ସାଧାରଣତନ୍ତ୍ର ଦିବସ -2026 ମହାପ୍ରବନ୍ଧକ ମହୋଦୟଙ୍କ ବାର୍ତ୍ତା
ପୂର୍ବ ତଟ ରେଳପଥର ସଦସ୍ୟଗଣ, ଗଣମାଧ୍ୟମର ପ୍ରତିନିଧିବୃନ୍ଦ, ମାନ୍ୟଗଣ୍ୟ ବ୍ୟକ୍ତିବିଶେଷ ଏବଂ ପିଲାମାନେ।ଆମ ମହାନ ରାଷ୍ଟ୍ରର ୭୭ତମ ଗଣତନ୍ତ୍ର ଦିବସ ପାଳନ ଅବସରରେ ମୁଁ ଆପଣମାନଙ୍କର ସମୃଦ୍ଧି ଏବଂ ସଫଳତା ପାଇଁ କାମନା କରୁଛି। ଏହି ମହତ୍ୱପୂର୍ଣ୍ଣ ଦିନଟି ଆମ ଭିତରେ ମାତୃଭୂମି ପ୍ରତି ଗଭୀର ପ୍ରେମକୁ ଜାଗ୍ରତ କରିଥାଏ ଏବଂ ଆମର ଦେଶଭକ୍ତି ଭାବନାକୁ ସୁଦୃଢ଼ କରିଥାଏ। ଏହା ସହ ଆମ ସମ୍ବିଧାନର ନିର୍ମାତାମାନେ ଭାରତ ପାଇଁ ଯେଉଁ ସ୍ୱପ୍ନ ଦେଖିଥିଲେ, ସେହି ଆଦର୍ଶ ଓ ଆକାକ୍ଷାଂକୁ ପୂରଣ କରିବା ପାଇଁ ଆମ ପ୍ରତିବଦ୍ଧତାକୁ ପୁନଃସ୍ମରଣ କରାଏ। ଏହା ଜଣାଇ ମୁଁ ଅତ୍ୟନ୍ତ ଆନନ୍ଦିତ ଯେ ଚଳିତ ଆର୍ଥିକ ବର୍ଷରେ ଆମେ ସମସ୍ତ କାର୍ଯ୍ୟକଳାପରେ ଉଲ୍ଲେଖନୀୟ ପ୍ରଦର୍ଶନ କରିଛୁ। 263 ଦିନରେ 200 ନିୟୁତ ଟନ୍ ମାଲ ପରିବହନ କରି ପୂର୍ବ ତଟ ରେଳପଥ ଇତିହାସରେ ସବୁଠାରୁ ଦ୍ରୁତ ଏବଂ ଗତ ବର୍ଷ ତୁଳନାରେ 27 ଦିନ ପୂର୍ବରୁ ମାଲ ପରିବହନ ସମ୍ପାଦନ କରିପାରିଛି। ଚଳିତ ଆର୍ଥିକ ବର୍ଷରେ ଆମର ପ୍ରଦର୍ଶନ 222 ନିୟୁତ ଟନ୍ ମାଲ ଲୋଡ଼ିଂ ଏବଂ 199 ନିୟୁତ ଟନ୍ ମାଲ ଅନଲୋଡିଂ ସାମିଲ ରହିଛି।ଆମର ପରିଚାଳନା ମେଟ୍ରିକ୍ସ ସମଗ୍ର ବୋର୍ଡରେ ଦୃଢ଼ ପ୍ରଦର୍ଶନକୁ ପ୍ରତିଫଳିତ କରୁଛି । ପ୍ରଥମ ତିନି ତ୍ରୈମାସିକରେ ମାଲ ପରିବହନ 11.3% ବୃଦ୍ଧି ପାଇଛି। ଡିସେମ୍ବର 2025 ସୁଦ୍ଧା 18,920.57 କୋଟି ଟଙ୍କାର ମୋଟ ରାଜସ୍ୱ 9.21% କୁ ବୃଦ୍ଧି ପାଇଛି। 73.13 ନିୟୁତ ଯାତ୍ରୀ ପରିବହନ ସହିତ ଯାତ୍ରୀ ପରିଚାଳନା 5.74% କୁ ବୃଦ୍ଧି ଏବଂ ଗତ ବର୍ଷ ଠାରୁ 6.87% ବୃଦ୍ଧି ପାଇ 1,865.34 କୋଟି ଟଙ୍କା ଆୟ କରିଛି। ପୁଞ୍ଜି ଖର୍ଚ୍ଚ ଉପଯୋଗ 9,659.39 କୋଟି ଟଙ୍କା ରହିଛି, ଯାହା ଆମ ଆବଣ୍ଟିତ ବଜେଟର 91.63% ପ୍ରତିନିଧିତ୍ୱ କରୁଥିବାବେଳେ ଆମର ପରିଚାଳନା ଅନୁପାତ 58.20% ରେ ରହିଛି।ଏହି ଉଲ୍ଲେଖନୀୟ ସଫଳତା ଆମ ରେଳ ପରିବାରର ପ୍ରତ୍ୟେକ କଠିନ ପରିଶ୍ରମ, ପ୍ରତିବଦ୍ଧତା ଏବଂ ଉତ୍ସର୍ଗୀକୃତତାର ପ୍ରମାଣ। ମୁଁ ଏହି ଅବସରରେ ଆମର ସମସ୍ତ ରେଳ କର୍ମଚାରୀଙ୍କୁ ଅଭିନନ୍ଦନ ଜଣାଉଛି ଏବଂ ଯେଉଁମାନେ ଆହ୍ୱାନପୂର୍ଣ୍ଣ ପରିସ୍ଥିତିରେ କାର୍ଯ୍ୟ କରୁଛନ୍ତି, ବିଶେଷ କରି କଠିନ ଏବଂ ଗୁରୁତ୍ୱପୂର୍ଣ୍ଣ ବିଭାଗରେ କାର୍ଯ୍ୟ କରୁଥିବା ଆମର ସହକର୍ମୀମାନଙ୍କୁ ଗଭୀର କୃତଜ୍ଞତା ଜ୍ଞାପନ କରୁଛି।ପୂର୍ବ ତଟ ରେଳପଥର ପରିଚାଳନା କେନ୍ଦ୍ରରେ ଯାତ୍ରୀମାନଙ୍କ ପାଇଁ ସୁବିଧା ଏବଂ ଆରାମକୁ ଗୁରୁତ୍ଵ ଦିଆଯାଇଛି । ଚଳିତ ଆର୍ଥିକ ବର୍ଷରେ ଆମେ ପର୍ବପର୍ବାଣୀ ଓ ଛୁଟିଦିନରେ ଋତୁକାଳୀନ ଯାତ୍ରା ବୃଦ୍ଧିକୁ ଦୃଷ୍ଟିରେ ରଖି 1,523ଟି ସ୍ୱତନ୍ତ୍ର ଟ୍ରେନ ସଫଳତାର ସହ ପରିଚାଳନା କରିଛୁ। ଆମେ 4,050 ଅତିରିକ୍ତ ବଗି ସହିତ 200 ମେଲ/ଏକ୍ସପ୍ରେସ ଟ୍ରେନକୁ ମଧ୍ୟ ବୃଦ୍ଧି କରିଛୁ ଏବଂ ସ୍ଥାୟୀ ସେବା ବୃଦ୍ଧି ପାଇଁ ଆମର ଫ୍ଲିଟ୍ରେ 19ଟି ବଗିର ବ୍ୟବସ୍ଥା କରାଯାଇଛି ।ଯାତ୍ରା ସୁରକ୍ଷା ଏବଂ ଯାତ୍ରୀଙ୍କ ଅଭିଜ୍ଞତାକୁ ଉନ୍ନତ କରିବା ପାଇଁ ଆମର ନିରନ୍ତର ପ୍ରୟାସରେ, ଚଳିତ ଆର୍ଥିକ ବର୍ଷରେ ଆମେ ଏଲଏଚବି (LHB) ରେକ୍ ସହିତ 2 ଟି ଟ୍ରେନ୍ ସେବାର ଆରମ୍ଭ କରିଛୁ। ଆମର ନେଟୱାର୍କକୁ ସମ୍ପ୍ରସାରିତ କରି, ତିନୋଟି ନୂତନ ଏକ୍ସପ୍ରେସ ସେବା ବର୍ତ୍ତମାନ ଗୁରୁତ୍ୱପୂର୍ଣ୍ଣ ଗନ୍ତବ୍ଯସ୍ଥଳକୁ ସଂଯୋଗ କରୁଛି। ବୌଦ୍ଧ-ଭୁବନେଶ୍ୱର-ବୌଦ୍ଧ ଏକ୍ସପ୍ରେସ, ସମ୍ବଲପୁର-ବୌଦ୍ଧ-ସମ୍ବଲପୁର ଏକ୍ସପ୍ରେସ ଏବଂ ବ୍ରହ୍ମପୁର-ଉଧନା-ବ୍ରହ୍ମପୁର ଅମୃତ ଭାରତ ଏକ୍ସପ୍ରେସ। ସୁଗମ୍ଯତାକୁ ଆହୁରି ଉନ୍ନତ କରିବା ପାଇଁ, 21ଟି ଟ୍ରେନ୍ରେ ଏବେ ଅତିରିକ୍ତ ରହଣି ବ୍ୟବସ୍ଥା ରହିଛି, ଅଧିକ ସ୍ଥାନରେ ସେବା ଯୋଗାଇବା ପାଇଁ 3 ଯୋଡ଼ି ଟ୍ରେନକୁ ସମ୍ପ୍ରସାରିତ କରାଯାଇଛି ଏବଂ ଗୋଟିଏ ଯୋଡ଼ି ଟ୍ରେନର ଫ୍ରିକ୍ୱେନ୍ସିକୁ ବୃଦ୍ଧି କରାଯାଇଛି।ଚଳିତ ବର୍ଷ ରଥଯାତ୍ରା ଉତ୍ସବରେ ଅଭୂତପୂର୍ବ ଯାତ୍ରୀ ପରିବହନ ଦେଖିବାକୁ ମିଳିଥିଲା ପୂର୍ବ ତଟ ରେଳପଥ 4 ଲକ୍ଷ 91 ହଜାର ଶ୍ରଦ୍ଧାଳୁଙ୍କୁ ସୁରକ୍ଷିତ ଯାତ୍ରାର ସୁବିଧା ପ୍ରଦାନ କରିଛି। ଚାହିଦାକୁ ଦୃଷ୍ଟିରେ ରଖି ଓଡ଼ିଶା ସମେତ ଆଖପାଖ ରାଜ୍ୟରେ 368ଟି ରଥଯାତ୍ରା ସ୍ୱତନ୍ତ୍ର ଟ୍ରେନ୍ ଚଳାଚଳ କରିଥିଲା। ଆମର ବ୍ୟାପକ ବ୍ୟବସ୍ଥା କେବଳ ଦକ୍ଷ ପରିବହନ ନୁହେଁ ବରଂ ଯାତ୍ରୀ ସୁବିଧାରେ ମଧ୍ୟ ଉନ୍ନତି ଆଣିଛି, ସରଳୀକୃତ ଟିକେଟ୍ ପ୍ରକ୍ରିୟା, ଫ୍ଲେକ୍ସିବଲ ଟ୍ରେନ୍ ସମୟ କାର୍ଯ୍ୟସୂଚୀ, ଏବଂ ସମସ୍ତ ତୀର୍ଥଯାତ୍ରୀଙ୍କ ପାଇଁ ଏକ ସୁଗମ ଏବଂ ଆରାମଦାୟକ ଯାତ୍ରା ସୁନିଶ୍ଚିତ କରିବା ପାଇଁ ବ୍ୟାପକ ଭିଡ଼ ପରିଚାଳନା ପଦକ୍ଷେପ ଅନ୍ତର୍ଭୁକ୍ତ।ଚଳିତ ଆର୍ଥିକ ବର୍ଷରେ ଡିସେମ୍ବର 2025 ପର୍ଯ୍ୟନ୍ତ ଅନେକ ଯାତ୍ରୀ ସୁବିଧା ପଦକ୍ଷେପ କାର୍ଯ୍ୟକାରୀ କରାଯାଇଛି। ଏହି ଉନ୍ନତିକରଣଗୁଡ଼ିକ ମଧ୍ୟରେ ଏ. ଟି. ଭି. ଏମ୍.(ATVMs), କ୍ୟୁ. ଆର୍. (QR) କୋଡ୍ ଦେୟ ସୁବିଧା ଏବଂ କେତେକ ନିର୍ଦ୍ଦିଷ୍ଟ ଷ୍ଟେସନରେ ଇକୋନୋମି ମିଲ୍ କାଉଣ୍ଟର ସ୍ଥାପନ କରଯାଇଛି। ଆମେ 10ଟି ଷ୍ଟେସନରେ କୋଚ୍ ଇଣ୍ଡିକେସନ୍ ବୋର୍ଡ, 7ଟି ଷ୍ଟେସନରେ ଟ୍ରେନ୍ ଇଣ୍ଡିକେସନ୍ ବୋର୍ଡ ଏବଂ 11ଟି ଷ୍ଟେସନରେ ଡିଜିଟାଲ ଘଣ୍ଟା ଯୋଗାଇ ଦେଇଛୁ। ଭିତ୍ତିଭୂମିର ଉନ୍ନତିକରଣ ମଧ୍ୟରେ 10ଟି ଷ୍ଟେସନରେ ଉନ୍ନତ ପ୍ରତୀକ୍ଷାଳୟ, 11ଟି ଷ୍ଟେସନରେ ପରିବ୍ୟାପ୍ତ ଅଞ୍ଚଳ ଏବଂ 26ଟି ଷ୍ଟେସନରେ ଅତିରିକ୍ତ ପ୍ଲାଟଫର୍ମ ଆଶ୍ରୟସ୍ଥଳ ସାମିଲ ରହିଛି। 18ଟି ଷ୍ଟେସନରେ ଦିବ୍ୟାଙ୍ଗଜନ ଯାତ୍ରୀଙ୍କ ପାଇଁ ରାମ୍ପ୍, 63ଟି ଷ୍ଟେସନରେ ପ୍ଲାଟଫର୍ମର ଉଚ୍ଚତା ବୃଦ୍ଧି, 9ଟି ଷ୍ଟେସନରେ ଫୁଟ ଓଭର ବ୍ରିଜ ଏବଂ 9ଟି ଷ୍ଟେସନରେ ଲିଫ୍ଟ ବ୍ୟବସ୍ଥା କରାଯାଇଛି। ଏଥିସହ ଖୋର୍ଦ୍ଧା ରୋଡ଼-ବଲାଙ୍ଗୀର ନୂଆ ରେଳ ଲାଇନରେ ଖୋର୍ଦ୍ଧା ରୋଡ଼ ଓ ଖୋର୍ଦ୍ଧା ଟାଉନ୍ ମଧ୍ୟରେ ଥିବା ତାରାବୋଇ ଠାରେ ଏକ ନୂତନ ପାସେଞ୍ଜର୍ ହଲ୍ଟ ଉଦ୍ଘାଟିତ ହୋଇଛି।ଆମେ ଭାରତୀୟ ରେଳବାଇର ‘ରେଳ ମଦଦ’ ରେ ଏକ ନମ୍ବର ସ୍ଥାନ ବଜାୟ ରଖିଛୁ। ଚଳିତ ଆର୍ଥିକ ବର୍ଷରେ ଭିତ୍ତିଭୂମି ସମ୍ପ୍ରସାରଣ କ୍ଷେତ୍ରରେ ପ୍ରମୁଖ ମାଇଲଖୁଣ୍ଟ ହାସଲ କରାଯାଇଛି। ଅନେକ ଗୁରୁତ୍ୱପୂର୍ଣ୍ଣ ମଲ୍ଟି-ଟ୍ରାକିଂ ପ୍ରକଳ୍ପ କାର୍ଯ୍ୟକାରୀ ହୋଇଛି ଯେଉଁଥିରେ ଅନ୍ତର୍ଭୁକ୍ତ:• କୋରାପୁଟ-ସୁକୁ (11.16 କି.ମି.) ଦାର୍ଲିପୁଟ-ପାଡୁଆ ବିଭାଗ (9.77 କି.ମି.) • ହିନ୍ଦୋଳ ରୋଡ଼ -ମେରାମଣ୍ଡଳୀ ସେକ୍ସନ (26.82 କି.ମି.)• ଯାଜପୁର- କେନ୍ଦୁଝର ରୋଡ଼-ବୈତରଣୀ ରୋଡ ସେକ୍ସନ (11.63 କି.ମି.)• ପାର୍ବତୀପୁରମ-ସୀତାନଗରମ-ବୋବିଲି-ଡୋଙ୍କିନାଭାଲସା ସେକ୍ସନ (36.06 କି.ମି.)ଏଥି ସହିତ, ତିନୋଟି ସେକ୍ସନରେ 24.71 କିଲୋମିଟରରେ ଇଞ୍ଜିନ ରୋଲିଂ କାର୍ଯ୍ୟ ଆରମ୍ଭ ହୋଇଛି। ତାଳଚେର-ତାଳଚେର ରୋଡ଼ (6.5 କିଲୋମିଟର), ମାନାବାର-ଜରତି (9.21 କିଲୋମିଟର) ଏବଂ କାରାକାଭାଲାସା-ସିମିଳିଗୁଡା (9 କିଲୋମିଟର) ଏହି ସଫଳତାଗୁଡ଼ିକ ଆମର ନେଟୱର୍କ ଉନ୍ନତିକରଣ କ୍ଷେତ୍ରରେ ଉଲ୍ଲେଖନୀୟ ଅଗ୍ରଗତିକୁ ଦର୍ଶାଉଛି।ସମ୍ବଲପୁର, ଡୋଙ୍କିନାଭାଲାସା, ବୋବଲି, ସୀତାନଗରମ, ପାର୍ବତୀପୁରମ ଏବଂ ରାଜଆଠଗଡ଼ ଭଳି ଛଅଟି ପ୍ରମୁଖ ସ୍ଥାନରେ ଷ୍ଟେସନ ୟାର୍ଡ କାର୍ଯ୍ୟକ୍ଷମ ହେବା ସହିତ ଆମର କାର୍ଯ୍ୟକ୍ଷମ ଭିତ୍ତିଭୂମିକୁ ଉଲ୍ଲେଖନୀୟ ଭାବେ ସୁଦୃଢ଼ କରାଯାଇଛି, ଯାହା ଉନ୍ନତ ଟ୍ରାଫିକ ପ୍ରବାହ ଏବଂ ଲଜିଷ୍ଟିକ୍ସ କ୍ଷମତାକୁ ସୁଗମ କରିଛି। ବିଦ୍ୟୁତିକରଣ କାର୍ଯ୍ୟକ୍ରମ ଡିସେମ୍ବର 2025 ସୁଦ୍ଧା ପୂର୍ବ ତଟ ରେଳପଥ 160.49 ଟି. କେ. ଏମ. (TKM) ହାସଲ କରିଛି, ଏହା ସହିତ ବୈତରଣୀ ରୋଡ ଏବଂ ମେରାମଣ୍ଡଳୀରେ ଆଧୁନିକ ଷ୍ଟେସନ ଭବନ ଆମର ଯାତ୍ରୀମାନଙ୍କୁ ସେବା ପ୍ରଦାନ କରୁଛି।ପୂର୍ବ ତଟ ରେଳପଥ ପ୍ରମୁଖ ପ୍ରକଳ୍ପଗୁଡ଼ିକରେ ଟନେଲ ନିର୍ମାଣ କାର୍ଯ୍ୟ ଶେଷ କରିବା ସହିତ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହାସଲ କରିଛି। ଏଥିମଧ୍ୟରୁ ଉଲ୍ଲେଖନୀୟ ଟି-4 ସୁଡ଼ଙ୍ଗ (4,183 ମି.)-ପୂର୍ବ ତଟ ରେଳପଥ ଅଧୀନରେ ଥିବା ଦୀର୍ଘତମ ରେଳ ସୁଡ଼ଙ୍ଗ, ଟି-2 ସୁଡ଼ଙ୍ଗ (1,775 ମି.) ଦଶପଲ୍ଲା-ବୁଗୁଡା ବିଭାଗରେ, ଉଭୟ ଖୋର୍ଦ୍ଧା ରୋଡ଼-ବଲାଙ୍ଗିର ନୂତନ ଲାଇନ ପ୍ରକଳ୍ପର ଅଂଶବିଶେଷ ଏବଂ ଟି-35 ସୁଡ଼ଙ୍ଗ (628 ମି.) କୋରାପୁଟ-ସିଙ୍ଗାପୁର ରୋଡ଼ ଦୋହରୀକରଣ ପ୍ରକଳ୍ପର ସିକରପାଇ-କେଉଟଗୁଡା ବିଭାଗରେ ରହିଛି। ଏହି ଗୁରୁତ୍ୱପୂର୍ଣ୍ଣ ସଫଳତା ଦ୍ୱାରା ଗୁରୁତ୍ୱପୂର୍ଣ୍ଣ ସାର୍ବଜନୀନ ରେଳ ଭିତ୍ତିଭୂମିର ନିର୍ମାଣ କାର୍ଯ୍ୟ ତ୍ୱରାନ୍ୱିତ କରିବ।ଗୁରୁତ୍ୱପୂର୍ଣ୍ଣ ନୂତନ ମଞ୍ଜୁର ହୋଇଥିବା ପ୍ରକଳ୍ପଗୁଡ଼ିକ ଯାହା ଆମର ନେଟୱର୍କ ଭିତ୍ତିଭୂମିକୁ ସୁଦୃଢ଼ କରିବ, ସେଗୁଡ଼ିକ ମଧ୍ୟରେ ଝାରସୁଗୁଡା-ସାସନ, ସମ୍ବଲପୁର ସିଟି-ଜରପଡ଼ା ମଧ୍ୟରେ 3ୟ ଏବଂ 4ର୍ଥ ଲାଇନ ଏବଂ ରାଣୀତାଲ ଜଙ୍କସନ କେବିନ୍ ଏବଂ ଭଦ୍ରକ ଷ୍ଟେସନ ମଧ୍ୟରେ 4ର୍ଥ ଲାଇନ ଅନ୍ତର୍ଭୁକ୍ତ। ଟ୍ରାଫିକ ଗତିଶୀଳତା ଏବଂ ନିରାପତ୍ତାକୁ ଉନ୍ନତ କରିବା ପାଇଁ କଟକର ଏକ ରେଳ ଫ୍ଲାଇଓଭରକୁ ମଧ୍ୟ ମଞ୍ଜୁର କରାଯାଇଛି। ଏହି ପରିବର୍ତ୍ତନଶୀଳ ପ୍ରକଳ୍ପଗୁଡ଼ିକର ତ୍ୱରିତ ଏବଂ ପ୍ରଭାବୀ କର୍ଯ୍ୟାନ୍ୱୟନ ପାଇଁ ପୂର୍ବ ତଟ ରେଳପଥ ସମ୍ପୂର୍ଣ୍ଣ ଭାବେ ପ୍ରତିବଦ୍ଧ।ଭିତ୍ତିଭୂମି ଏବଂ ଜନସାଧାରଣଙ୍କ ସୁରକ୍ଷାରେ ଉନ୍ନତି ଆଣିବା ପାଇଁ ପୂର୍ବ ତଟ ରେଳପଥ 170ଟି ରୋଡ଼ ଓଭର ବ୍ରିଜ୍ (ROB) ପ୍ରକଳ୍ପକୁ ସ୍ୱତନ୍ତ୍ର ରେଳ ପ୍ରକଳ୍ପ ଭାବେ ମନୋନୀତ କରିଛି। ସ୍ୱତନ୍ତ୍ର ଆଇନ ଅଧୀନରେ ଜମି ଅଧିଗ୍ରହଣ କାର୍ଯ୍ୟ ଜାରି ରହିଛି। ଏହି ସମୟ ମଧ୍ୟରେ ତାଳଚେର-ବିମଳଗଡ଼ ନୂତନ ଲାଇନ ପ୍ରକଳ୍ପରେ ଦୁଇଟି ରୋଡ଼ ଓଭର ବ୍ରିଜ୍ (ROB) ସମ୍ପୂର୍ଣ୍ଣ ହୋଇଛି।ସୁରକ୍ଷା ଆମର କାର୍ଯ୍ଯର ମୂଳଦୁଆ ହୋଇ ରହିଛି ଏବଂ ଆମେ ଚଳିତ ବର୍ଷ ସୁରକ୍ଷା ଭିତ୍ତିଭୂମିରେ ଯଥେଷ୍ଟ ଅଗ୍ରଗତି ହାସଲ କରିଛୁ।
72.91 ଆରକେଏମ (RKM) ବିଶିଷ୍ଟ ଅଟୋ ସିଗନାଲିଂ କାର୍ଯ୍ୟକ୍ଷମ ହୋଇଥିବାବେଳେ 19 ଟି ଏଲସି ଗେଟ୍ ଇଣ୍ଟରଲକ୍ ହୋଇଛି ଏବଂ 5 ଟି ସୀମିତ ଉଚ୍ଚତା ସବୱେ ବ୍ୟବସ୍ଥା ସହିତ ବନ୍ଦ ହୋଇଛି। ଉନ୍ନତ ସଡ଼କ ବ୍ୟବହାରକାରୀଙ୍କ ସୁରକ୍ଷା ପାଇଁ, 29 ଟି ଏଲସି ଫାଟକରେ ସ୍ଲାଇଡିଂ ବୁମ୍ ସ୍ଥାପନ କରାଯାଇଛି, ଏବଂ ସମସ୍ତ ନନ୍-ଇଣ୍ଟରଲକ୍ ଏଲସି ଫାଟକରେ ଭଏସ୍ ଲଗର୍ ଫୋନ୍ ଯୋଗାଇ ଦିଆଯାଇଛି।9 ଟି ନୂତନ ଇଲେକ୍ଟ୍ରୋନିକ୍ ଇଣ୍ଟରଲକିଙ୍ଗ୍ ସିଷ୍ଟମ୍ ଏବଂ ବର୍ତ୍ତମାନର ଇଆଇ/ପିଆଇ ଷ୍ଟେସନରେ 31 ଟି ପରିବର୍ତ୍ତନ ସହିତ ଆମର ସିଗନାଲିଂ ଭିତ୍ତିଭୂମି ଉଲ୍ଲେଖନୀୟ ଭାବରେ ସୁଦୃଢ଼ କରାଯାଇଛି। ସମଗ୍ର ନେଟୱାର୍କରେ 10ଟି ହଟ୍ ଏକ୍ସଲ ବକ୍ସ ଡିଟେକ୍ଟର ନିୟୋଜିତ କରାଯାଇଛି।ଆମର ଟ୍ରାକ ନବୀକରଣ ସଫଳତା ମଧ୍ୟରେ ରହିଛି 356 ଟି.କେ.ଏମ (TKM) ଥ୍ରୁ ରେଳ ନବୀକରଣ, 446 ଟି.କେ.ଏମ (TKM) ଥ୍ରୁ ସ୍ଲିପର ନବୀକରଣ ଏବଂ 160ଟି ବ୍ରିଜର ପୁନର୍ବାସ।। ରେଳ ଏବଂ ୱେଲ୍ଡ ତ୍ରୁଟି ଚିହ୍ନଟ ଏବଂ ସମାଧାନ ପାଇଁ 21,265 କିଲୋମିଟର ଟ୍ରାକର ଅଲଟ୍ରାସୋନିକ ପରୀକ୍ଷଣ ମାଧ୍ୟମରେ ସୁରକ୍ଷାକୁ ଆହୁରି ସୁଦୃଢ଼ କରାଯାଇଛି।ପ୍ରସ୍ତୁତି ଏବଂ ସତର୍କତାକୁ ଅଧିକ ପ୍ରାଥମିକତା ଦିଆଯାଉଛି। ଭୁବନେଶ୍ୱରରେ ଜୋନାଲ ସିଭିଲ ଡିଫେନ୍ସ ଅଭ୍ୟାସ ସହିତ ତିନୋଟି ଯାକ ଡିଭିଜନରେ ମିଳିତ ବିପର୍ଯ୍ୟୟ ପରିଚାଳନା ଅଭ୍ୟାସ କରାଯାଇଥିଲା। କର୍ମଚାରୀଙ୍କ ସତର୍କତା ଏବଂ ସୁରକ୍ଷା ନିୟମାବଳୀର ପାଳନକୁ ଯାଞ୍ଚ କରିବା ପାଇଁ କରାଯାଇଥିବା 1,004 ଆକସ୍ମିକ ଯାଞ୍ଚ ଏବଂ 14,436 ସୁରକ୍ଷା ଯାଞ୍ଚରେ ସୁରକ୍ଷା ଅନୁପାଳନ ପ୍ରତି ଆମର ପ୍ରତିବଦ୍ଧତା ପ୍ରତିଫଳିତ ହୋଇଛି।ରେଳ ଏବଂ ସଡ଼କ ବ୍ୟବହାରକାରୀଙ୍କ ସୁରକ୍ଷାରେ ଉନ୍ନତି ଆଣିବା ଉଦ୍ଦେଶ୍ଯରେ ପୂର୍ବ ତଟ ରେଳପଥ 4ଟି ନନ୍-ଇଣ୍ଟରଲକ୍ ଲେବୁଲ୍ କ୍ରସିଂରେ ଅଭିନବ ଅଟୋ ପି. ଏନ୍. (PN) ଜେନେରେସନ୍ ସିଷ୍ଟମ ଲାଗୁ କରିଛି। ଅଧିକନ୍ତୁ ସମ୍ବଲପୁର ଡିଭିଜରେ ଏକ ସିଷ୍ଟମ ନିୟୋଜିତ କରିଛି ଯାହା ଫିଲ୍ଡ କର୍ମଚାରୀଙ୍କୁ ଆସୁଥିବା ଟ୍ରେନ୍ ବିଷୟରେ ସୂଚନା ଦେଇଥାଏ।ଟ୍ରେନର ଗତିଶୀଳତା ଏବଂ ଭିତ୍ତିଭୂମିର ଗୁଣବତ୍ତାରେ ସୁଧାର ଆଣିବା ଦିଗରେ ଉଲ୍ଲେଖନୀୟ ପଦକ୍ଷେପ ନିଆଯାଇଛି। ଚଳିତ ଆର୍ଥିକ ବର୍ଷରେ ଆମେ 310.24 କିଲୋମିଟର ଲମ୍ବର 13ଟି ସେକ୍ସନରେ 15ଟି ସ୍ଥାୟୀ ଗତି ପ୍ରତିବନ୍ଧକକୁ କୋହଳ କରିଛୁ ଏବଂ ସେକ୍ସନ ଗତିକୁ ବୃଦ୍ଧି କରିଛୁ।ପୂର୍ବ ତଟ ରେଳପଥ ସ୍ଥାୟୀ ପରିଚାଳନାରେ ଉଲ୍ଲେଖନୀୟ ଅଗ୍ରଗତି କରିଛି। ଆମ ନେଟୱାର୍କରେ ମୋଟ 11.41 ମେଗାୱାଟ କ୍ଷମତା ବିଶିଷ୍ଟ ସୌର ଶକ୍ତି ସ୍ଥାପନ କରାଯାଇଛି, ଯାହାଦ୍ୱାରା 5.87 କୋଟି ଟଙ୍କା ସଞ୍ଚୟ ହୋଇଛି। 97 ରେକରେ ହେଡ୍-ଅନ୍ ଜେନେରେସନ୍ ଟେକ୍ନୋଲୋଜିର ପ୍ରୟୋଗ ଫଳରେ ଚଳିତ ଆର୍ଥିକ ବର୍ଷରେ ଡିଜେଲ ବ୍ୟବହାରକୁ ହ୍ରାସ କରି 219.25 କୋଟି ଟଙ୍କାର ଉଲ୍ଲେଖନୀୟ ସଞ୍ଚୟ ହୋଇଛି।ପୁନଃଚକ୍ରିତ ଜଳର ଉପଯୋଗ ଦ୍ୱାରା 2.33 ଲକ୍ଷ କିଲୋ ଲିଟର ମଧୁର ଜଳର ସଞ୍ଚୟ ସହିତ ଆମର ପରିବେଶ ପରିଚାଳନା ଜଳ ସଂରକ୍ଷଣ ଦିଗରେ ସମ୍ପ୍ରସାରିତ ହୋଇଛି। 18 ଟି ନୂତନ ବର୍ଷା ଜଳ ସଂରକ୍ଷଣ ଗର୍ତ୍ତ ସହିତ ଭୂତଳ ଜଳର ପୁନଃଭରଣ କ୍ଷମତାକୁ ବୃଦ୍ଧି କରାଯାଇଛି, ଯେତେବେଳେ କି ଆମର ରେଳ ପରିସରରେ 3.28 ଲକ୍ଷରୁ ଅଧିକ ଚାରା ରୋପଣ କରାଯାଇଛି, ଯାହା ଆମର ସବୁଜ ପଦକ୍ଷେପକୁ ସୁଦୃଢ଼ କରିଛି।ଯାତ୍ରୀମାନଙ୍କୁ ସେବା ପ୍ରଦାନ କରିବା ସମୟରେ ଆଇନ ଶୃଙ୍ଖଳା ବଜାୟ ରଖିବାରେ ସୁରକ୍ଷା ବିଭାଗ ଉଲ୍ଲେଖନୀୟ ସଫଳତା ହାସଲ କରିଛି। ରେଳପଥ ସମ୍ପତ୍ତି (ବେଆଇନ ଦଖଲ) ଅଧିନିୟମ ଅନୁଯାୟୀ ପ୍ରବର୍ତ୍ତନ କାର୍ଯ୍ୟାନୁଷ୍ଠାନ ଫଳରେ 116 ଟି ମାମଲା ଚିହ୍ନଟ, 12.53 ଲକ୍ଷ ଟଙ୍କା ମୂଲ୍ୟର ଚୋରି ସାମଗ୍ରୀ ଉଦ୍ଧାର ଏବଂ 275 ଗିରଫ କରାଯାଇଛି। ବିନା ଟିକେଟରେ ଯାତ୍ରା ଏବଂ ସମ୍ପୃକ୍ତ ଅପରାଧ ଯୋଗୁଁ 49,645 ଜଣ ସନ୍ଦିଗ୍ଧ ହୋଇଥିବା ବେଳେ 99.83 ଲକ୍ଷ ଟଙ୍କା ଜରିମାନା ଆଦାୟ କରାଯାଇଛି।ଆଣ୍ଟି-ଟାଉଟ୍ ଅପରେସନରେ 15.88 ଲକ୍ଷ ଟଙ୍କା ମୂଲ୍ୟର ବେଆଇନ ବୁକ୍ ହୋଇଥିବା ଟିକେଟ୍ ଜବତ ସହିତ 66 ଜଣଙ୍କୁ ଗିରଫ କରାଯାଇଛି । ଏନଡିପିଏସ (NDPS) ଅଧିନିୟମ ଅନୁଯାୟୀ ନାର୍କୋଟିକ୍ସ ପ୍ରବର୍ତ୍ତନ 213 ଟି ମାମଲା ରୁଜୁ କରାଯାଇ, 5.58 କୋଟି ଟଙ୍କା ମୂଲ୍ୟର ଗଞ୍ଜେଇ ଜବତ କରାଯାଇଛି ଏବଂ 319 ଅପରାଧିଙ୍କୁ ଗିରଫ କରାଯାଇଛି।ପ୍ରବର୍ତ୍ତନ ବ୍ୟତୀତ, ଆମର ସୁରକ୍ଷାକର୍ମୀମାନେ ଯାତ୍ରୀ କଲ୍ୟାଣ କ୍ଷେତ୍ରରେ ଉତ୍କର୍ଷ ହାସଲ କରିଛନ୍ତି। ସେମାନେ 889 ଜଣ ନାବାଳକ ଏବଂ 205 ଜଣ ବରିଷ୍ଠ ନାଗରିକଙ୍କୁ ଉଦ୍ଧାର କରି, ସେମାନଙ୍କୁ ସେମାନଙ୍କ ପରିବାର ସହିତ ପୁନଃମିଳନ କରିଛନ୍ତି ଏବଂ ଯାତ୍ରୀମାନଙ୍କ 2,138 ଟି ଛାଡିଯାଇଥିବା ଲଗେଜ୍ ଉଦ୍ଧାର କରାଯାଇଛି। ମେରି ସହେଲି ଟିମ୍ 2,04,082 ଜଣ ମହିଳା ଯାତ୍ରୀଙ୍କୁ ସୁରକ୍ଷା ଏବଂ ସହଯୋଗ କରିଛନ୍ତି। ସବୁଠାରୁ ଉଲ୍ଲେଖନୀୟ କଥା ହେଉଛି, ଅପରେସନ ଜୀବନ ରକ୍ଷା ଅଧୀନରେ, ଆମର କର୍ମଚାରୀମାନେ 52 ଜଣ ମୂଲ୍ୟବାନ ଜୀବନ ବଞ୍ଚାଇଥିଲେ-ଯେଉଁ ପ୍ରୟାସକୁ ଜନସାଧାରଣ ଏବଂ ଗଣମାଧ୍ୟମ ବ୍ୟାପକ ପ୍ରଶଂସା କରିଥିଲେ।ମୁଁ ଏହା ଜଣାଇ ଖୁସି ଯେ ପୂର୍ବ ତଟ ରେଳର ସାମଗ୍ରୀ ପରିଚାଳନା କେବଳ 3 ଦିନର ହାରାହାରି ପ୍ରକ୍ରିୟାକରଣ ସମୟ ସହିତ କ୍ରୟ ଅର୍ଡରଗୁଡିକର ଦ୍ରୁତତମ ରିଲିଜ୍ ପାଇଁ ଭାରତୀୟ ରେଳପଥରେ ପ୍ରଥମ ସ୍ଥାନ ହାସଲ କରିଛି। ଚଳିତ ଆର୍ଥିକ ବର୍ଷରେ ଆମେ 183.46 କୋଟି ଟଙ୍କା ମୂଲ୍ୟର ସ୍କ୍ରାପ୍ ବିକ୍ରୟ ହାସଲ କରିଛୁ। ଆମର ଗୁଣବତ୍ତା ମାନକକୁ ଆହୁରି ମଜବୁତ କରି, ଆମର ଷ୍ଟୋର୍ସ୍ ବିଭାଗ ଏହାର ଗୁଣବତ୍ତା ପରିଚାଳନା ସିଷ୍ଟମ୍ ପାଇଁ ISO 9001:2015 ଅନୁଯାୟୀ ସାର୍ଟିଫିକେଟ୍ ପାଇଛି।ପୂର୍ବ ତଟ ରେଳପଥ ସ୍ୱାସ୍ଥ୍ୟସେବା ଭିତ୍ତିଭୂମିରେ ଯଥେଷ୍ଟ ଉନ୍ନତି ଘଟିଛି। ଆମର ସମସ୍ତ ଡାକ୍ତରଖାନା ଏବଂ ସ୍ୱାସ୍ଥ୍ୟ ୟୁନିଟରେ ଆଧୁନିକ ଚିକିତ୍ସା ଉପକରଣ ନିୟୋଜିତ କରାଯାଇଛି ଏବଂ କର୍ମଚାରୀଙ୍କ ବ୍ଯବଧାନକୁ ସମାଧାନ କରାଯାଇଛି। 48 ଟି ପାନେଲଭୁକ୍ତ ଘରୋଇ ଡାକ୍ତରଖାନା ଏବଂ 6 ଟି ଡାଇଗ୍ନୋଷ୍ଟିକ୍ କେନ୍ଦ୍ରର ଏକ ନେଟୱାର୍କ ଉନ୍ନତ ଟର୍ସିଆରୀ ଯତ୍ନର ପ୍ରବେଶ ସୁନିଶ୍ଚିତ କରିଛି । ଡିସେମ୍ବର 2025 ପର୍ଯ୍ୟନ୍ତ ଆମର ଡାକ୍ତରୀ ସଫଳତାରେ 71 ଟି ସ୍ୱତନ୍ତ୍ର ପ୍ରକ୍ରିୟା ଯେପରିକି ହିପ୍ ଏବଂ ଆଣ୍ଠୁ ପ୍ରତିରୋପଣ, 805 ଟି ପ୍ରମୁଖ ଅସ୍ତ୍ରୋପଚାର ଏବଂ 469ଟି ମୋତିଆବିନ୍ଦୁ ଅସ୍ତ୍ରୋପଚାର ଅନ୍ତର୍ଭୁକ୍ତ।
ଆମର ରେଳ ପରିବାରକୁ ସେବା କରିବା ବ୍ୟତୀତ, ଆମେ ଟ୍ରେନ୍ ଏବଂ ଷ୍ଟେସନରେ 4,496 ଅସୁସ୍ଥ ଯାତ୍ରୀଙ୍କୁ ଚିକିତ୍ସା ସହାୟତା ପ୍ରଦାନ କରିଛୁ।ପୂର୍ବ ତଟ ରେଳପଥ, ଏହାର କର୍ମଚାରୀ ଏବଂ ସେମାନଙ୍କ ପରିବାରର କଲ୍ୟାଣ ପାଇଁ ପ୍ରତିଶ୍ରୁତିବଦ୍ଧ। ଆମର ଶ୍ରମଶକ୍ତିକୁ ବ୍ୟାପକ ଲାଭ ଏବଂ ବୀମା ପ୍ୟାକେଜ ପ୍ରଦାନ କରିବା ପାଇଁ ଆମେ ଜାତୀୟକରଣ ହୋଇଥିବା ବ୍ୟାଙ୍କଗୁଡ଼ିକ ସହିତ ବୁଝାମଣାପତ୍ର ସ୍ୱାକ୍ଷର କରିଛୁ। ଏହି ସମୟ ମଧ୍ୟରେ, 16,931 ନନ୍-ଗେଜେଟେଡ୍ କର୍ମଚାରୀ ସଦସ୍ୟ ସେମାନଙ୍କ ବୃତ୍ତିଗତ ଦକ୍ଷତା ବୃଦ୍ଧି ପାଇଁ ବିଭିନ୍ନ ବର୍ଗରେ ତାଲିମ ଗ୍ରହଣ କରିଛନ୍ତି।ଏକ ନିରାପଦ ଏବଂ ସମ୍ମାନଜନକ କାର୍ଯ୍ୟସ୍ଥଳୀ ସୃଷ୍ଟି କରିବା ପାଇଁ, ଯୌନ ଉତ୍ପୀଡ଼ନ ନିବାରଣ ଆଇନ, 2013 ଅନୁଯାୟୀ କର୍ମଚାରୀମାନଙ୍କୁ ସେମାନଙ୍କ ଅଧିକାର ଏବଂ ଦାୟିତ୍ୱ ବିଷୟରେ ଶିକ୍ଷିତ କରିବା ପାଇଁ ମୁଖ୍ୟାଳୟ ଏବଂ ଡିଭିଜନାଲ ସ୍ତରରେ ସଚେତନତା ଅଭିଯାନ ଏବଂ ସମ୍ବେଦନଶୀଳ କର୍ମଶାଳା ଆୟୋଜନ କରାଯାଇଛି।ପୂର୍ବ ତଟ ରେଳପଥ ଚଳିତ ବର୍ଷ କ୍ରୀଡ଼ାରେ ଏକ ଉଲ୍ଲେଖନୀୟ ଟ୍ରାକ୍ ରେକର୍ଡ ହାସଲ କରିଛି। ମୁଁ ଖୁସି ଯେ ଆମର ଅନେକ ଆଥଲେଟ୍ ଉଭୟ ଅନ୍ତର୍ଜାତୀୟ ଏବଂ ଜାତୀୟ ସ୍ତରରେ ଉତ୍କର୍ଷ ହାସଲ କରିଛନ୍ତି। ସେମାନଙ୍କ ମଧ୍ୟରେ ଉଲ୍ଲେଖନୀୟ ହେଉଛନ୍ତି ଶ୍ରୀ ଅମିତ ରୋହିଦାସ, ଯିଏ ବିହାରରେ ଆୟୋଜିତ ଏସିଆ କପରେ ଭାରତର ପ୍ରତିନିଧିତ୍ୱ କରିଥିଲେ ଏବଂ ସ୍ୱର୍ଣ୍ଣ ପଦକ ଜିତିଥିଲେ। ଆମର ବକ୍ସର୍ ମିସ୍ ସବିତା ବିଏଫଆଇ (BFI) କପ୍-2025 ରେ ସ୍ୱର୍ଣ୍ଣ ପଦକ ଏବଂ ଅଖିଳ ଭାରତୀୟ ରେଳ ବକ୍ସିଂ ଚାମ୍ପିଅନସିପରେ ରୌପ୍ୟ ପଦକ ହାସଲ କରିଛନ୍ତି। ଭାରୋତ୍ତଳନକାରୀ ଏସ୍. କେ. ଲାଲ ବଶୀର ସର୍ବଭାରତୀୟ ରେଲୱେ ଭାରୋତ୍ତଳନ ଚାମ୍ପିଅନସିପରେ ବ୍ରୋଞ୍ଜ ପଦକ ଜିତିଛନ୍ତି। ଉଲ୍ଲେଖନୀୟ ସଫଳତା ପାଇଁ ମୁଁ ଆମର ସମସ୍ତ କ୍ରୀଡ଼ାବିତଙ୍କୁ ହୃଦୟରୁ ଅଭିନନ୍ଦନ ଜଣାଉଛି।କାର୍ଯ୍ୟସ୍ଥଳର ସମସ୍ୟାକୁ ସୌହାର୍ଦ୍ୟପୂର୍ଣ୍ଣ ଭାବେ ସମାଧାନ କରିବାରେ ଆମର ଶ୍ରମିକ ସଂଗଠନଗୁଡ଼ିକର ସକାରାତ୍ମକ ଏବଂ ଗଠନମୂଳକ ଯୋଗଦାନ ପାଇଁ ମୁଁ ହୃଦୟରୁ କୃତଜ୍ଞତା ଜଣାଉଛି। ପୂର୍ବ ତଟ ରେଳପଥ ମହିଳା କଲ୍ୟାଣ ସଂଗଠନ (ECoRWWO) ଦ୍ୱାରା ନିଆଯାଇଥିବା କଲ୍ୟାଣକାରୀ ଏବଂ ସାମାଜିକ ପଦକ୍ଷେପ ଆମର ରେଳ ପରିବାର ଉପରେ ସେମାନଙ୍କର ପ୍ରଶଂସନୀୟ ପ୍ରଭାବ ପାଇଁ ସ୍ୱତନ୍ତ୍ର ପ୍ରଶଂସାର ଯୋଗ୍ୟ।ଆସନ୍ତୁ ଆମେ ନୂତନ ପ୍ରତିବଦ୍ଧତା ଏବଂ ଦୃଢ଼ ବିଶ୍ୱାସ ସହିତ ଆଗକୁ ବଢ଼ିବା। ଆନ୍ତରିକତା, ନିଷ୍ଠା ଏବଂ ସମର୍ପଣ ଦ୍ୱାରା ପରିଚାଳିତ ହେବା। ଆମର ଲକ୍ଷ୍ୟ କେବଳ ଲକ୍ଷ୍ୟ ହାସଲ କରିବା ନୁହେଁ ବରଂ ଏହାକୁ ଅତିକ୍ରମ କରିବା। ଆମ କାର୍ଯ୍ୟରେ ସଂସ୍କାର ଏବଂ ନବସୃଜନ ଏହାକୁ ସକ୍ଷମ କରିବ। ମୋର ବିଶ୍ୱାସ ଯେ ଆପଣଙ୍କର ଅତୁଟ ସମର୍ଥନ ଏବଂ ସାମୂହିକ ସଂକଳ୍ପ ଦ୍ୱାରା ପୂର୍ବ ତଟ ରେଳପଥ ଉତ୍କର୍ଷତାର ନୂତନ ଦିଗକୁ ଖୋଜି ବାହାର କରିବ ଏବଂ ସଫଳତା ଆଣିବ।ପୁଣିଥରେ, ମୁଁ ଆପଣଙ୍କୁ ଏବଂ ଆପଣଙ୍କ ପ୍ରିୟଜନଙ୍କୁ ଶୁଭେଚ୍ଛା ଜଣାଉଛି। ଏହି ଗଣତନ୍ତ୍ର ଦିବସ ସମସ୍ତଙ୍କ ପାଇଁ ଆନନ୍ଦ, ସମୃଦ୍ଧି ଏବଂ ନିରନ୍ତର ସଫଳତା ଆଣିଦେଉ।