କଳାବଜାରୀ ଓ ବେଆଇନ ମହଜୁଦ ଅଭିଯୋଗରେ ୭୩ ଏଲ୍ପିଜି ବିତରକଙ୍କ ଲାଇସେନ୍ସ ନିଲମ୍ବନ
କଳାବଜାରୀ ଓ ବେଆଇନ ମହଜୁଦ ଅଭିଯୋଗରେ ୭୩ ଏଲ୍ପିଜି ବିତରକଙ୍କ ଲାଇସେନ୍ସ ନିଲମ୍ବନ, ୩୪୨ ବିତରକଙ୍କୁ ଜରିମାନାପ୍ରମୁଖ ବିନ୍ଦୁମାର୍ଚ୍ଚ ୨୦୨୬ ରୁ ପ୍ରାୟ ୫.୯୬ ଲକ୍ଷ ପିଏନ୍ଜି ସଂଯୋଗକୁ ଗ୍ୟାସ୍ ବଣ୍ଟନ କରାଯାଇଛି ଏବଂ ଅତିରିକ୍ତ ୨.୬୮ ଲକ୍ଷ ସଂଯୋଗ ପାଇଁ ଭିତ୍ତିଭୂମି ସୃଷ୍ଟି କରାଯାଇଛି, ଏହା ସହିତ ପ୍ରାୟ ୬.୬୬ ଲକ୍ଷ ଗ୍ରାହକ ନୂଆ ସଂଯୋଗ ପାଇଁ ପଞ୍ଜିକୃତ ହୋଇଛନ୍ତି।୯ ଏପ୍ରିଲ ୨୦୨୬ରୁ ମୁମ୍ବାଇ, କୋଚି, ଭାଇଜାଗ୍, ଚେନ୍ନାଇ, ମଥୁରା ଏବଂ ଗୁଜରାଟ ରିଫାଇନାରୀଗୁଡିକ ଦ୍ୱାରା କେମିକାଲ୍, ଫାର୍ମା ଏବଂ ପେଣ୍ଟ ଶିଳ୍ପକୁ ୧୦,୦୦୦ ମେଟ୍ରିକ୍ ଟନରୁ ଅଧିକ ପ୍ରୋପିଲିନ୍ ଏବଂ ୧୨୦୦ ମେଟ୍ରିକ ଟନ୍ରୁ ଅଧିକ ବ୍ୟୁଟାଇଲ୍ ଆକ୍ରିଲେଟ୍ ବିକ୍ରୟ କରାଯାଇଛି।ଉପସାଗରୀୟ ଅଞ୍ଚଳର ବିଭିନ୍ନ ସ୍ଥାନରୁ ଗତ ୨୪ ଘଣ୍ଟା ମଧ୍ୟରେ ୩୦ ଜଣଙ୍କ ସମେତ ବର୍ତ୍ତମାନ ସୁଦ୍ଧା ୨,୯୨୨ରୁ ଅଧିକ ଭାରତୀୟ ନାବିକଙ୍କ ନିରାପଦ ପ୍ରତ୍ୟାବର୍ତ୍ତନ ସୁବିଧାଜନକ କରାଯାଇଛି।ବୈଦେଶିକ ବ୍ୟାପାର ମନ୍ତ୍ରଣାଳୟ ଉପସାଗରୀୟ ଏବଂ ପଶ୍ଚିମ ଏସିଆ ଅଞ୍ଚଳର ଘଟଣାବଳୀ ଉପରେ ନଜର ରଖିବା ଜାରି ରଖିଛି। ନୂଆଦିଲ୍ଲୀ: ବଦଳୁଥିବା ଭୂ-ରାଜନୀତିକ ପରିସ୍ଥିତିକୁ ଦୃଷ୍ଟିରେ ରଖି ଦେଶର ଆଭ୍ୟନ୍ତରୀଣ ଶୃଙ୍ଖଳା ରକ୍ଷା ପାଇଁ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ସରକାର। ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ସହଯୋଗରେ କଳାବଜାରୀ ଓ ବେଆଇନ ଏଲ୍ପିଜି ମହଜୁଦକାରୀଙ୍କ ବିରୋଧରେ ଚଢ଼ଉ କରାଯାଉଛି। ଏହିକ୍ରମରେ ଶୁକ୍ରବାର ସୁଦ୍ଧା ୧୭୦୦ରୁ ଅଧିକ ଚଢ଼ାଉ କରାଯାଇଛି। ସରକାରୀ ତୈଳ କମ୍ପାନୀଗୁଡିକ ଆକସ୍ମିକ ଯାଞ୍ଚକୁ ସୁଦୃଢ଼ କରି ୩୪୨ ଟି ଏଲପିଜି ବିତରକ ସଂସ୍ଥା ଉପରେ ଜରିମାନା ଲଗାଇଛନ୍ତି, ଏବଂ ଗତକାଲି ସୁଦ୍ଧା ୭୩ ଟି ଏଲପିଜି ବିତରକ ସଂସ୍ଥାକୁ ନିଲମ୍ବିତ କରିଥିବା ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରଣାଳୟ ପକ୍ଷରୁ କୁହାଯାଇଛି।ଆଜି ଆୟୋଜିତ ସାମ୍ବିଦିକ ସମ୍ମିଳନୀରେ ପ୍ରଦତ୍ତ ସୂଚନା ଅନୁସାରେ, ଡିଜେଲ ଏବଂ ଏଲପିଜିର ଉପଲବ୍ଧତା ନିଶ୍ଚିତ କରିବାକୁ ସରକାର ସମସ୍ତ ପ୍ରକାର ପ୍ରୟାସ କରୁଥିବାରୁ ନାଗରିକମାନଙ୍କୁ ପେଟ୍ରୋଲ, ଡିଜେଲ ଏବଂ ଏଲପିଜି ର ଆତଙ୍କିତ କ୍ରୟରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି। ସେହିପରି ଗୁଜବ ପ୍ରତି ସତର୍କ ରୁହି ସଠିକ୍ ସୂଚନା ପାଇଁ ସରକାରୀ ସୂତ୍ର ଉପରେ ଭରସା କରିବାକୁ ମନ୍ତ୍ରଣାଳୟ ନିବେଦନ କରିଛି। ଏଲପିଜି ଗ୍ରାହକମାନଙ୍କୁ ଡିଜିଟାଲ୍ ବୁକିଂ ପ୍ଲାଟଫର୍ମ ବ୍ୟବହାର କରିବାକୁ ଏବଂ ବିତରକମାନଙ୍କ ପାଖକୁ ଯିବାକୁ ବାରଣ କରିବାକୁ ଅନୁରୋଧ କରାଯାଇଛି। ନାଗରିକମାନଙ୍କୁ ପିଏନଜି ଏବଂ ଇଲେକ୍ଟ୍ରିକ୍ କିମ୍ବା ଇଣ୍ଡକସନ୍ କୁକ୍ଟପ୍ ଭଳି ବିକଳ୍ପ ଜାଳେଣି ବ୍ୟବହାର କରିବାକୁ ଉତ୍ସାହିତ କରାଯାଉଛି। ସମସ୍ତ ନାଗରିକଙ୍କୁ ବର୍ତ୍ତମାନର ପରିସ୍ଥିତିରେ ସେମାନଙ୍କର ଦୈନନ୍ଦିନ ବ୍ୟବହାରରେ ଶକ୍ତି ସଞ୍ଚୟ କରିବା ପାଇଁ ଆବଶ୍ୟକ ପ୍ରୟାସ କରିବାକୁ ଅନୁରୋଧ କରାଯାଇଛି।ବର୍ତ୍ତମାନର ଭୂ-ରାଜନୈତିକ ସ୍ଥିତିରେ ଅସନ୍ତୁଳନତା ସତ୍ତ୍ୱେ, ସରକାର ଘରୋଇ ଏଲପିଜି, ଘରୋଇ ପିଏନଜି ଏବଂ ସିଏନଜି-ପରିବହନର ୧୦୦% ଯୋଗାଣ ନିଶ୍ଚିତ କରିଛନ୍ତି। ବାଣିଜ୍ୟିକ ଏଲପିଜି ପାଇଁ ହସ୍ପିଟାଲ, ଶିକ୍ଷାନୁଷ୍ଠାନକୁ ପ୍ରାଥମିକତା ଦିଆଯାଇଛି। ଏହା ବ୍ୟତୀତ ଫାର୍ମା, ଷ୍ଟିଲ୍, ଅଟୋମୋବାଇଲ୍, ବିହନ, କୃଷି ଇତ୍ୟାଦିକୁ ମଧ୍ୟ ପ୍ରାଥମିକତା ଦିଆଯାଇଛି। ଏହା ସହିତ, ୨ ଏବଂ ୩ ମାର୍ଚ୍ଚ ୨୦୨୬ ର ହାରାହାରି ଦୈନନ୍ଦିନ ଯୋଗାଣ ଆଧାରରେ ପ୍ରବାସୀ ଶ୍ରମିକମାନଙ୍କୁ ୫ କିଲୋଗ୍ରାମ ଏଫଟିଏଲ୍ ଯୋଗାଣ ମଧ୍ୟ ଦ୍ୱିଗୁଣିତ କରାଯାଇଛି। ସରକାର ଯୋଗାଣ ଏବଂ ଚାହିଦା ଉଭୟ ଦିଗରେ ଅନେକ ଯୁକ୍ତିଯୁକ୍ତ ପଦକ୍ଷେପ କାର୍ଯ୍ୟକାରୀ କରିସାରିଛନ୍ତି, ଯେଉଁଥିରେ ରିଫାଇନାରୀ ଉତ୍ପାଦନ ବୃଦ୍ଧି, ସହରାଞ୍ଚଳରେ ବୁକିଂ ବ୍ୟବଧାନ ୨୧ ରୁ ୨୫ ଦିନକୁ ଏବଂ ଗ୍ରାମାଞ୍ଚଳରେ ୪୫ ଦିନ ପର୍ଯ୍ୟନ୍ତ ବୃଦ୍ଧି କରିବା ସହ ଗୁରୁତ୍ୱପୂର୍ଣ୍ଣ କ୍ଷେତ୍ରଗୁଡ଼ିକୁ ଯୋଗାଣ ବେଳେ ପ୍ରାଥମିକତା ଦେବାକୁ ନିର୍ଦ୍ଦେଶ ଦେଇଛନ୍ତି। ଏଲପିଜି ଚାହିଦା ଉପରେ ଚାପ ହ୍ରାସ କରିବା ପାଇଁ କିରୋସିନି ଏବଂ କୋଇଲା ଭଳି ବିକଳ୍ପ ଜାଳେଣି ଉପଲବ୍ଧ କରାଯାଇଛି। କୋଇଲା ମନ୍ତ୍ରଣାଳୟ କୋଲ୍ ଇଣ୍ଡିଆ ଏବଂ ସିଙ୍ଗାରେନି କଲିଅରିଜ୍କୁ କ୍ଷୁଦ୍ର ଏବଂ ମଧ୍ୟମ ଗ୍ରାହକମାନଙ୍କ ମଧ୍ୟରେ ବଣ୍ଟନ ପାଇଁ ରାଜ୍ୟଗୁଡ଼ିକୁ ଅତିରିକ୍ତ କୋଇଲା ଯୋଗାଇବାକୁ ନିର୍ଦ୍ଦେଶ ଦେଇଛି। ଘରୋଇ ଏବଂ ବାଣିଜ୍ୟିକ ଗ୍ରାହକମାନଙ୍କ ପାଇଁ ନୂତନ ପିଏନଜି ସଂଯୋଗ ସୁବିଧା ଯୋଗାଇବା ପାଇଁ ରାଜ୍ୟଗୁଡ଼ିକୁ ପରାମର୍ଶ ଦିଆଯାଇଛି।ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକ ସହ ସମନ୍ୱୟ ଓ ଆନୁଷ୍ଠାନିକ ପ୍ରୟାସମନ୍ତ୍ରଣାଳୟର ସୂଚନା ଅନୁସାରେ, ଅତ୍ୟାବଶ୍ୟକ ସାମଗ୍ରୀ ଆଇନ, ୧୯୫୫ ଏବଂ ଏଲପିଜି ନିୟନ୍ତ୍ରଣ ଆଦେଶ, ୨୦୦୦ ଅଧୀନରେ ରାଜ୍ୟ ସରକାରମାନଙ୍କୁ ଯୋଗାଣ ଉପରେ ନଜର ରଖିବା ଏବଂ କଳାବଜାରୀ ତଥା ମହଜୁଦକାରୀଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ କ୍ଷମତା ପ୍ରଦାନ କରାଯାଇଛି। ପେଟ୍ରୋଲ, ଡିଜେଲ ଏବଂ ଏଲପିଜି ସମେତ ଅତ୍ୟାବଶ୍ୟକ ସାମଗ୍ରୀର ଯୋଗାଣ ସ୍ଥିତିର ଅନୁଧ୍ୟାନ ଏବଂ ନିୟନ୍ତ୍ରଣ କରିବାରେ ରାଜ୍ୟ/କେନ୍ଦ୍ରଶାସିତ ଅଞ୍ଚଳ ସରକାରଙ୍କ ପ୍ରାଥମିକ ଭୂମିକା ରହିଛି। ଭାରତ ସରକାର ସମସ୍ତ ରାଜ୍ୟ/କେନ୍ଦ୍ରଶାସିତ ଅଞ୍ଚଳକୁ ଏକାଧିକ ଚିଠି ଏବଂ ଭିଡିଓ କନଫରେନ୍ସିଂ ମାଧ୍ୟମରେ ଏହା ଦୋହରାଇଛନ୍ତି। ପର୍ଯ୍ୟାପ୍ତ ଜାଳେଣି ଉପଲବ୍ଧତା ସମ୍ପର୍କରେ ନାଗରିକଙ୍କୁ ଆଶ୍ୱାସନା ଦେବା ପାଇଁ ସକ୍ରିୟ ଜନସମ୍ପର୍କର ଆବଶ୍ୟକତା ଉପରେ ଭାରତ ସରକାର ୨୭.୦୩.୨୦୨୬ ଏବଂ ୦୨.୦୪.୨୦୨୬ ତାରିଖର ଚିଠି ମାଧ୍ୟମରେ ଗୁରୁତ୍ୱାରୋପ କରିଛନ୍ତି। ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡିକ ସହିତ ନିୟମିତ ସମୀକ୍ଷା ବୈଠକ ଅନୁଷ୍ଠିତ ହେଉଛି। ଏହି ପରିପ୍ରେକ୍ଷୀରେ, ଏପ୍ରିଲ ୨ ତାରିଖରେ ପିଏନଜି ସଚିବଙ୍କ ଅଧ୍ୟକ୍ଷତାରେ ଏକବୈଠକ ଅନୁଷ୍ଠିତ ହୋଇ ସଚେତନତା ସୃଷ୍ଟି ଓ ପଦକ୍ଷେପ ସମନ୍ୱୟ ପାଇଁ ଆବଶ୍ୟକ ପଦକ୍ଷେପ ନେବାକୁ ନିଷ୍ପତ୍ତି ହୋଇଥିଲା। ଏହି ପଦକ୍ଷେପ ଗୁଡ଼ିକ ମଧ୍ୟରେ; ଦୈନିକ ପ୍ରେସ୍ ବ୍ରିଫିଂ ଏବଂ ନିୟମିତ ଜନସାଧାରଣଙ୍କ ପାଇଁ ପରାମର୍ଶାବଳୀ ଜାରି କରିବା।ସୋସିଆଲ ମିଡିଆରେ ମିଥ୍ୟା ଖବର ତଥା ଭ୍ରମାତ୍ମକ ସୂଚନା ଉପରେ ସକ୍ରିୟ ଭାବରେ ନଜର ରଖିବା ଏବଂ ଏହାର ମୁକାବିଲା କରିବା।ଜିଲ୍ଲା ପ୍ରଶାସନ ଦ୍ୱାରା ଦୈନିକ ପ୍ରବର୍ତ୍ତନ ଅଭିଯାନକୁ ଜୋରଦାର କରିବା ଏବଂ ତୈଳ ବିପଣନ କମ୍ପାନୀ ସହିତ ସମନ୍ୱୟ ରକ୍ଷା କରି ଚଢ଼ାଉ ଏବଂ ଯାଞ୍ଚ ଜାରି ରଖିବା।ସେମାନଙ୍କ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ମଧ୍ୟରେ ବାଣିଜ୍ୟିକ ଏଲପିଜି ବଣ୍ଟନ ଆଦେଶ ଜାରି କରିବା।ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳଗୁଡିକୁ ଆବଣ୍ଟିତ ଅତିରିକ୍ତ କିରୋସିନି ପାଇଁ ଆବଣ୍ଟନ ଆଦେଶ ଜାରି କରିବା।ପିଏନଜି ଆପଣାଇବା ଏବଂ ବିକଳ୍ପ ଜାଳେଣିକୁ ପ୍ରୋତ୍ସାହିତ କରିବା।ଏଲପିଜି ଯୋଗାଣକୁ ପ୍ରାଥମିକତା ଦେବା, ବିଶେଷ କରି ଘରୋଇ ଆବଶ୍ୟକତା ପାଇଁ, ଏବଂ ଯୋଗାଣ ସ୍ଥିରତା ନିଶ୍ଚିତ କରିବାକୁ ୫ କିଲୋଗ୍ରାମ ଏଫଟିଏଲ୍ ସିଲିଣ୍ଡରର ଲକ୍ଷ୍ୟଧାର୍ଯ୍ୟ ବଣ୍ଟନ ବ୍ୟବସ୍ଥା ଗ୍ରହଣ କରିବା ପ୍ରଭୃତି ଅନ୍ତର୍ଭୁକ୍ତ। ସେହିପରି କଳାବଜାରୀ ଏବଂ ମହଜୁଦକାରୀଙ୍କୁ ରୋକିବା ପାଇଁ ସମସ୍ତ ରାଜ୍ୟ/କେନ୍ଦ୍ରଶାସିତ ଅଞ୍ଚଳ ନିୟନ୍ତ୍ରଣ କକ୍ଷ ଏବଂ ଜିଲ୍ଲା ସ୍ତରୀୟ ଅନୁଧ୍ୟାନ କମିଟି ଗଠନ କରିଛନ୍ତି। ଅନେକ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ମଧ୍ୟ ନିୟମିତ ପ୍ରେସ୍ ବ୍ରିଫିଂ ଜାରି କରୁଛନ୍ତି ଓ କାର୍ଯ୍ୟକାରୀ କରୁଛନ୍ତି।ଘରୋଇ ଏଲପିଜି ଯୋଗାଣ ସ୍ଥିତିକୁ ଶୃଙ୍ଖଳିତ କରିବା ଲାଗି ସରକାରୀ ତୈଳ କମ୍ପାନୀଗୁଡ଼ିକ ତତ୍ପର ହୋଇଛନ୍ତି। ସରକାରଙ୍କ ପକ୍ଷରୁ କୁହାଯାଇଛି, ପ୍ରଚଳିତ ଭୂ-ରାଜନୈତିକ ପରିସ୍ଥିତି ଯୋଗୁଁ ଏଲପିଜି ଯୋଗାଣ ପ୍ରଭାବିତ ହେବା ଜାରି ରହିଛି। କିନ୍ତୁ ସରକାର ନିଜ ନୀତିରେ ଘରୋଇ ପରିବାରକୁ ଏଲପିଜି ଯୋଗାଣକୁ ପ୍ରାଥମିକତା ଦିଆଯାଇଛି। ଏଲପିଜି ବିତରକ ସଂସ୍ଥାଗୁଡ଼ିକରେ କୌଣସି ଷ୍ଟକ୍ ଶେଷ ହୋଇଥିବା ଖବର ମିଳିନାହିଁ। ଗତକାଲି ଶିଳ୍ପ ଭିତ୍ତିରେ ଅନଲାଇନ୍ ଏଲପିଜି ସିଲିଣ୍ଡର ବୁକିଂ ୯୯% କୁ ବୃଦ୍ଧି ପାଇଛି। ଗ୍ୟାସର ଅନ୍ୟତ୍ର ବ୍ୟବହାର ରୋକିବା ପାଇଁ ପଇଠ ପ୍ରମାଣନ କୋଡ୍ ଆଧାରିତ ବିତରଣ ପ୍ରାୟ ୯୪% କୁ ବୃଦ୍ଧି ପାଇଛି। ଡିଏସି ଗ୍ରାହକଙ୍କ ପଞ୍ଜିକୃତ ମୋବାଇଲ୍ ନମ୍ବରରେ ପ୍ରାପ୍ତ ହୋଇଥାଏ।ସେହିପରି ମୋଟ ବାଣିଜ୍ୟିକ ଏଲପିଜି ଆବଣ୍ଟନକୁ ସଙ୍କଟ ପୂର୍ବ ସ୍ତରର ପ୍ରାୟ ୭୦%କୁ ବୃଦ୍ଧି କରାଯାଇଛି, ଯେଉଁଥିରେ ୧୦% ସଂସ୍କାର-ସଂଲଗ୍ନ ଆବଣ୍ଟନ ଅନ୍ତର୍ଭୁକ୍ତ। ଭାରତ ସରକାର ୦୬.୦୪.୨୦୨୬ ତାରିଖର ଚିଠି ମାଧ୍ୟମରେ ଜଣାଇଛନ୍ତି ଯେ, ପ୍ରବାସୀ ଶ୍ରମିକମାନଙ୍କୁ ବିତରଣ ପାଇଁ ପ୍ରତ୍ୟେକ ରାଜ୍ୟରେ ଉପଲବ୍ଧ ୫ କିଲୋଗ୍ରାମ ଏଫଟିଏଲ୍ ସିଲିଣ୍ଡରର ଦୈନିକ ପରିମାଣକୁ ୨-୩ ମାର୍ଚ୍ଚ ୨୦୨୬ ମଧ୍ୟରେ ପ୍ରବାସୀ ଶ୍ରମିକମାନଙ୍କୁ ଦିଆଯାଇଥିବା ହାରାହାରି ଦୈନିକ ଯୋଗାଣ (ସିଲିଣ୍ଡର ସଂଖ୍ୟା) ଆଧାରରେ ଦ୍ୱିଗୁଣିତ କରାଯାଉଛି, ଯାହା ୨୧.୦୩.୨୦୨୬ ତାରିଖର ଚିଠିରେ ଉଲ୍ଲେଖ କରାଯାଇଥିବା ୨୦% ସୀମା ବାହାରେ ଅଟେ। ଏହି ୫ କିଲୋଗ୍ରାମ ଏଫଟିଏଲ୍ ସିଲିଣ୍ଡରଗୁଡ଼ିକ ତୈଳ ବିପଣନ କମ୍ପାନୀଗୁଡିକର ସହାୟତାରେ କେବଳ ସେମାନଙ୍କ ରାଜ୍ୟରେ ଥିବା ପ୍ରବାସୀ ଶ୍ରମିକମାନଙ୍କୁ ଯୋଗାଇବା ପାଇଁ ରାଜ୍ୟ ସରକାରଙ୍କ ଅଧୀନରେ ରହିଛି।ଏପ୍ରିଲ ୨୦୨୬ ମାସରୁ ବର୍ତ୍ତମାନ ସୁଦ୍ଧା ୨୨.୭୮ ଲକ୍ଷରୁ ଅଧିକ – ୫ କିଲୋଗ୍ରାମ ଏଫଟିଏଲ୍ ସିଲିଣ୍ଡର ବିକ୍ରୟ କରାଯାଇଛି। ୩ ଏପ୍ରିଲ ୨୦୨୬ ରୁ ସରକାରୀ ତୈଳ ବିପଣନ କମ୍ପାନୀ ଗୁଡିକ ୫ କିଲୋଗ୍ରାମ ଏଫଟିଏଲ୍ ସିଲିଣ୍ଡର ପାଇଁ ୯୯୮୦ ରୁ ଅଧିକ ସଚେତନତା ଶିବିର ଆୟୋଜନ କରିଛନ୍ତି, ଯେଉଁଥିରେ ୧,୭୧,୦୦୦ ରୁ ଅଧିକ – ୫ କିଲୋଗ୍ରାମ ଏଫଟିଏଲ୍ ସିଲିଣ୍ଡର ମଧ୍ୟ ବିକ୍ରୟ କରାଯାଇଛି। ଆଇଓସିଏଲ୍, ଏଚ୍ପିସିଏଲ୍ ଏବଂ ବିପିସିଏଲ୍ର କାର୍ଯ୍ୟନିର୍ବାହୀ ନିର୍ଦ୍ଦେଶକମାନଙ୍କୁ ନେଇ ଗଠିତ ଏକ ତିନି ଜଣିଆ କମିଟି, ରାଜ୍ୟ କର୍ତ୍ତୃପକ୍ଷ ଏବଂ ଶିଳ୍ପ ସଂସ୍ଥାଗୁଡିକ ସହିତ ପରାମର୍ଶ କରି ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡିକରେ ବାଣିଜ୍ୟିକ ଏଲପିଜି ବିକ୍ରୟ ପାଇଁ ଯୋଜନା ଚୂଡ଼ାନ୍ତ କରନ୍ତି। ଏପ୍ରିଲ ୨୦୨୬ ରୁ ବର୍ତ୍ତମାନ ସୁଦ୍ଧା ମୋଟ ୨,୦୫,୮୪୯ ମେଟ୍ରିକ ଟନ (ଯାହା ୧୦୮.୩୪ ଲକ୍ଷରୁ ଅଧିକ ୧୯ କିଲୋଗ୍ରାମ ଏଲପିଜି ସିଲିଣ୍ଡର ସହିତ ସମାନ) ବାଣିଜ୍ୟିକ ଏଲପିଜି ବିକ୍ରୟ କରାଯାଇଛି। ଏପ୍ରିଲ ୨୦୨୬ ରୁ ସରକାରୀ ତୈଳ ବିପଣନ କମ୍ପାନୀଗୁଡିକ ଦ୍ୱାରା ମୋଟ ୧୦୬୯୮ ମେଟ୍ରିକ ଟନ ଅଟୋ ଏଲପିଜି ବିକ୍ରୟ କରାଯାଇଛି।ପ୍ରାକୃତିକ ଗ୍ୟାସ ଯୋଗାଣ ଏବଂ ପିଏନଜି ସମ୍ପ୍ରସାରଣ ପଦକ୍ଷେପଡି-ପିଏନଜି ଏବଂ ସିଏନଜି-ପରିବହନ କ୍ଷେତ୍ରକୁ ୧୦୦% ଯୋଗାଣ ସହିତ ଗ୍ରାହକମାନଙ୍କୁ ପ୍ରାଥମିକତା ଦିଆଯାଇଛି।ସାର କାରଖାନାଗୁଡ଼ିକୁ ସେମାନଙ୍କର ଛଅ ମାସର ହାରାହାରି ବ୍ୟବହାରର ପ୍ରାୟ ୯୮% ପର୍ଯ୍ୟନ୍ତ ସାମଗ୍ରିକ ଗ୍ୟାସ ଆବଣ୍ଟନ ବୃଦ୍ଧି କରାଯାଇଛି।ଏହା ବ୍ୟତୀତ, ସିଜିଡି ନେଟୱାର୍କ ମାଧ୍ୟମରେ ଯୋଗାଣ ସହିତ ଅନ୍ୟାନ୍ୟ ଶିଳ୍ପ ଏବଂ ବାଣିଜ୍ୟିକ କ୍ଷେତ୍ରକୁ ଗ୍ୟାସ ଯୋଗାଣ ୮୦% ପର୍ଯ୍ୟନ୍ତ ବୃଦ୍ଧି କରାଯାଇଛି।ବାଣିଜ୍ୟିକ ଏଲପିଜି ର ଉପଲବ୍ଧତା ସମ୍ବନ୍ଧୀୟ ଚିନ୍ତାଧାରାକୁ ଦୂର କରିବା ପାଇଁ ସମସ୍ତ ଭୌଗୋଳିକ ଅଞ୍ଚଳ ରେ ହୋଟେଲ, ରେଷ୍ଟୁରାଣ୍ଟ ଏବଂ କ୍ୟାଣ୍ଟିନ ଭଳି ବାଣିଜ୍ୟିକ ପ୍ରତିଷ୍ଠାନଗୁଡ଼ିକୁ ପିଏନଜି ସଂଯୋଗ ଦେବା ପାଇଁ ସିଜିଡି ସଂସ୍ଥାଗୁଡ଼ିକୁ ପରାମର୍ଶ ଦିଆଯାଇଛି। ଆଇଜିଏଲ୍, ଏମ୍ଜିଏଲ୍, ଗେଲ ଏବଂ ବିପିସିଏଲ୍ ସମେତ ସିଜିଡି କମ୍ପାନୀଗୁଡିକ ଘରୋଇ ଏବଂ ବାଣିଜ୍ୟିକ ପିଏନଜି ସଂଯୋଗ ପାଇଁ ପ୍ରୋତ୍ସାହନ ପ୍ରଦାନ କରୁଛନ୍ତି।ସିଜିଡି ନେଟୱାର୍କର ସମ୍ପ୍ରସାରଣ ପାଇଁ ଆବଶ୍ୟକ ଅନୁମୋଦନ ପ୍ରକ୍ରିୟାକୁ ତ୍ୱରାନ୍ୱିତ କରିବାକୁ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଏବଂ କେନ୍ଦ୍ରୀୟ ମନ୍ତ୍ରଣାଳୟଗୁଡ଼ିକୁ ଅନୁରୋଧ କରାଯାଇଛି।ଭାରତ ସରକାର ୧୮.୦୩.୨୦୨୬ ତାରିଖର ଚିଠି ମାଧ୍ୟମରେ ସମସ୍ତ ରାଜ୍ୟ/କେନ୍ଦ୍ରଶାସିତ ଅଞ୍ଚଳକୁ ଅତିରିକ୍ତ ୧୦% ବାଣିଜ୍ୟିକ ଏଲପିଜି ଆବଣ୍ଟନ କରିବାକୁ ପ୍ରସ୍ତାବ ଦେଇଛନ୍ତି, ଯଦି ସେମାନେ ଏଲପିଜି ରୁ ପିଏନଜି କୁ ଦୀର୍ଘକାଳୀନ ପରିବର୍ତ୍ତନରେ ସାହାଯ୍ୟ କରିପାରିବେ।୨୨ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ପିଏନଜି ସମ୍ପ୍ରସାରଣ ସଂସ୍କାର ସହିତ ଜଡ଼ିତ ଅତିରିକ୍ତ ବାଣିଜ୍ୟିକ ଏଲପିଜି ଆବଣ୍ଟନ ଗ୍ରହଣ କରୁଛନ୍ତି।ସଡ଼କ ପରିବହନ ଏବଂ ରାଜପଥ ମନ୍ତ୍ରଣାଳୟ ୨୪.୦୩.୨୦୨୬ ତାରିଖର ଚିଠି ମାଧ୍ୟମରେ ସିଜିଡି ଭିତ୍ତିଭୂମି ସମ୍ବନ୍ଧୀୟ ଆବେଦନଗୁଡ଼ିକୁ ପ୍ରାଥମିକତା ଭିତ୍ତିରେ ସମାଧାନ କରିବା ପାଇଁ ୩ ମାସ ପାଇଁ ସ୍ୱତନ୍ତ୍ର ଭାବରେ ‘ହ୍ରାସିତ ସମୟସୀମା ସହିତ ସିଜିଡି ଭିତ୍ତିଭୂମି ପାଇଁ ତ୍ୱରାନ୍ୱିତ ଅନୁମୋଦନ ବ୍ୟବସ୍ଥା’ ଗ୍ରହଣ କରିଛନ୍ତି।ଭାରତ ସରକାର ୨୪.୦୩.୨୦୨୬ ତାରିଖର ଗେଜେଟ୍ ବିଜ୍ଞପ୍ତି ମାଧ୍ୟମରେ ଅତ୍ୟାବଶ୍ୟକ ସାମଗ୍ରୀ ଅଧିନିୟମ, ୧୯୫୫ ଅଧୀନରେ ‘ପ୍ରାକୃତିକ ଗ୍ୟାସ ଏବଂ ପେଟ୍ରୋଲିୟମ ଉତ୍ପାଦ ବିତରଣ (ପାଇପଲାଇନ ଏବଂ ଅନ୍ୟାନ୍ୟ ସୁବିଧା ସ୍ଥାପନ, ନିର୍ମାଣ, ପରିଚାଳନା ଏବଂ ସମ୍ପ୍ରସାରଣ ମାଧ୍ୟମରେ) ଆଦେଶ, ୨୦୨୬’ ବିଜ୍ଞପ୍ତି ଜାରି କରିଛନ୍ତି। ଏହି ଆଦେଶ ସାରା ଦେଶରେ ପାଇପଲାଇନ ବିଛାଇବା ଏବଂ ସମ୍ପ୍ରସାରଣ ପାଇଁ ଏକ ସରଳୀକୃତ ଏବଂ ସମୟବଦ୍ଧ ବ୍ୟବସ୍ଥା ପ୍ରଦାନ କରେ। ଏହାଦ୍ୱାରା ଆବାସିକ ଅଞ୍ଚଳ ସମେତ ପ୍ରାକୃତିକ ଗ୍ୟାସ ଭିତ୍ତିଭୂମିର ଦ୍ରୁତ ବିକାଶ ସମ୍ଭବ ହେବ। ଏହା ପିଏନଜି ନେଟୱାର୍କର ଅଭିବୃଦ୍ଧିକୁ ତ୍ୱରାନ୍ୱିତ କରିବ ଏବଂ ଭାରତର ଗ୍ୟାସ-ଆଧାରିତ ଅର୍ଥନୀତିକୁ ସୁଦୃଢ଼ କରିବ।ପିଏନଜିଆରବି (ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ନିୟାମକ ବୋର୍ଡ) ସିଜିଡି ସଂସ୍ଥାଗୁଡ଼ିକୁ ଡି-ପିଏନଜି ସଂଯୋଗକୁ ତ୍ୱରାନ୍ୱିତ କରିବାକୁ ନିର୍ଦ୍ଦେଶ ଦେଇଛି। ଏଥିସହ, ପିଏନଜି ସମ୍ପ୍ରସାରଣର ଗତି ବଜାୟ ରଖିବା ପାଇଁ ‘ନ୍ୟାସନାଲ ପିଏନଜି ଡ୍ରାଇଭ୍ ୨.୦’ କୁ ଜୁନ୍ ୩୦ ପର୍ଯ୍ୟନ୍ତ ବୃଦ୍ଧି କରାଯାଇଛି।ସ୍ୱଚ୍ଛ, ସୁରକ୍ଷିତ ଏବଂ ଆତ୍ମନିର୍ଭରଶୀଳ ଶକ୍ତି ଭବିଷ୍ୟତକୁ ଉତ୍ସାହିତ କରିବା ପାଇଁ ଭାରତ ସରକାର ଏକ ମଡେଲ୍ ଡ୍ରାଫ୍ଟ ‘ଷ୍ଟେଟ୍ ସିବିଜି (ସଂକୁଚିତ ବାୟୋ ଗ୍ୟାସ) ନୀତି’ ପ୍ରସ୍ତୁତ କରିଛନ୍ତି। ଯେଉଁ ରାଜ୍ୟଗୁଡ଼ିକ ଏହାକୁ ଚୟନ କରିବେ, ସେମାନଙ୍କୁ ବାଣିଜ୍ୟିକ ଏଲପିଜି ର ପରବର୍ତ୍ତୀ ଅତିରିକ୍ତ ଆବଣ୍ଟନ ପାଇଁ ପ୍ରାଥମିକତା ଦିଆଯିବ।ପରିବେଶ, ବନ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ଏପ୍ରିଲ ୭ ତାରିଖରେ ଆଦେଶ ମାଧ୍ୟମରେ କେନ୍ଦ୍ରୀୟ ପ୍ରଦୂଷଣ ବୋର୍ଡକୁ ନିର୍ଦ୍ଦେଶ ଦେଇଛି ଯେ ସିଜିଡି ନେଟୱାର୍କ ଓ ଭିତ୍ତିଭୂମି ପାଇଁ ୧୫ ଦିନ ମଧ୍ୟରେ ସ୍ଥାପନ କିମ୍ବା ପରିଚାଳନା ସମ୍ମତି ପ୍ରଦାନ କରିବାକୁ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ମାନଙ୍କୁ ଆବଶ୍ୟକ ନିର୍ଦ୍ଦେଶ ଦିଅନ୍ତୁ।ମାର୍ଚ୍ଚ ୨୦୨୬ ରୁ, ପ୍ରାୟ ୫.୯୬ ଲକ୍ଷ ପିଏନଜି ସଂଯୋଗ ଗ୍ୟାସୀକରଣ କରାଯାଇଛି ଏବଂ ଅତିରିକ୍ତ ୨.୬୮ ଲକ୍ଷ ସଂଯୋଗ ପାଇଁ ଭିତ୍ତିଭୂମି ସୃଷ୍ଟି କରାଯାଇଛି, ଯାହା ମୋଟ ସଂଯୋଗ ସଂଖ୍ୟାକୁ ୮.୬୪ ଲକ୍ଷକୁ ବୃଦ୍ଧି କରିଛି। ଏଥିସହ, ପ୍ରାୟ ୬.୬୬ ଲକ୍ଷ ଗ୍ରାହକ ନୂତନ ସଂଯୋଗ ପାଇଁ ପଞ୍ଜିକୃତ ହୋଇଛନ୍ତି।ମେ ୧ ସୁଦ୍ଧା, ୪୩,୩୫୦ ରୁ ଅଧିକ ପିଏନଜି ଗ୍ରାହକ ମାଇ ପିଏନଜିଡି ଡଟ ଇନ ୱେବସାଇଟ୍ ମାଧ୍ୟମରେ ସେମାନଙ୍କର ଏଲପିଜି ସଂଯୋଗ ସମର୍ପଣ କରିଛନ୍ତି।ଅଶୋଧିତ ତୈଳ ସ୍ଥିତି ଏବଂ ରିଫାଇନାରୀ ସମସ୍ତ ରିଫାଇନାରୀ ପର୍ଯ୍ୟାପ୍ତ କ୍ରୁଡ୍ ଇନଭେଣ୍ଟୋରୀ ସହିତ ଉଚ୍ଚ କ୍ଷମତାରେ କାର୍ଯ୍ୟ କରୁଛି ଏବଂ ପେଟ୍ରୋଲ ତଥା ଡିଜେଲର ପର୍ଯ୍ୟାପ୍ତ ଷ୍ଟକ୍ ରଖାଯାଇଛି।ଘରୋଇ ବ୍ୟବହାରକୁ ସହାୟତା କରିବା ପାଇଁ ରିଫାଇନାରୀଗୁଡ଼ିକରୁ ଘରୋଇ ଏଲପିଜି ଉତ୍ପାଦନ ବୃଦ୍ଧି କରାଯାଇଛି। ଘରୋଇ ବଜାର ପାଇଁ ପେଟ୍ରୋକେମିକାଲ୍ ଫିଡ୍ଷ୍ଟକ୍ ଯୋଗାଣର ଉପଲବ୍ଧତା ନିଶ୍ଚିତ କରିବାକୁ ଏକ ଆନ୍ତଃ-ମନ୍ତ୍ରଣାଳୟ ଯୁଗ୍ମ କାର୍ଯ୍ୟକାରୀ ଗୋଷ୍ଠୀ ଗଠନ କରାଯାଇଛି।ଫାର୍ମା ଏବଂ କେମିକାଲ୍ କ୍ଷେତ୍ରର କମ୍ପାନୀଗୁଡିକ ପାଇଁ ଏଲପିଜି ପୁଲ୍ରୁ ଦୈନିକ ୧୦୦୦ ମେଟ୍ରିକ ଟନ ର ବ୍ୟବସ୍ଥା କରାଯାଇଛି।୯ ଏପ୍ରିଲ ୨୦୨୬ ରୁ, ମୁମ୍ବାଇ, କୋଚି, ଭାଇଜାଗ୍, ଚେନ୍ନାଇ, ମଥୁରା ଏବଂ ଗୁଜରାଟ ରିଫାଇନାରୀଗୁଡିକ ଦ୍ୱାରା କେମିକାଲ୍, ଫାର୍ମା ଏବଂ ପେଣ୍ଟ ଶିଳ୍ପକୁ ୧୦,୦୦୦ ମେଟ୍ରିକ ଟନ ରୁ ଅଧିକ ପ୍ରୋପିଲିନ୍ ଏବଂ ୧୨୦୦ ମେଟ୍ରିକ ଟନ ରୁ ଅଧିକ ବ୍ୟୁଟାଇଲ୍ ଆକ୍ରିଲେଟ୍ ବିକ୍ରୟ କରାଯାଇଛି।ଖୁଚୁରା ଜାଳେଣି ଉପଲବ୍ଧତା ଏବଂ ମୂଲ୍ୟ ନିର୍ଦ୍ଧାରଣ ପଦକ୍ଷେପସାରା ଦେଶରେ ସମସ୍ତ ରିଟେଲ୍ ଆଉଟଲେଟ୍ (ପେଟ୍ରୋଲ ପମ୍ପ) ସ୍ୱାଭାବିକ ଭାବରେ କାର୍ଯ୍ୟ କରୁଛି।ମଧ୍ୟ ପ୍ରାଚ୍ୟ ସଙ୍କଟ ଯୋଗୁଁ କ୍ରୁଡ୍ ମୂଲ୍ୟରେ ଅସ୍ୱାଭାବିକ ବୃଦ୍ଧି ଘଟିଛି; ତଥାପି, ଗ୍ରାହକମାନଙ୍କୁ ସୁରକ୍ଷା ଦେବା ପାଇଁ ଭାରତ ସରକାର ପେଟ୍ରୋଲ ଏବଂ ଡିଜେଲ ଉପରେ ଏକ୍ସାଇଜ୍ ଡ୍ୟୁଟି ଲିଟର ପିଛା ୧୦ ଟଙ୍କା ହ୍ରାସ କରିଛନ୍ତି।ଭାରତ ସରକାର ୩୦.୦୪.୨୦୨୬ ତାରିଖର ଗେଜେଟ୍ ବିଜ୍ଞପ୍ତି ମାଧ୍ୟମରେ ଡିଜେଲ ଉପରେ ରପ୍ତାନି ଶୁଳ୍କ ଲିଟର ପିଛା ୫୫.୫୦ ଟଙ୍କାରୁ ୨୩ ଟଙ୍କାକୁ ଏବଂ ବିମାନ ଇନ୍ଧନ ଉପରେ ୪୨ ଟଙ୍କାରୁ ୩୩ ଟଙ୍କାକୁ ହ୍ରାସ କରିଛନ୍ତି।ଗୁଜବ ଯୋଗୁଁ କିଛି ରିଟେଲ୍ ଆଉଟଲେଟ୍ରେ ଆତଙ୍କିତ କ୍ରୟ ଦେଖାଦେଇଛି। ସୂଚନା ଦିଆଯାଇଛି ଯେ ଦେଶର ସମସ୍ତ ପେଟ୍ରୋଲ ପମ୍ପରେ ପେଟ୍ରୋଲ ଏବଂ ଡିଜେଲର ପର୍ଯ୍ୟାପ୍ତ ଷ୍ଟକ୍ ଉପଲବ୍ଧ ଅଛି। ପେଟ୍ରୋଲ ଏବଂ ଡିଜେଲର ନିୟମିତ ଖୁଚୁରା ମୂଲ୍ୟ ଅପରିବର୍ତ୍ତିତ ଅଛି।କିରୋସିନି ଉପଲବ୍ଧତା ଏବଂ ବଣ୍ଟନ ପଦକ୍ଷେପନିୟମିତ ଆବଣ୍ଟନ ବ୍ୟତୀତ ରାଜ୍ୟ/କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ଅତିରିକ୍ତ ୪୮,୦୦୦ କିଲୋଲିଟର କିରୋସିନି ପ୍ରଦାନ କରାଯାଇଛି।୧୮ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ କିରୋସିନ ଆବଣ୍ଟନ ଆଦେଶ ଜାରି କରିଛନ୍ତି।ସାମୁଦ୍ରିକ ସୁରକ୍ଷା ଏବଂ ସିପିଂ କାର୍ଯ୍ୟବନ୍ଦର, ଜାହାଜ ଚଳାଚଳ ଏବଂ ଜଳପଥ ମନ୍ତ୍ରଣାଳୟ ପାରସ୍ୟ ଉପସାଗରରେ ପ୍ରଚଳିତ ସାମୁଦ୍ରିକ ସ୍ଥିତି ଏବଂ ଭାରତୀୟ ଜାହାଜ ତଥା କର୍ମଚାରୀଙ୍କ ସୁରକ୍ଷା ପାଇଁ ନିଆଯାଉଥିବା ପଦକ୍ଷେପ ସମ୍ପର୍କରେ ସୂଚନା ଦେଇଛନ୍ତି:ନାବିକଙ୍କ କଲ୍ୟାଣ ଏବଂ ନିରନ୍ତର ସାମୁଦ୍ରିକ କାର୍ଯ୍ୟ ନିଶ୍ଚିତ କରିବାକୁ ମନ୍ତ୍ରଣାଳୟ ବୈଦେଶିକ ବ୍ୟାପାର ମନ୍ତ୍ରଣାଳୟ ଏବଂ ଭାରତୀୟ ମିଶନଗୁଡ଼ିକ ସହିତ ସମନ୍ୱୟ ରକ୍ଷା କରୁଛି।ଏହି ଅଞ୍ଚଳରେ ଥିବା ସମସ୍ତ ଭାରତୀୟ ନାବିକ ସୁରକ୍ଷିତ ଅଛନ୍ତି ଏବଂ ଗତ ୨୪ ଘଣ୍ଟା ମଧ୍ୟରେ ଭାରତୀୟ ପତାକାଧାରୀ ଜାହାଜ ସହିତ କୌଣସି ଅଘଟଣ ଘଟିଥିବା ରିପୋର୍ଟ ହୋଇନାହିଁ।ଡିଜି ସିପିଂ କଣ୍ଟ୍ରୋଲ ରୁମ୍ ସକ୍ରିୟ ହେବା ପରଠାରୁ ୮,୩୩୫ କଲ୍ ଏବଂ ୧୭,୮୩୮ ରୁ ଅଧିକ ଇମେଲ୍ ଗ୍ରହଣ କରିଛି।ମନ୍ତ୍ରଣାଳୟ ଗତ ୨୪ ଘଣ୍ଟା ମଧ୍ୟରେ ୩୦ ଜଣଙ୍କ ସମେତ ବର୍ତ୍ତମାନ ସୁଦ୍ଧା ଉପସାଗରୀୟ ଅଞ୍ଚଳରୁ ୨,୯୨୨ ରୁ ଅଧିକ ଭାରତୀୟ ନାବିକଙ୍କ ନିରାପଦ ପ୍ରତ୍ୟାବର୍ତ୍ତନ ସୁବିଧାଜନକ କରିଛି।ଭାରତର ସମସ୍ତ ବନ୍ଦରରେ କାର୍ଯ୍ୟ ସ୍ୱାଭାବିକ ଅଛି।ଏହି ଅଞ୍ଚଳରେ ଥିବା ଭାରତୀୟ ନାଗରିକଙ୍କ ସୁରକ୍ଷାବୈଦେଶିକ ବ୍ୟାପାର ମନ୍ତ୍ରଣାଳୟ ଉପସାଗରୀୟ ଏବଂ ପଶ୍ଚିମ ଏସିଆ ଅଞ୍ଚଳର ଘଟଣାବଳୀ ଉପରେ ନଜର ରଖିବା ଜାରି ରଖିଛି। ବୈଦେଶିକ ବ୍ୟାପାର ମନ୍ତ୍ରଣାଳୟ ଉପସାଗରୀୟ ଏବଂ ପଶ୍ଚିମ ଏସିଆ ଅଞ୍ଚଳର ଘଟଣାବଳୀ ଉପରେ ନଜର ରଖିବା ଜାରି ରଖିଛି, ଯେଉଁଥିରେ ଏହି ଅଞ୍ଚଳରେ ଥିବା ଭାରତୀୟ ସମୁଦାୟର ସୁରକ୍ଷା, ନିରାପତ୍ତା ଏବଂ କଲ୍ୟାଣ ନିଶ୍ଚିତ କରିବା ଉପରେ ଗୁରୁତ୍ୱାରୋପ କରାଯାଇଛି। ଏହା ସୂଚନା ଦିଆଯାଇଛି ଯେ:ସୂଚନା ଆଦାନପ୍ରଦାନ ଏବଂ ପ୍ରୟାସଗୁଡ଼ିକର ଉତ୍ତମ ସମନ୍ୱୟ ପାଇଁ ବୈଦେଶିକ ବ୍ୟାପାର ମନ୍ତ୍ରଣାଳୟ ରାଜ୍ୟ ସରକାର ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକ ସହିତ ନିୟମିତ ଯୋଗାଯୋଗରେ ଅଛି।ସମୟାନୁବର୍ତ୍ତୀ ସହାୟତା ପ୍ରଦାନ କରିବା ପାଇଁ ଭାରତୀୟ ଦୂତାବାସ ଏବଂ କନସୁଲେଟ୍ଗୁଡ଼ିକ ୨୪ ଘଣ୍ଟିଆ ହେଲ୍ପଲାଇନ ଚଳାଇବା ଜାରି ରଖିଛନ୍ତି ଏବଂ ଆମ ନାଗରିକମାନଙ୍କୁ ସକ୍ରିୟ ଭାବରେ ସହାୟତା କରୁଛନ୍ତି। ସେମାନେ ସ୍ଥାନୀୟ ସରକାରଙ୍କ ସହ ମଧ୍ୟ ନିବିଡ଼ ଯୋଗାଯୋଗରେ ଅଛନ୍ତି।ସ୍ଥାନୀୟ ସରକାରଙ୍କ ମାର୍ଗଦର୍ଶିକା, ବିମାନ ଏବଂ ଯାତ୍ରା ସ୍ଥିତି, କନସୁଲାର ସେବା ଏବଂ ସମୁଦାୟ ପାଇଁ ଗ୍ରହଣ କରାଯାଉଥିବା ବିଭିନ୍ନ କଲ୍ୟାଣକାରୀ ପଦକ୍ଷେପ ସମ୍ବନ୍ଧୀୟ ସୂଚନା ସହିତ ଅଦ୍ୟତନ ପରାମର୍ଶାବଳୀ ଜାରି କରାଯାଉଛି।ଭାରତୀୟ ମିଶନଗୁଡ଼ିକ ସେଠାରେ ରହୁଥିବା ଭାରତୀୟ ସମୁଦାୟ ସହିତ ସକ୍ରିୟ ଭାବରେ ଜଡ଼ିତ ଅଛନ୍ତି। ସେମାନଙ୍କର ସମସ୍ୟାର ସମାଧାନ ପାଇଁ ସେମାନେ ଭାରତୀୟ ସାମୁଦାୟିକ ସଂଘ, ସଂଗଠନ, ବୃତ୍ତିଗତ ଗୋଷ୍ଠୀ ଏବଂ ଭାରତୀୟ କମ୍ପାନୀଗୁଡ଼ିକ ସହିତ ନିୟମିତ ଭାବେ ଆଲୋଚନା କରୁଛନ୍ତି।ସରକାର ଏହି ଅଞ୍ଚଳରେ ଥିବା ଭାରତୀୟ ନାବିକମାନଙ୍କ କଲ୍ୟାଣକୁ ଉଚ୍ଚ ପ୍ରାଥମିକତା ଦେଉଛନ୍ତି। ଭାରତୀୟ ମିଶନଗୁଡ଼ିକ ସେମାନଙ୍କୁ ସମସ୍ତ ସହାୟତା ପ୍ରଦାନ କରୁଛନ୍ତି, ଯେଉଁଥିରେ ସ୍ଥାନୀୟ କର୍ତ୍ତୃପକ୍ଷ ଏବଂ ଏଜେନ୍ସିଗୁଡ଼ିକ ସହିତ ସମନ୍ୱୟ ରକ୍ଷା କରିବା, କନସୁଲାର ସହାୟତା ପ୍ରଦାନ କରିବା ଏବଂ ଭାରତକୁ ଫେରିବା ପାଇଁ ଅନୁରୋଧରେ ସହାୟତା କରିବା ଅନ୍ତର୍ଭୁକ୍ତ।ଏହି ଅଞ୍ଚଳରୁ ଭାରତର ବିଭିନ୍ନ ସ୍ଥାନକୁ ଅତିରିକ୍ତ ବିମାନ ଚଳାଚଳ ସହିତ ସାମଗ୍ରିକ ବିମାନ ଚଳାଚଳ ସ୍ଥିତିରେ ଉନ୍ନତି ଜାରି ରହିଛି।ୟୁଏଇରେ, ପରିଚାଳନା ଏବଂ ସୁରକ୍ଷା ଦୃଷ୍ଟିକୋଣରୁ ଏୟାରଲାଇନ୍ସଗୁଡ଼ିକ ୟୁଏଇ ଏବଂ ଭାରତ ମଧ୍ୟରେ ସୀମିତ ବାଣିଜ୍ୟିକ ବିମାନ ଚଳାଚଳ ଜାରି ରଖିଛନ୍ତି।ସୌଦି ଆରବ ଏବଂ ଓମାନର ବିଭିନ୍ନ ବିମାନବନ୍ଦରରୁ ଭାରତର ବିଭିନ୍ନ ସ୍ଥାନକୁ ବିମାନ ଚଳାଚଳ ଜାରି ରହିଛି।କାତାର ଆକାଶମାର୍ଗ ଆଂଶିକ ଖୋଲା ଥିବା ବେଳେ, କାତାର ଏୟାରୱେଜ୍ ଭାରତର ବିଭିନ୍ନ ସ୍ଥାନକୁ ବିମାନ ଚଳାଚଳ କରୁଛି। ଏୟାର ଇଣ୍ଡିଆ, ଏୟାର ଇଣ୍ଡିଆ ଏକ୍ସପ୍ରେସ୍ ଏବଂ ଇଣ୍ଡିଗୋ କାତାରରୁ ଭାରତକୁ ବିମାନ ଚଳାଚଳ ଆରମ୍ଭ କରିଛନ୍ତି।କୁଏତ ଆକାଶମାର୍ଗ ଖୋଲା ରହିଛି। ଜଜିରା ଏୟାରୱେଜ୍ ଏବଂ କୁଏତ ଏୟାରୱେଜ୍ କୁଏତରୁ ଭାରତକୁ ସୀମିତ ବିମାନ ଚଳାଚଳ ପୁନର୍ବାର ଆରମ୍ଭ କରିଛନ୍ତି।ବାହାରିନ ଆକାଶମାର୍ଗ ଖୋଲା ଅଛି। ଏୟାର ଇଣ୍ଡିଆ ଏକ୍ସପ୍ରେସ୍ ଏବଂ ଗଲ୍ଫ ଏୟାର ବାହାରିନରୁ ଭାରତର ବିଭିନ୍ନ ସ୍ଥାନକୁ ବିମାନ ଚଳାଚଳ କରୁଛନ୍ତି। ଇଣ୍ଡିଗୋ ମଧ୍ୟ ଆଜିଠାରୁ ବାହାରିନରୁ ଭାରତକୁ ବିମାନ ଚଳାଚଳ ପୁନର୍ବାର ଆରମ୍ଭ କରିବାକୁ ଯୋଜନା କରୁଛି।ଇରାକ ଆକାଶମାର୍ଗ ଖୋଲା ଅଛି ଏବଂ ଏହି ଅଞ୍ଚଳର କିଛି ସ୍ଥାନକୁ ସୀମିତ ବିମାନ ଚଳାଚଳ କରୁଛି, ଯାହାକୁ ଭାରତ ଯାତ୍ରା ପାଇଁ ବ୍ୟବହାର କରାଯାଇପାରିବ।ଇରାନ ଆକାଶମାର୍ଗ କାର୍ଗୋ ଏବଂ ଚାର୍ଟର୍ଡ ବିମାନ ପାଇଁ ଆଂଶିକ ଖୋଲା ଅଛି। ଭାରତୀୟ ନାଗରିକମାନଙ୍କୁ ଇରାନ ଭ୍ରମଣ ନକରିବାକୁ ପରାମର୍ଶ ଦିଆଯାଇଛି ଏବଂ ଯେଉଁମାନେ ପୂର୍ବରୁ ସେଠାରେ ଅଛନ୍ତି ସେମାନଙ୍କୁ ଭାରତୀୟ ଦୂତାବାସର ସହାୟତାରେ ସ୍ଥଳ ସୀମା ପଥ ଦେଇ ବାହାରି ଯିବାକୁ ଅନୁରୋଧ କରାଯାଇଛି। ବର୍ତ୍ତମାନ ସୁଦ୍ଧା ତେହେରାନସ୍ଥିତ ଭାରତୀୟ ଦୂତାବାସ ସ୍ଥଳ ସୀମା ପଥ ଦେଇ ୨,୪୯୦ ଭାରତୀୟ ନାଗରିକଙ୍କୁ ଇରାନରୁ ବାହାରକୁ ଆଣିବାରେ ସହଯୋଗ କରିଛନ୍ତି।ଇସ୍ରାଏଲର ଆକାଶମାର୍ଗ ଖୋଲା ଅଛି ଏବଂ ଏହି ଅଞ୍ଚଳର କିଛି ସ୍ଥାନକୁ ସୀମିତ ବିମାନ ଚଳାଚଳ ପୁନର୍ବାର ଆରମ୍ଭ ହୋଇଛି, ଯାହାକୁ ଭାରତ ଯାତ୍ରା ପାଇଁ ବ୍ୟବହାର କରାଯାଇପାରିବ।