଯାଉଛି, ଯାହାର ଉଦ୍ଦେଶ୍ୟ ହେଉଛି ଷ୍ଟେସନଗୁଡ଼ିକୁ ଉନ୍ନତ ସୁବିଧା ସହିତ ଆଧୁନିକ, ଯାତ୍ରୀ ଅନୁକୂଳ ହବ୍ ରେ ପରିଣତ କରିବା। ସମସ୍ତ ଜିଲ୍ଲାରେ ରେଳ ସଂଯୋଗ ସମ୍ପ୍ରସାରଣ ସଂଯୋଗୀକରଣ ଲକ୍ଷ୍ୟ ଉପରେ ଆଲୋକପାତ କରି ଶ୍ରୀ ବୈଷ୍ଣବ କହିଥିଲେ ଯେ ଓଡ଼ିଶାର ସମସ୍ତ ୩୦ଟି ଜିଲ୍ଲାକୁ ଯୋଜନାବଦ୍ଧ ପଦକ୍ଷେପ ଜରିଆରେ ରେଳ ସଂଯୋଗ ଅଧୀନରେ ଅଣାଯାଉଛି। ସେ ଗୁରୁତ୍ୱାରୋପ କରିଥିଲେ ଯେ ଏହା ସମାବେଶୀ ବିକାଶ ଏବଂ ସୁଦୂର ତଥା ଆଭ୍ୟନ୍ତରୀଣ କ୍ଷେତ୍ରକୁ ମୁଖ୍ୟଧାରାର ରେଳ ନେଟୱାର୍କ ସହିତ ଉନ୍ନତ ସମନ୍ୱୟ ସୁନିଶ୍ଚିତ କରିବ।ଉପକୂଳ ଏବଂ ଆଞ୍ଚଳିକ ସଂଯୋଗକୁ ସୁଦୃଢ଼ କରିବା ଲାଗି ପ୍ରମୁଖ ପ୍ରକଳ୍ପ ମନ୍ତ୍ରୀ ମଧ୍ୟ ବାଲେଶ୍ୱରରୁ ବ୍ରହ୍ମପୁର ପର୍ଯ୍ୟନ୍ତ ପ୍ରସ୍ତାବିତ ଚାରି-ଲାଇନ ଉପକୂଳ ରେଳ କରିଡର ଭଳି ପ୍ରମୁଖ ଭିତ୍ତିଭୂମି ପଦକ୍ଷେପ ଉପରେ ଆଲୋକପାତ କରିଥିଲେ, ଯାହା ଉପକୂଳବର୍ତ୍ତୀ ଅଞ୍ଚଳରେ କ୍ଷମତା ବୃଦ୍ଧି କରିବ। ସେ ଉଲ୍ଲେଖ କରିଥିଲେ ଯେ ଏଭଳି ପ୍ରକଳ୍ପଗୁଡ଼ିକ ଆଞ୍ଚଳିକ ଗମନାଗମନରେ ଉନ୍ନତି ଆଣିବ, ଭିଡ଼ ହ୍ରାସ କରିବ ଏବଂ ସାରା ଓଡ଼ିଶାରେ ଆର୍ଥିକ କାର୍ଯ୍ୟକଳାପକୁ ପ୍ରୋତ୍ସାହନ ଦେବ । ରେଳବାଇର ଅଭିବୃଦ୍ଧି ଏବଂ ସଂଯୋଗୀକରଣ ଶ୍ରୀ ବୈଷ୍ଣବ ଶେଷରେ କହିଥିଲେ ଯେ ଏହି ପରିବର୍ତ୍ତନଶୀଳ ରେଳ ପଦକ୍ଷେପଗୁଡ଼ିକ ଆଞ୍ଚଳିକ ସଂଯୋଗକୁ ସୁଦୃଢ଼ କରିବ, ଆର୍ଥିକ ଅଭିବୃଦ୍ଧିରେ ସହାୟକ ହେବ ଏବଂ ଓଡ଼ିଶାକୁ ଜାତୀୟ ମାଲ ପରିବହନ ଏବଂ ଯାତ୍ରୀ ନେଟୱାର୍କ ସହିତ ଅଧିକ ନିବିଡ଼ ଭାବେ ଯୋଡ଼ି ପାରିବ। ବର୍ତ୍ତମାନ ଚାଲିଥିବା ପୁଞ୍ଜି ନିବେଶ ଏବଂ ନୀତିଗତ ପ୍ରୋତ୍ସାହନ ଦ୍ୱାରା ଓଡ଼ିଶା ଭାରତର ସମ୍ପ୍ରସାରିତ ରେଳ ଭିତ୍ତିଭୂମିର ଏକ ପ୍ରମୁଖ ହିତାଧିକାରୀ ଭାବେ ଉଭା ହେବ।