ପୁଣି ପୁରୀ ଜିଲ୍ଲାରେ ଦୋଷସିଦ୍ଧି – ନାବାଳିକା ଦୁଷ୍କର୍ମ ମାମଲାରେ ଅଭିଯୁକ୍ତଙ୍କୁ ୨୦ ବର୍ଷ କଠୋର କାରାଦଣ୍ଡ
ପୁରୀ, ତା. ୨୧.୧୧.୨୦୨୬:ପୁରୀ ଜିଲ୍ଲାରେ ଅପରାଧୀଙ୍କୁ ଦଣ୍ଡିତ କରିବା ତଥା ତ୍ୱରିତ ନ୍ୟାୟ ପ୍ରଦାନ ଦିଗରେ ପୁଲିସ ଓ ଅଭିଯୋଜନ ବିଭାଗର ସମନ୍ୱିତ ପ୍ରୟାସ ଫଳରେ ପୁଣି ଏକ ସଫଳତା ମିଳିଛି।ନିମାପଡ଼ା ଥାନା ମାମଲା ନଂ ୧୩୧/୨୦୧୮ ଏବଂ ଟି.ଆର୍. ନଂ ୭୪/୨୦୧୮ର ବିଚାର କରି ମାନ୍ୟବର ଅତିରିକ୍ତ ଜିଲ୍ଲା ଓ ଦୌରାଜଜ୍ ତଥା ସ୍ୱତନ୍ତ୍ର ପୋକ୍ସୋ ଅଦାଲତ, ପୁରୀର ବିଚାରପତି ଶ୍ରୀ ହୃଷୀକେଶ ସାହୁ ଅଭିଯୁକ୍ତ ଏସ୍.କେ. ଜାନୁଙ୍କୁ ଦୋଷୀ ସାବ୍ୟସ୍ତ କରି ତାଙ୍କୁ ବିଭିନ୍ନ ଦଫାରେ ଦଣ୍ଡାଦେଶ ପ୍ରଦାନ କରିଛନ୍ତି।ମାନ୍ୟବର ଅଦାଲତ ଭାରତୀୟ ପିଙ୍ଗଳ କୋଡ୍ର ଧାରା ୪୫୦ ଅନୁଯାୟୀ ୭ ବର୍ଷ କଠୋର କାରାଦଣ୍ଡ ଓ ୧,୦୦୦ ଟଙ୍କା ଜରିମାନା, ଧାରା ୩୫୪ ଅନୁଯାୟୀ ୧ ବର୍ଷ କଠୋର କାରାଦଣ୍ଡ ଓ ୫୦୦ ଟଙ୍କା ଜରିମାନା ଏବଂ ଧାରା ୩୭୬(୩) ଅନୁଯାୟୀ ୨୦ ବର୍ଷ କଠୋର କାରାଦଣ୍ଡ ଓ ୧୦,୦୦୦ ଟଙ୍କା ଜରିମାନାରେ ଦଣ୍ଡିତ କରିଛନ୍ତି। ଜରିମାନା ଅନାଦାୟ କ୍ଷେତ୍ରରେ ଅତିରିକ୍ତ କାରାଦଣ୍ଡର ଆଦେଶ ମଧ୍ୟ ଦିଆଯାଇଛି।ପୋକ୍ସୋ ଆଇନର ଧାରା ୬ ଏବଂ ଆଇପିସିର ଧାରା ୩୭୬(୨)(n) ଅନୁଯାୟୀ ପୋକ୍ସୋ ଆଇନର ଧାରା ୪୨ ଅନୁସାରେ ପୃଥକ୍ ଦଣ୍ଡାଦେଶ ପ୍ରଦାନ କରାଯାଇନାହିଁ। ସମସ୍ତ ମୁଖ୍ୟ କାରାଦଣ୍ଡ ଏକକାଳୀନ ଚାଲିବ। ଏଥିସହିତ ପୀଡ଼ିତାଙ୍କୁ ୭ ଲକ୍ଷ ଟଙ୍କା କ୍ଷତିପୂରଣ ପ୍ରଦାନ ନିମନ୍ତେ ଜିଲ୍ଲା ଆଇନ ସେବା ପ୍ରାଧିକରଣ, ପୁରୀଙ୍କୁ ସୁପାରିଶ କରାଯାଇଛି।ଏହି ମାମଲାରେ ମୋଟ ୧୮ ଜଣ ସାକ୍ଷୀଙ୍କ ସାକ୍ଷ୍ୟ ଗ୍ରହଣ କରାଯାଇଥିଲା। ସ୍ୱତନ୍ତ୍ର ସରକାରୀ ଓକିଲ ଶ୍ରୀ ଦିଗଦର୍ଶନ ପଟ୍ଟନାୟକ ମାମଲା ପରିଚାଳନା କରିଥିବା ବେଳେ ତଦନ୍ତକାରୀ ଅଧିକାରୀ ଶ୍ରୀ ନିରଞ୍ଜନ ପାଢ଼ୀ ତଦନ୍ତ କରିଥିଲେ।ପୁରୀ ପୁଲିସ ଅପରାଧ ନିୟନ୍ତ୍ରଣ ସହ ମାମଲାଗୁଡ଼ିକର ତ୍ୱରିତ ତଦନ୍ତ, ସଠିକ୍ ଅଭିଯୋଜନ ଏବଂ ଦୋଷୀଙ୍କୁ ଦଣ୍ଡିତ କରିବା ଦିଗରେ ଏହିପରି ସମନ୍ୱିତ ପ୍ରୟାସ ଜାରି ରଖିବ।
