ଆଣ୍ଠୁଏ ପାଣିରେ ଯାତାୟାତ: ଧାମନଗର NACର ୧୦

ଆଣ୍ଠୁଏ ପାଣିରେ ଯାତାୟାତ: ଧାମନଗର NACର ୧୦ ନମ୍ବର ୱାର୍ଡବାସୀଙ୍କ ଦୁର୍ଦ୍ଦଶା, ପ୍ରଶାସନର ଦୃଷ୍ଟି ଆକର୍ଷଣ ଦାବିଧାମନଗର, ଭଦ୍ରକ ଜିଲ୍ଲା ଧାମନଗର NACର ୧୦ ନମ୍ବର ୱାର୍ଡରେ ବର୍ଷା ଦିନେ ଜଳବନ୍ଦୀ ସମସ୍ୟା ଉଗ୍ର ରୂପ ନେଇଛି। ରାସ୍ତା ଉପରେ ଆଣ୍ଠୁଏ ପାଣି ଜମି ରହୁଥିବାରୁ ପ୍ରତିଦିନ ଶହ ଶହ ସ୍ଥାନୀୟ ବାସିନ୍ଦା, ସ୍କୁଲ ପିଲା, ମହିଳା ଓ ବୃଦ୍ଧବୃଦ୍ଧା ଅତ୍ୟନ୍ତ ବିପଦପୂର୍ଣ୍ଣ ପରିସ୍ଥିତିରେ ଯାତାୟାତ କରିବାକୁ ବାଧ୍ୟ ହେଉଛନ୍ତି।ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଏହି ସମସ୍ୟା ଦୀର୍ଘଦିନ ଧରି ଲାଗି ରହିଥିଲେ ମଧ୍ୟ ଏହାର ସ୍ଥାୟୀ ସମାଧାନ ହୋଇପାରିନାହିଁ। ନିର୍ବାଚନ ସମୟରେ ବିକାଶ ଓ ଡ୍ରେନେଜ୍ ବ୍ୟବସ୍ଥା ସୁଧାରିବାକୁ ପ୍ରତିଶ୍ରୁତି ମିଳୁଥିଲେ ମଧ୍ୟ ତାହା ବାସ୍ତବରେ କାର୍ଯ୍ୟକାରୀ ହୋଇନଥିବା ସେମାନେ କହିଛନ୍ତି।ରାସ୍ତାରେ ଦୀର୍ଘ ସମୟ ଧରି ପାଣି ଜମି ରହୁଥିବାରୁ ଯାତାୟାତରେ ଅସୁବିଧା ସୃଷ୍ଟି ହେବା ସହ ଦୁର୍ଘଟଣା ଓ ବିଭିନ୍ନ ଜଳବାହିତ ରୋଗ ବ୍ୟାପିବାର ଆଶଙ୍କା ମଧ୍ୟ ବଢ଼ିଛି।ଏହି ଗୁରୁତର ସମସ୍ୟା ପ୍ରତି ତୁରନ୍ତ ଦୃଷ୍ଟି ଦେଇ ଜଳ ନିଷ୍କାସନ ବ୍ୟବସ୍ଥାର ସ୍ଥାୟୀ ସମାଧାନ କରିବା ପାଇଁ ସ୍ଥାନୀୟ ବାସିନ୍ଦାମାନେ ଧାମନଗର NAC ପ୍ରଶାସନ ଓ ସମ୍ପୃକ୍ତ ଜନପ୍ରତିନିଧିଙ୍କ ନିକଟରେ ଦୃଢ଼ ଦାବି କରିଛନ୍ତି।