ପୁରୀ ଜିଲ୍ଲାରେ ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ (SSR)-୨୦୨୭
ପୁରୀ ଜିଲ୍ଲାରେ ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ (SSR)-୨୦୨୭ ନିମନ୍ତେ ଅତିରିକ୍ତ ଜିଲ୍ଲା ନିର୍ବାଚନ ଅଧିକାରୀଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ।ପୁରୀ: ୧୪ /୧୧- ଆଜି ଅପରାହ୍ନରେ ପୁରୀର ସ୍ୱତନ୍ତ୍ର ପ୍ରଦକ୍ଷଣ ଗୃହ ଠାରେ ଅତିରିକ୍ତ ଜିଲ୍ଲା ନିର୍ବାଚନ ଅଧିକାରୀ (Addl. DEO) ଶ୍ରୀ ଶରତ ଚନ୍ଦ୍ର ବେହେରାଙ୍କ ଅଧ୍ୟକ୍ଷତାରେ ଚାଲିଥିବା ‘ସ୍ୱତନ୍ତ୍ର ସଂକ୍ଷିପ୍ତ ସଂଶୋଧନ (SSR)-୨୦୨୭’ (Special Summary Revision-2027) ସମ୍ପର୍କରେ ଏକ ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ ଜିଲ୍ଲାର ସମସ୍ତ ନିର୍ବାଚନ ପଞ୍ଜୀକରଣ ଅଧିକାରୀ (EROs) ଏବଂ ବିଭିନ୍ନ ସ୍ୱୀକୃତିପ୍ରାପ୍ତ ରାଜନୈତିକ ଦଳଗୁଡ଼ିକର ପ୍ରତିନିଧିମାନେ ସକ୍ରିୟ ଭାବରେ ଅଂଶଗ୍ରହଣ କରିଥିଲେ।ବୈଠକରେ ଆଗାମୀ SSR-୨୦୨୭ ସଂଶୋଧନ କାର୍ଯ୍ୟକ୍ରମର ସମୟସାରଣୀ, ଏହି ଅବଧି ମଧ୍ୟରେ ହେବାକୁ ଥିବା ମୁଖ୍ୟ କାର୍ଯ୍ୟାବଳୀ ଏବଂ ମତଦାନ କେନ୍ଦ୍ରଗୁଡ଼ିକର ଯୁକ୍ତିଯୁକ୍ତ ପୁନର୍ବିନ୍ୟାସ (Rationalization) ଉପରେ ବିସ୍ତୃତ ଆଲୋଚନା କରାଯାଇଥିଲା। ଏଥିସହ, ସଂଶୋଧନ ପ୍ରକ୍ରିୟାକୁ ସୁରୁଖୁରୁରେ, ସ୍ୱଚ୍ଛ ଓ ଫଳପ୍ରଦ ଭାବରେ କାର୍ଯ୍ୟକାରୀ କରିବା ଉପରେ ସର୍ବାଧିକ ଗୁରୁତ୍ୱ ଦିଆଯାଇଥିଲା।ଏହି ସଂଶୋଧନ ପ୍ରକ୍ରିୟା ଅନ୍ତର୍ଗତ ମତଦାନ କେନ୍ଦ୍ରଗୁଡ଼ିକର ପୁନଃ ସଞ୍ଜିକରଣ ତଥା ପୁନର୍ବିନ୍ୟାସ କାର୍ଯ୍ୟ ୨୦.୧୧.୨୦୨୬ ସୁଦ୍ଧା ଶେଷ ହେବାକୁଥିବାବେଳେ ୩୦.୧୧.୨୦୨୬ ତାରିଖରେ ସମନ୍ୱିତ ଚିଠା ଭୋଟର ତାଲିକା ପ୍ରକାଶ ପାଇବ। ଏହାପରେ ୩୦.୧୧.୨୦୨୬ ରୁ ୩୦.୧୨.୨୦୨୬ ପର୍ଯ୍ୟନ୍ତ ଦାବି ଓ ଆପତ୍ତି ଦାଖଲ କରାଯାଇପାରିବ। ଦାଖଲ ହୋଇଥିବା ଦାବି ଓ ଆପତ୍ତିଗୁଡ଼ିକର ସମାଧାନ ୧୬.୦୧.୨୦୨୭ ସୁଦ୍ଧା କରାଯିବ ଏବଂ ଚୂଡ଼ାନ୍ତ ଭୋଟର ତାଲିକା ୨୧.୦୧.୨୦୨୭ ତାରିଖରେ ପ୍ରକାଶ ପାଇବ।ଏହି ସମ୍ପୂର୍ଣ୍ଣ ପ୍ରକ୍ରିୟାଟି ୧ ଜାନୁଆରୀ, ୨୦୨୭ କୁ ଯୋଗ୍ୟତା ତାରିଖ ଭାବରେ ଆଧାର କରି ଯୋଗ୍ୟ ଭୋଟରମାନଙ୍କର ନାମ ପଞ୍ଜୀକରଣ ପାଇଁ ଉଦ୍ଦିଷ୍ଟ।
ଏହାବ୍ୟତୀତ, ଆବେଦନକାରୀମାନେ ୧ ଏପ୍ରିଲ ୨୦୨୭, ୧ ଜୁଲାଇ ୨୦୨୭ ଏବଂ ୧ ଅକ୍ଟୋବର ୨୦୨୭ ପରି ପରବର୍ତ୍ତୀ ଯୋଗ୍ୟତା ତାରିଖଗୁଡ଼ିକ ପାଇଁ ମଧ୍ୟ ଆବେଦନ କରିବାର ସୁଯୋଗ ପାଇବେ। ଜିଲ୍ଲାର ସମସ୍ତ ଯୋଗ୍ୟ ନାଗରିକମାନେ ନିଜର ନାମ ପଞ୍ଜୀକରଣ କରିବାକୁ, ସଂଶୋଧନ କରିବାକୁ ଏବଂ ଭୋଟର ତାଲିକାରେ ନିଜ ନାମ ଯାଞ୍ଚ କରିବାକୁ ଜିଲ୍ଲା ପ୍ରଶାସନ ପକ୍ଷରୁ ଅନୁରୋଧ କରାଯାଇଛି। ଏହି ବୈଠକରେ ଅତିରିକ୍ତ ଜିଲ୍ଲାପାଳ (ପ୍ରୋଟୋକଲ ) ଶ୍ରୀ ନୀଳମାଧଵ ଭୋଇ, ଜିଲ୍ଲା ପରିଷଦ ମୁଖ୍ୟ ଉନ୍ନୟନ ତଥା ନିର୍ବାହୀ ଅଧିକାରୀ ବିଜୟାନନ୍ଦ ସେଠି, ଉପ ଜିଲ୍ଲାପାଳ ଶ୍ରୀ ରାଜକିଶୋର ଜେନା ଓ ଡେପୁଟି କଲେକ୍ଟର ରୁନିତା ପ୍ରଧାନ, ବିଭାଗୀୟ ଅଧିକାରୀମାନେ, ରାଜନୈତିକ ଦଳର ପ୍ରତିନିଧି ଗଣ ଯୋଗଦେଇଥିଲେ l