ଜେ କେ କାଗଜ କଳ ପକ୍ଷରୁ ସ୍ୱାସ୍ଥ୍ୟ ଶିବିର ଅନୁଷ୍ଠିତ
ରାୟଗଡା ୨୫-୫-୨୬ଜେ କେ ପେପର୍ ମିଲ୍ସ ଜେକେପୁର ସି ଏସ୍ ଆର ବିଭାଗ ପକ୍ଷରୁ ମେଡିକଭର ହସ୍ପିଟାଲ,ବିଜୟନଗରମର ସହଯୋଗରେ ଏକ ବହୁ-ବିଶେଷଜ୍ଞ ସ୍ୱାସ୍ଥ୍ୟ ଶିବିର ଆୟୋଜିତ ହୋଇଥିଲା। ନିକଟସ୍ଥ ଗ୍ରାମଗୁଡ଼ିକର ଲୋକମାନଙ୍କୁ ଉତ୍ତମ ସ୍ୱାସ୍ଥ୍ୟସେବା ପ୍ରଦାନ କରିବା ଏହି ଶିବିରର ମୁଖ୍ୟ ଉଦ୍ଦେଶ୍ୟ ଥିଲା।ଏହି କାର୍ଯ୍ୟକ୍ରମକୁ ଜେକେ ପେପର୍ ମିଲ୍ସର ମହାପ୍ରବନ୍ଧକ (HR & IR) ଶ୍ରୀ ସନ୍ଦୀପ ପାଣ୍ଡେ ଉଦ୍ଘାଟନ କରିଥିଲେ। ଏହି ଅବସରରେ ମୁଖ୍ୟ ଚିକିତ୍ସା ଅଧିକାରୀ ଡା. କେ. ଭି. ଆର. ରାଓ ଓ ଲୋକସମ୍ପର୍କ ଅଧିକାରୀ ସ୍ମୃତି ରେଖା କର ଉପସ୍ଥିତ ଥିଲେ।ଶିବିରରେ, ବିଜୟନଗରମର ଅଭିଜ୍ଞ ବିଶେଷଜ୍ଞ ଡାକ୍ତରମାନେ ସେବା ପ୍ରଦାନ କରିଥିଲେ। ଚିକିତ୍ସକ ଦଳରେ ଅସ୍ଥିରୋଗ ବିଶେଷଜ୍ଞ ଡା. ଜିନାଗମ୍ ଏମ୍. ପ୍ରବୀଣ କୁମାର, ଶିଶୁରୋଗ ବିଶେଷଜ୍ଞ ଡା. ଚପ୍ପା ଭବାନୀ ଶଙ୍କର, ସାଧାରଣ ଚିକିତ୍ସକ ଡା. ରାଜେଶ ପଲ୍ଲାମାରାଜୁ ବୋଲ୍ଲାପ୍ରଗଡା, ହୃଦରୋଗ ବିଶେଷଜ୍ଞ ଡା. ଉମା ଦେବୀ ୟୁ ଓ ସ୍ତ୍ରୀରୋଗ ବିଶେଷଜ୍ଞ ଡା. ପି. ପୂଜିତା ଅନ୍ତର୍ଭୁକ୍ତ ଥିଲେ। ଡାକ୍ତରମାନେ ରୋଗୀମାନଙ୍କୁ ପରୀକ୍ଷା କରି ନିଜ ନିଜ ବିଭାଗରେ ପରାମର୍ଶ ଓ ଚିକିତ୍ସା ସେବା ପ୍ରଦାନ କରିଥିଲେ।ଶିବିର ସମୟରେ ରକ୍ତଚାପ (BP), ଡାୟାବେଟିସ୍ ପରୀକ୍ଷା, ECG ଓ BMI ପରୀକ୍ଷା ମଧ୍ୟ କରାଯାଇଥିଲା। ନିକଟସ୍ଥ ଗ୍ରାମଗୁଡ଼ିକରୁ ବହୁ ସଂଖ୍ୟକ ରୋଗୀ ଏହି ଶିବିରରେ ଯୋଗଦେଇ ନିଶୁଳ୍କ ଚିକିତ୍ସା ସୁବିଧା ଓ ପରାମର୍ଶର ଲାଭ ଉଠାଇଥିଲେ। ଡାକ୍ତରମାନଙ୍କ ପରାମର୍ଶ ଅନୁଯାୟୀ ରୋଗୀମାନଙ୍କୁ ନିଶୁଳ୍କ ଔଷଧ ମଧ୍ୟ ବଣ୍ଟନ କରାଯାଇଥିଲା।ଏହି ସ୍ୱାସ୍ଥ୍ୟ ଶିବିରକୁ ସ୍ଥାନୀୟ ଲୋକମାନେ ଉଚ୍ଚ ପ୍ରଶଂସା କରିଥିଲେ। ଜେ କେ କାଗଜ କଳର ଲୋକ ସମ୍ପର୍କ ଅଧିକାରୀ ସ୍ମୃତିରେଖା କର ଓ ଏସ କେ ସାମନ୍ତରାୟ, ହରିହର ଖମାରି, ଭାସ୍କର ନାଇଡ଼ୁ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ..।