ଯୁବକଙ୍କ ମୃତ୍ୟୁ ଘଟଣା
ତାରିଖ ୨୮.୦୮.୨୦୨୬ ରିଖ ସକାଳ ପ୍ରାୟ ୧୦ଟା ସମୟରେ ଡେଲାଙ୍ଗ ଥାନା ଅଧୀନସ୍ଥ ଜେନାପୁର ଗ୍ରାମର ବାସିନ୍ଦା ପୂର୍ଣ୍ଣଚନ୍ଦ୍ର ସ୍ୱାଇଁ (୪୪), ପିତା-ସ୍ୱର୍ଗତ ନଟବର ସ୍ୱାଇଁ, ଡେଲାଙ୍ଗ ଥାନାରେ ଏକ ଲିଖିତ ରିପୋର୍ଟ ଦାଖଲ କରିଥିଲେ।ରିପୋର୍ଟ ଅନୁଯାୟୀ, ଅଭିଯୋଗକାରୀଙ୍କ ପୁଅ ପ୍ରକାଶ ଚନ୍ଦ୍ର ସ୍ୱାଇଁ, ଯିଏ ଭୁବନେଶ୍ୱରରେ କାର୍ଯ୍ୟରତ ଥିଲେ, ତାରିଖ ୨୭.୦୮.୨୦୨୬ ରିଖ ସନ୍ଧ୍ୟା ପ୍ରାୟ ୭ଟା ସମୟରେ ନିଜ ଘରକୁ ଫେରିଥିଲେ। ପରେ ସେ ପରିବାର ସଦସ୍ୟମାନଙ୍କ ସହ ରାତ୍ରି ଭୋଜନ କରିଥିଲେ। ରାତି ପ୍ରାୟ ୧୦ଟା ସମୟରେ, ସେ ଘରର ବାହାର ବାରଣ୍ଡାରେ ଶୋଇଥିଲେ।ତାରିଖ ୨୮.୦୮.୨୦୨୬ ରିଖ ସକାଳ ପ୍ରାୟ ୬ଟା ସମୟରେ ପରିବାର ସଦସ୍ୟମାନେ ପ୍ରକାଶଙ୍କୁ ଡାକିଥିଲେ। କିନ୍ତୁ ସେ କୌଣସି ପ୍ରତିକ୍ରିୟା ନଦେବାରୁ ପରିବାର ଲୋକେ ତାଙ୍କୁ ତୁରନ୍ତ ଡେଲାଙ୍ଗ CHC କୁ ନେଇଯାଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ମୃତକଙ୍କ ପତ୍ନୀ ବର୍ତ୍ତମାନ ନିଜ ବାପା ଘରେ ରହୁଥିବା ଜଣାପଡ଼ିଛି। ସେ ତାଙ୍କ ଶ୍ୱଶୁର ଘରର ପରିବାର ସଦସ୍ୟମାନେ ପ୍ରକାଶଙ୍କ ମୃତ୍ୟୁ ପାଇଁ ଦାୟୀ ବୋଲି ଅଭିଯୋଗ କରିଛନ୍ତି। ଅନ୍ୟପକ୍ଷରେ, ପ୍ରାଥମିକ ସୂଚନା ଅନୁଯାୟୀ ହୃଦ୍ଘାତ ଯୋଗୁଁ ମୃତ୍ୟୁ ହୋଇଥିବା କୁହାଯାଇଥିଲେ ମଧ୍ୟ, ମୃତ୍ୟୁର ପ୍ରକୃତ କାରଣ ସମ୍ପର୍କରେ ଅନ୍ତିମ ନିଷ୍କର୍ଷ ପୋଷ୍ଟମର୍ଟମ୍ ରିପୋର୍ଟ ଏବଂ ତଦନ୍ତର ଫଳାଫଳ ଆଧାରରେ ନିଆଯିବ।ଘଟଣା ସମ୍ପର୍କରେ ଡେଲାଙ୍ଗ ଥାନାରେ UD Case No. 14/26 ରୁଜୁ କରାଯାଇଛି। ଘଟଣାର ତଦନ୍ତ ଆରମ୍ଭ କରାଯାଇ ସମସ୍ତ ସମ୍ଭାବ୍ୟ ଦିଗକୁ ନେଇ ତଦନ୍ତ କରାଯାଉଛି।ତଦନ୍ତର ଅଂଶ ଭାବେ ଘଟଣାସ୍ଥଳରେ DFSL, Puri ର ବୈଜ୍ଞାନିକ ଦଳ ପହଞ୍ଚି ଘଟଣାସ୍ଥଳର ଯାଞ୍ଚ କରିବା ସହ ଆବଶ୍ୟକ ବୈଜ୍ଞାନିକ ଓ ପଦାର୍ଥଗତ ପ୍ରମାଣ ସଂଗ୍ରହ କରିଛନ୍ତି। ମୃତଦେହର ଆବଶ୍ୟକ ଆଇନଗତ ପ୍ରକ୍ରିୟା ଏବଂ ପୋଷ୍ଟମର୍ଟମ୍ କରାଯାଉଛି।ପୋଲିସ ପକ୍ଷରୁ ମୃତ୍ୟୁର ପ୍ରକୃତ କାରଣ ଏବଂ ଅଭିଯୋଗର ସତ୍ୟତା ଯାଞ୍ଚ ପାଇଁ ନିରପେକ୍ଷ ଓ ନିୟମାନୁସାରେ ତଦନ୍ତ ଜାରି ରହିଛି। ତଦନ୍ତରୁ ମିଳୁଥିବା ତଥ୍ୟ ଓ ପ୍ରମାଣ ଆଧାରରେ ପରବର୍ତ୍ତୀ ଆଇନଗତ ପଦକ୍ଷେପ ଗ୍ରହଣ କରାଯିବ।