୨୭ ଅକ୍ଟୋବରରେ ଏମର୍ଜିଂ ସାଇନ୍ସ ଟେକ୍ନୋଲୋଜି ଆଣ୍ଡ ଇନୋଭେସନ୍ କନ୍କ୍ଲେଭ୍ ୨୦୨୬କୁ ଉଦ୍ଘାଟନ କରିବେ ପ୍ରଧାନମନ୍ତ୍ରୀ
୨୭ ଅକ୍ଟୋବରରେ ଏମର୍ଜିଂ ସାଇନ୍ସ ଟେକ୍ନୋଲୋଜି ଆଣ୍ଡ ଇନୋଭେସନ୍ କନ୍କ୍ଲେଭ୍ ୨୦୨୬କୁ ଉଦ୍ଘାଟନ କରିବେ ପ୍ରଧାନମନ୍ତ୍ରୀ l ତିନିଦିନିଆ ସମ୍ମିଳନୀରେ ଉଦୀୟମାନ ପ୍ରଯୁକ୍ତିବିଦ୍ୟା ଓ ନବସୃଜନର ପ୍ରାଥମିକତା ଉପରେ ଆଲୋଚନା ପାଇଁ ଏକାଠି ହେବେ ପ୍ରମୁଖ ବୈଜ୍ଞାନିକ, ନୀତି ନିର୍ଦ୍ଧାରକ ଓ ବିଶ୍ୱସ୍ତରୀୟ ବିଶେଷଜ୍ଞଇଏସ୍ଟିଆଇସିରେ ୧୨ଟି ବିଷୟଗତ କ୍ଷେତ୍ରକୁ ସାମିଲ କରାଯିବ ଯେଉଁଥିରେ, କୃତ୍ରିମ ବୁଦ୍ଧିମତ୍ତା, ଜୈବ ପ୍ରଯୁକ୍ତିବିଦ୍ୟା, ଉନ୍ନତ ସାମଗ୍ରୀ, ଉତ୍ପାଦନ, ସ୍ୱାସ୍ଥ୍ୟସେବା, ଶକ୍ତି, ଜଳବାୟୁ ଏବଂ ମହାସାଗର ବିଜ୍ଞାନ ଇତ୍ୟାଦି ରହିଛିଅନ୍ତର୍ଜାତୀୟ ଗବେଷଣା ସହଭାଗୀତା ଏବଂ ଶିଳ୍ପ-ଶିକ୍ଷା ସହଯୋଗକୁ ପ୍ରୋତ୍ସାହିତ କରିବା ଲକ୍ଷ୍ୟରେ ଗ୍ଲୋବାଲ୍ କନେକ୍ଟ ନେଟୱାର୍କିଂ ଇଭେଣ୍ଟ ନାମକ ଏକ ନୂତନ ପଦକ୍ଷେପ ଆରମ୍ଭ କରାଯାଇଛି, ଯେଉଁଥିରେ ୩୦୦ରୁ ଅଧିକ ଅଂଶଗ୍ରହଣକାରୀ ଯୋଗଦେବେ୨୬ ଅକ୍ଟୋବର ୨୦୨୬: ପିଆଇବିପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୨୭ ଅକ୍ଟୋବର ୨୦୨୬ ସନ୍ଧ୍ୟା ୫:୩୦ ସମୟରେ ନୂଆଦିଲ୍ଲୀର ଭାରତ ମଣ୍ଡପମରେ ଏମର୍ଜିଂ ସାଇନ୍ସ ଟେକ୍ନୋଲୋଜି ଆଣ୍ଡ ଇନୋଭେସନ୍ କନ୍କ୍ଲେଭ୍ ୨୦୨୬ (ଇଏସ୍ଟିଆଇସି) ଉଦ୍ଘାଟନ କରିବେ । ଏହି ଅବସରରେ ସେ ଉପସ୍ଥିତ ଜନସମାବେଶକୁ ମଧ୍ୟ ସମ୍ବୋଧିତ କରିବେ ।୨୭ ରୁ ୨୯ ଅକ୍ଟୋବର ପର୍ଯ୍ୟନ୍ତ ନିର୍ଦ୍ଧାରିତ ଏହି ତିନି ଦିନିଆ କନ୍କ୍ଲେଭ୍ରେ ପ୍ରମୁଖ ବୈଜ୍ଞାନିକ, ଗବେଷକ, ଶିକ୍ଷାବିତ୍, ନୀତି ନିର୍ଦ୍ଧାରକ, ଉଦ୍ୟୋଗପତି, ଷ୍ଟାର୍ଟଅପ୍ ଏବଂ ଅନ୍ତର୍ଜାତୀୟ ବିଶେଷଜ୍ଞମାନେ ଏକତ୍ରିତ ହେବେ । ସେମାନେ ଉଦୀୟମାନ ପ୍ରଯୁକ୍ତିବିଦ୍ୟା ଏବଂ ଭାରତର ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ନବାଚାରରେ ପ୍ରାଥମିକତା ଉପରେ ବିଚାର ବିମର୍ଶ କରିବେ ।ଏହି ପରିପ୍ରେକ୍ଷୀରେ ୧୨ଟି ବିଭିନ୍ନ ବିଷୟଗତ କ୍ଷେତ୍ର ଉପରେ ବିଚାର-ବିମର୍ଶ ହେବ, ଯେଉଁଥିରେ କୃତ୍ରିମ ବୁଦ୍ଧିମତ୍ତା, ଜୈବ ପ୍ରଯୁକ୍ତିବିଦ୍ୟା, ଉନ୍ନତ ସାମଗ୍ରୀ, ଉତ୍ପାଦନ, ସ୍ୱାସ୍ଥ୍ୟସେବା, ଶକ୍ତି, ଜଳବାୟୁ ଏବଂ ସମୁଦ୍ର ବିଜ୍ଞାନ ଅନ୍ତର୍ଭୁକ୍ତ । ଏହାଛଡା ଗବେଷଣା ପ୍ରାଥମିକତା, ଜାତୀୟ କ୍ଷମତା ଏବଂ ବୈଜ୍ଞାନିକ ଅଗ୍ରଗତିକୁ ବ୍ୟବହାରିକ ପ୍ରୟୋଗରେ ପରିଣତ କରିବା ଉପରେ ମଧ୍ୟ ଆଲୋଚନା ହେବ ।ଏହି କନ୍କ୍ଲେଭରେ ପ୍ରଯୁକ୍ତିବିଦ୍ୟା ଏବଂ ନବାଚାର ଉପରେ ଏକ ବଡ ପ୍ରଦର୍ଶନୀ ମଧ୍ୟ ପ୍ରଦର୍ଶିତ ହେବ, ଯେଉଁଥିରେ ସ୍ୱଦେଶୀ ବୈଜ୍ଞାନିକ ସଫଳତା ଏବଂ ଉଦୀୟମାନ ପ୍ରଯୁକ୍ତିବିଦ୍ୟା ପ୍ରଦର୍ଶିତ ହେବ । ଏଥିରେ ପ୍ରାୟ ୧୫୦ ଟି ଡିପ୍-ଟେକ୍ ଷ୍ଟାର୍ଟଅପ୍ ଷ୍ଟଲ୍ ଅନ୍ତର୍ଭୁକ୍ତ ହେବ, ଯାହା ବିଭିନ୍ନ କ୍ଷେତ୍ରରେ ପ୍ରଯୁକ୍ତିବିଦ୍ୟା ବିକାଶ ଏବଂ ସେମାନଙ୍କର ସମ୍ଭାବ୍ୟ ପ୍ରୟୋଗକୁ ପ୍ରଦର୍ଶିତ କରିବ ।ବୈଜ୍ଞାନିକ ବିକାଶ ଏବଂ ସେମାନଙ୍କର ବାସ୍ତବ ଉପଯୋଗ ପ୍ରତି ଲୋକମାନଙ୍କର ଆଗ୍ରହ ବୃଦ୍ଧି କରିବା ପାଇଁ ଏହି କନ୍କ୍ଲେଭରେ ବିଷୟବସ୍ତୁ ଆଧାରିତ ଭିଡିଓ, ପ୍ରଯୁକ୍ତି ପ୍ରଦର୍ଶନ, ଡକ୍ୟୁମେଣ୍ଟାରୀ, ସୂଚନାମୂଳକ କିଓସ୍କ ଏବଂ ବର୍ଦ୍ଧିତ ତଥା ଭର୍ଚୁଆଲ୍ ବାସ୍ତବତା ଅଭିଜ୍ଞତା ମଧ୍ୟ ବ୍ୟବହାର କରାଯିବ ।ଗ୍ଲୋବାଲ କନେକ୍ଟ ନେଟୱାର୍କିଂ ଇଭେଣ୍ଟ ନାମରେ କରାଯାଇଥିବା ଏକ ନୂତନ ପ୍ରୟାସ, ଭାରତ ତଥା ବିଦେଶର ଶିକ୍ଷାନୁଷ୍ଠାନ, ଗବେଷଣା ପ୍ରତିଷ୍ଠାନ ଏବଂ ଶିଳ୍ପ ଜଗତରୁ ୩୦୦ରୁ ଅଧିକ ନିମନ୍ତ୍ରିତ ଅଂଶଗ୍ରହଣକାରୀଙ୍କୁ ଏକତ୍ରିତ କରିବ । ଏହି ମଞ୍ଚ ଅନ୍ତର୍ଜାତୀୟ ଗବେଷଣା ସହଭାଗୀତା, ଶିଳ୍ପ ଓ ଶିକ୍ଷା କ୍ଷେତ୍ର ମଧ୍ୟରେ ସହଯୋଗ ଏବଂ ପରୀକ୍ଷାଗାରରୁ ବଜାରକୁ ନବାଚାର ପାଇଁ ମାର୍ଗ ଅନୁସନ୍ଧାନ କରିବା ନିମନ୍ତେ ଏକ ପ୍ଲାଟଫର୍ମ ପ୍ରଦାନ କରିବ ।