୨୦୩୦-୩୧ ପର୍ଯ୍ୟନ୍ତ ବଢ଼ିଲା ପିଏମ୍ କିଷାନ୍ ଯୋଜନାର ଅବଧି
୨୦୩୦-୩୧ ପର୍ଯ୍ୟନ୍ତ ବଢ଼ିଲା ପିଏମ୍ କିଷାନ୍ ଯୋଜନାର ଅବଧି l ୨୦୨୬-୨୭ ଆର୍ଥିକ ବର୍ଷ ଠାରୁ ସମ୍ପ୍ରସାରିତ ଅବଧିକୁ କେନ୍ଦ୍ର କ୍ୟାବିନେଟ୍ ମଞ୍ଜୁରି; ୩.୧୫ ଲକ୍ଷ କୋଟି ଟଙ୍କା ବ୍ୟୟବରାଦ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି (ପିଏମ-କିଷାନ) ଯୋଜନାକୁ ୨୦୨୬-୨୭ ରୁ ୨୦୩୦-୩୧ ଆର୍ଥିକ ବର୍ଷ ପର୍ଯ୍ୟନ୍ତ ଜାରି ରଖିବା ପ୍ରସ୍ତାବକୁ ଅନୁମୋଦନ କରିଛି । ଏହି ସମୟ ମଧ୍ୟରେ ପିଏମ-କିଷାନ ଯୋଜନା ପାଇଁ ମୋଟ ୩.୧୫ ଲକ୍ଷ କୋଟି ଟଙ୍କାର ବ୍ୟୟବରାଦକୁ ଅନୁମୋଦନ କରାଯାଇଛି ।କୃଷକମାନଙ୍କ ସମୃଦ୍ଧି ହେଉଛି ଦେଶ ସମୃଦ୍ଧିର ଆଧାର, ଏହି ଆଭିମୁଖ୍ୟ ନେଇ ସରକାର ଉପରୋକ୍ତ ଯୋଜନାକୁ ଅନୁମୋଦନ କରିଛି । ପିଏମ-କିଷାନ ଯୋଜନା ମାଧ୍ୟମରେ ଯୋଗ୍ୟ ଚାଷୀ ପରିବାରଗୁଡ଼ିକୁ ପ୍ରତ୍ୟକ୍ଷ ଲାଭ ହସ୍ତାନ୍ତର ଜରିଆରେ ସମୟୋଚିତ ଏବଂ ସ୍ୱଚ୍ଛ ଆୟ ସହାୟତା ଯୋଗାଇ ଦିଆଯାଉଛି । ଏହା ଚାଷୀମାନଙ୍କୁ କୃଷି ନିବେଶ ବୃଦ୍ଧି କରିବା ଏବଂ ସେମାନଙ୍କ ଜୀବିକାକୁ ସୁଦୃଢ଼ କରିବାରେ ସାହାଯ୍ୟ କରୁଛି ।ପିଏମ୍-କିଷାନ: ସ୍ୱଚ୍ଛ ଏବଂ ପ୍ରଯୁକ୍ତିବିଦ୍ୟା ଆଧାରିତ କୃଷକ କଲ୍ୟାଣର ସଫଳ ମଡେଲପିଏମ-କିଷାନ ଯୋଜନା ଫେବୃଆରୀ ୨୦୧୯ରେ ଆରମ୍ଭ ହୋଇଥିଲା। ଏହି ଯୋଜନା ଅଧୀନରେ, ଜମି ଥିବା ଯୋଗ୍ୟ ଚାଷୀ ପରିବାରଗୁଡ଼ିକ ପ୍ରତିବର୍ଷ ୬୦୦୦ ଟଙ୍କାର ଆର୍ଥିକ ସହାୟତା ପାଉଛନ୍ତି । ଏହି ଅର୍ଥ ତିନୋଟି ସମାନ କିସ୍ତିରେ ସିଧାସଳଖ ସେମାନଙ୍କ ବ୍ୟାଙ୍କ ଆକାଉଣ୍ଟରେ ଜମା ହେଉଛି । ଆଧାର ପ୍ରମାଣୀକରଣ, ଡିଜିଟାଲ୍ ଯାଞ୍ଚ ଏବଂ ଏକ ଦୃଢ଼ ଡିବିଟି ବ୍ୟବସ୍ଥା ମାଧ୍ୟମରେ ଏହି ଯୋଜନା ସ୍ୱଚ୍ଛତା, ଦକ୍ଷତା ଏବଂ ଉତ୍ତରଦାୟିତ୍ୱର ଏକ ପ୍ରଭାବୀ ଉଦାହରଣ ପ୍ରଦର୍ଶନ କରିଛି ।ପିଏମ୍-କିଷାନ ଯୋଜନାର ପ୍ରମୁଖ ଉପଲବ୍ଧିଏହି ଯୋଜନା ଅଧୀନରେ, ୨୩ଟି କିସ୍ତିରେ ଚାଷୀଙ୍କ ବ୍ୟାଙ୍କ ଆକାଉଣ୍ଟକୁ ସିଧାସଳଖ ୪.୪୭ ଲକ୍ଷ କୋଟି ଟଙ୍କା ହସ୍ତାନ୍ତର କରାଯାଇଛି।୨୩ତମ କିସ୍ତି ଅଧୀନରେ, ୯.୪୯ କୋଟିରୁ ଅଧିକ ଚାଷୀ ଉପକୃତ ହୋଇଛନ୍ତି, ଯେଉଁଥିରେ ୧୮,୯୮୪ କୋଟି ଟଙ୍କାରୁ ଅଧିକ ଟଙ୍କା ଜାରି କରାଯାଇଛି।କୋଭିଡ-୧୯ ମହାମାରୀ ସମୟରେ, ଚାଷୀମାନଙ୍କୁ ଆର୍ଥିକ ସହାୟତା ପ୍ରଦାନ କରିବା ପାଇଁ ୧.୭୧ ଲକ୍ଷ କୋଟି ଟଙ୍କାରୁ ଅଧିକ ଟଙ୍କା ବଣ୍ଟନ କରାଯାଇଥିଲା।ମହିଳା ଚାଷୀମାନେ ପିଏମ-କିଷାନ ଯୋଜନାରେ ୧.୦୬ ଲକ୍ଷ କୋଟି ଟଙ୍କାରୁ ଅଧିକ ଟଙ୍କା ପାଇଛନ୍ତି ଏବଂ ପ୍ରତି ଚାରି ଜଣ ହିତାଧିକାରୀଙ୍କ ମଧ୍ୟରୁ ପ୍ରାୟ ଜଣେ ମହିଳା ଚାଷୀ।କୃଷି ନିବେଶ ଏବଂ କୃଷକଙ୍କ ଆୟକୁ ସୁଦୃଢ଼ କରିବାରେ ଏହି ଯୋଜନାର ଗୁରୁତ୍ୱପୂର୍ଣ୍ଣ ଭୂମିକା:ପିଏମ-କିଷାନ ଯୋଜନା ଅଧୀନରେ ପ୍ରଦାନ କରାଯାଇଥିବା ସହାୟତା ଚାଷୀମାନଙ୍କୁ ବିହନ, ସାର, ଜଳସେଚନ, କୃଷି ଯନ୍ତ୍ରପାତି ଏବଂ ଅନ୍ୟାନ୍ୟ କୃଷି ଆବଶ୍ୟକତାରେ ସମୟୋଚିତ ଖର୍ଚ୍ଚ କରିବାରେ ସାହାଯ୍ୟ କରିଛି । ଏହା ଚାଷୀଙ୍କ ଉତ୍ପାଦକତା ବୃଦ୍ଧି କରିଛି, ଅନୌପଚାରିକ ଋଣ ଉପରେ ନିର୍ଭରଶୀଳତା ହ୍ରାସ କରିଛି ଏବଂ ଗ୍ରାମୀଣ ପରିବାରର ଆର୍ଥିକ ସ୍ଥିରତାକୁ ସୁଦୃଢ଼ କରିଛି ।ନିରପେକ୍ଷ ମୂଲ୍ୟାଙ୍କନ ମାଧ୍ୟମରେ ସକାରାତ୍ମକ ପ୍ରଭାବ ପ୍ରମାଣିତ ହୋଇଛିବିଭିନ୍ନ ନିରପେକ୍ଷ ପ୍ରତିଷ୍ଠାନ ଦ୍ୱାରା ପିଏମ-କିଷାନ ଯୋଜନାର ପ୍ରଭାବ ମୂଲ୍ୟାଙ୍କନ କରାଯାଇଛି । ନୀତି ଆୟୋଗର ବିକାଶ ନିରୀକ୍ଷଣ ଏବଂ ମୂଲ୍ୟାଙ୍କନ କାର୍ଯ୍ୟାଳୟ (ଡିଏମଇଓ) ଦ୍ୱାରା କରାଯାଇଥିବା ଏକ ମୂଲ୍ୟାଙ୍କନ ଅନୁଯାୟୀ:୯୨ ପ୍ରତିଶତରୁ ଅଧିକ ହିତାଧିକାରୀ କୃଷି କାର୍ଯ୍ୟକଳାପ ଏବଂ କୃଷି ନିବେଶ ପାଇଁ ସହାୟତା ରାଶି ବ୍ୟବହାର କରିଥିବା ସୂଚନା ଦେଇଛନ୍ତି ।ପ୍ରାୟ ୮୫ ପ୍ରତିଶତ ହିତାଧିକାରୀ କୃଷି ଆୟରେ ଉନ୍ନତି ଏବଂ ଅନୌପଚାରିକ ଋଣ ଉପରେ ନିର୍ଭରଶୀଳତା ହ୍ରାସ କରିଥିବା କହିଛନ୍ତି ।୨୦୨୦-୨୧ ରୁ ୨୦୨୫-୨୬ ମଧ୍ୟରେ ଦେଶର ଖାଦ୍ୟ ଶସ୍ୟ ଉତ୍ପାଦନରେ ଉଲ୍ଲେଖନୀୟ ବୃଦ୍ଧି ଘଟିଛି। ଏହି ସମୟ ମଧ୍ୟରେ, କୃଷି କ୍ଷେତ୍ରରେ ପ୍ରାୟ ୯.୬୫ ପ୍ରତିଶତ, ଉତ୍ପାଦକତା ପ୍ରାୟ ୧୦.୫୩ ପ୍ରତିଶତ ଏବଂ ମୋଟ ଖାଦ୍ୟ ଶସ୍ୟ ଉତ୍ପାଦନ ପ୍ରାୟ ୨୧.୧୮ ପ୍ରତିଶତ ବୃଦ୍ଧି ପାଇଛି । ଏହା ପିଏମ-କିଷାନ ଯୋଜନା ଅଧୀନରେ ଚାଷୀମାନଙ୍କୁ ପ୍ରଦାନ କରାଯାଇଥିବା ବ୍ୟାପକ ସହାୟତା ଓ କୃଷି କ୍ଷେତ୍ରର ବର୍ଦ୍ଧିତ ସମ୍ଭାବନାକୁ ଦର୍ଶାଇଥାଏ ।ଡିଜିଟାଲ ଇଣ୍ଡିଆ ମାଧ୍ୟମରେ ଚାଷୀମାନଙ୍କୁ ପ୍ରତ୍ୟକ୍ଷ ଲାଭପିଏମ-କିଷାନ ଯୋଜନା ଡିଜିଟାଲ ଇଣ୍ଡିଆର ପ୍ରଭାବଶାଳୀ ବ୍ୟବହାରର ଏକ ଉତ୍କୃଷ୍ଟ ଉଦାହରଣ। ଆଧାର-ଆଧାରିତ ପ୍ରମାଣୀକରଣ, ଡିଜିଟାଲ ହିତାଧିକାରୀ ଯାଞ୍ଚ ଏବଂ ଡିବିଟି ସିଷ୍ଟମ ମାଧ୍ୟମରେ ଚାଷୀମାନଙ୍କୁ ସିଧାସଳଖ ଆର୍ଥିକ ସହାୟତା ହସ୍ତାନ୍ତର କରାଯାଉଛି। ଏହି ଯୋଜନା କେବଳ ଆର୍ଥିକ ସହାୟତା ପ୍ରଦାନ କରିବାରେ ସୀମିତ ନୁହେଁ; ଏହା ଚାଷୀଙ୍କ ଆତ୍ମବିଶ୍ୱାସ, ଆତ୍ମନିର୍ଭରଶୀଳତା ଏବଂ କୃଷିରେ ନିବେଶ କରିବାର କ୍ଷମତାକୁ ମଧ୍ୟ ସୁଦୃଢ଼ କରୁଛି ।ଆତ୍ମନିର୍ଭରଶୀଳ ଭାରତ ଏବଂ ସମୃଦ୍ଧ କୃଷକଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ:ପିଏମ-କିଷାନ ଯୋଜନାର ନିରନ୍ତର ବିସ୍ତାର ଚାଷୀମାନଙ୍କର କୃଷିରେ ନିବେଶ କରିବାର କ୍ଷମତା ବୃଦ୍ଧି କରିବ। ଏହା ଉତ୍ପାଦକତାରେ ଉନ୍ନତି ଆଣିବ, କୃଷି ବିପଦ ହ୍ରାସ କରିବାରେ ସାହାଯ୍ୟ କରିବ ଏବଂ ଗ୍ରାମୀଣ ଅର୍ଥବ୍ୟବସ୍ଥାକୁ ସୁଦୃଢ଼ କରିବ।ପିଏମ-କିଷାନ ଯୋଜନା ସରକାରଙ୍କ କୃଷକ-କୈନ୍ଦ୍ରିକ ନୀତିର ଏକ ଗୁରୁତ୍ୱପୂର୍ଣ୍ଣ ସ୍ତମ୍ଭ। ଏହି ଯୋଜନା ଲକ୍ଷ ଲକ୍ଷ ଚାଷୀଙ୍କୁ ସଶକ୍ତ କରିବା ପାଇଁ ଲକ୍ଷ୍ୟ ରଖିଛି ଯାହା ଦ୍ୱାରା ସେମାନେ ଏକ ବିକଶିତ ଭାରତ ନିର୍ମାଣ ଲାଗି ଦେଶର ପ୍ରଗତିରେ ଅଧିକ ଭୂମିକା ଗ୍ରହଣ କରିପାରିବେ ।