ଋତୁ ରାଜ ବସନ୍ତ

ଋତୁ ରାଜ ବସନ୍ତ,,,,,,,,,,,,,,,,,,,,,,,,,,,,,,,,,,,,,,,,,,,
​ଛଅ ରତୁ ମଧେ ଶ୍ରେଷ୍ଠ ସେ ବସନ୍ତ
ନାମ ଅଟେ ରତୁ ରାଜ
ଶୀତୁଆ ପବନ ମିଠା ମିଠା ଲାଗେ
ଶରୀର ହୁଏ ସୌନ୍ଦର୍ଯ୍ୟ ………(I)
​ବସନ୍ତ କାଳରେ କୁମ୍ଭାଟୁଆ ବୋଲେ
କୁହୁ କୁହୁ ସ୍ବର ତୋଳି
ଶୀତର ଜଡତା ତୁଟି ଯାଇଅଛି
ହସି ଉଠୁ ଅଛି ପଲ୍ଲୀ ………(II)
​ପୁରୁଣା ପତର ଗହଳ ଭିତରୁ
କୁନି ପତରଟି ହସେ
ବଉଳ ମହକ ବାଉଳା କରୁଛି
ବୁଢା ପତରଟି ଖସେ ………(III)
​ପ୍ରକୃତି ରାଜ୍ୟରେ ରାଜ ସୁଖ ଆସେ
କବି ଭାବୁକର ପସନ୍ଦ
ପୁଷ୍ପ ରତନରେ ଭୂଷିତ ହେବାରୁ
ଧରଣୀରେ ଖେଳେ ଆନନ୍ଦ ………(IV)
​ମଧୁ ବାଉଳାରେ ଭଅଁର ଆନେନ୍ଦେ
ଫୁଲରୁ ଫୁଲକୁ ଉଡନ୍ତି
ମଧୁପାନ କରି ଆନନ୍ଦ ଲଭନ୍ତି
ଗୀତ ଗାଇ ଗାଇ ନାଚନ୍ତି ………(V)
​ବୃକ୍ଷଲତା ଚିତ୍ର ବିଚିତ୍ର ହୁଅନ୍ତି
ପୁଷ୍ପମାନେ ପ୍ରସ୍ଫୁଟିତେ
ଫୁଲର ସୁଗନ୍ଧେ ଚତୁର୍ଦ୍ଦିଶ ହୁଏ
ସୁରଭିରେ ବିଛୁରୀତେ ………(VI)
​ପ୍ରଜାପତି ନିଜ ଡେଣା ମେଲାକରି
ପୁଷ୍ପକୁ ମଧୁ ମାଗଇ
ଫୁଲଟିଏ ନିରବରେ ହସୁଥାଏ
ନିଜ ସମ୍ମତି ଜଣାଇ ………(VII)
​ପୁଷ୍ପ ସୌନ୍ଦର୍ଯ୍ୟ ରେ ଆମୋଦିତ ହୋଇ
ଭ୍ରମର ଉଡି ବୁଲନ୍ତି
ଫୁଲର ଡେମ୍ଫରେ ଭ୍ରମର ଝୁଲନ୍ତେ
ଫୁଲମାନେ ହସୁଥାନ୍ତି ………(VIII)
​ଆମ୍ବଗଛ ଡାଳେ ରାବଇ କୋଇଲି
ସ୍ବ-ସ୍ବରେ ମନ ଲଗାଇ
ଏ ଡାଳରୁ ଯାଇଁ ସେ ଡାଳରେ ବସେ
ଆନନ୍ଦରେ ନାଚୁଥାଇ ………(IX)