ବଜେଟ ଅଧିବେଶନରେ ସଂସଦର ଉଭୟ ଗୃହରେ ୯ଟି ବିଲ୍ ପାସ୍

ବଜେଟ ଅଧିବେଶନରେ ସଂସଦର ଉଭୟ ଗୃହରେ ୯ଟି ବିଲ୍ । ପାସ୍ଅଧିବେଶନ ସମୟରେ ଲୋକସଭା ଉତ୍ପାଦକତା ୯୩% ଥିବା ବେଳେ ରାଜ୍ୟସଭା ୧୧୦% ରହିଛିସଂସଦର ବଜେଟ ଅଧିବେଶନ ୨୦୨୬ ଜାନୁଆରୀ ୨୮, ବୁଧବାର ଦିନ ଆରମ୍ଭ ହୋଇଥିଲା। ସଂସଦର ଉଭୟ ଗୃହକୁ ଏପ୍ରିଲ ୧୮ ଶନିବାର ଦିନ ଅନିର୍ଦ୍ଦିଷ୍ଟ ସମୟ ପାଇଁ ମୁଲତବୀ ରଖାଯାଇଛି। ଉଭୟ ଗୃହକୁ ପ୍ରଥମେ ୧୩ ଫେବୃଆରୀ, ୨୦୨୬ ଶୁକ୍ରବାର ଦିନ ବିରତି ପାଇଁ ମୁଲତବୀ ରଖାଯାଇଥିଲା। ବିଭାଗ ସମ୍ବନ୍ଧୀୟ ସ୍ଥାୟୀ କମିଟିଗୁଡ଼ିକ ବିଭିନ୍ନ ମନ୍ତ୍ରଣାଳୟ/ବିଭାଗ ସହିତ ଜଡିତ ଅନୁଦାନ ଦାବିଗୁଡ଼ିକର ଯାଞ୍ଚ ଏବଂ ରିପୋର୍ଟ କରିବା ପାଇଁ ୯ ମାର୍ଚ୍ଚ, ୨୦୨୬ ସୋମବାର ଦିନ ଗୃହ କାର୍ଯ୍ୟ ପୁନର୍ବାର ଆରମ୍ଭ କରାଯାଇଥିଲା । ଜରୁରୀ ସରକାରୀ କାର୍ଯ୍ୟ ପରିଚାଳନା ପାଇଁ ୧୬ ଏପ୍ରିଲରେ ଅନୁଷ୍ଠିତ ହେବାକୁ ଥିବା ବୈଠକ ପାଇଁ ଗୃହଗୁଡ଼ିକୁ ପୁଣି ୨ ଏପ୍ରିଲ, ୨୦୨୬ ତାରିଖରେ ମୁଲତବୀ ରଖାଯାଇଥିଲା ।ବଜେଟ ଅଧିବେଶନର ପ୍ରଥମ ଭାଗରେ ଲୋକସଭା ଏବଂ ରାଜ୍ୟସଭାର ମୋଟ ୧୩ଟି ବୈଠକ ଅନୁଷ୍ଠିତ ହୋଇଥିଲା। ଅଧିବେଶନର ଦ୍ୱିତୀୟ ଭାଗରେ ଉଭୟ ଗୃହର ୧୫ଟି ବୈଠକ ଅନୁଷ୍ଠିତ ହୋଇଥିଲା। ଅଧିବେଶନର ତୃତୀୟ ଭାଗରେ ଉଭୟ ଲୋକସଭା ଏବଂ ରାଜ୍ୟସଭାର ୩ଟି ଲେଖାଏଁ ବୈଠକ ହୋଇଥିଲା। ସମ୍ପୂର୍ଣ୍ଣ ବଜେଟ ଅଧିବେଶନରେ, ମୋଟ ୮୧ ଦିନ ମଧ୍ୟରେ ୩୧ଟି ବୈଠକ ହୋଇଥିଲା।ବର୍ଷର ଏହା ପ୍ରଥମ ଅଧିବେଶନ ହୋଇଥିବାରୁ, ରାଷ୍ଟ୍ରପତି ସମ୍ବିଧାନର ଧାରା ୮୭(୧) ଅନୁଯାୟୀ ୨୮ ଜାନୁଆରୀ, ୨୦୨୬ରେ ସଂସଦର ଉଭୟ ଗୃହକୁ ସମ୍ବୋଧିତ କରିଥିଲେ । ଲୋକସଭାରେ ରାଷ୍ଟ୍ରପତିଙ୍କ ଅଭିଭାଷଣ ଉପରେ ବନ୍ଦର, ଜାହାଜ ଚଳାଚଳ ଏବଂ ଜଳପଥ ମନ୍ତ୍ରୀ ଶ୍ରୀ ସର୍ବାନନ୍ଦ ସୋନୋୱାଲ ଧନ୍ୟବାଦ ପ୍ରସ୍ତାବ ଆଗତ କରିଥିଲେ ଏବଂ ସାଂସଦ ଶ୍ରୀ ତେଜସ୍ୱୀ ସୂର୍ଯ୍ୟ ଏହାକୁ ସମର୍ଥନ କରିଥିଲେ। ନିରନ୍ତର ବାଧା ଯୋଗୁଁ, ଲୋକସଭା ନିର୍ଦ୍ଧାରିତ ୧୮ ଘଣ୍ଟା ସମୟ ବଦଳରେ କେବଳ ୦୨ ଘଣ୍ଟା ୪୬ ମିନିଟ୍ ପାଇଁ କାର୍ଯ୍ୟ କରିଥିଲା। ମାତ୍ର ୦୬ ଜଣ ସଦସ୍ୟ ଆଲୋଚନାରେ ଅଂଶଗ୍ରହଣ କରିଥିଲେ। ରାଜ୍ୟସଭାରେ, ଏହାକୁ ସାଂସଦ ଶ୍ରୀ ସି. ସଦାନନ୍ଦନ ମାଷ୍ଟର ଆଗତ କରିଥିଲେ ଏବଂ ସାଂସଦ ଡକ୍ଟର ମେଧା ବିଶ୍ରାମ କୁଲକର୍ଣ୍ଣୀ ସମର୍ଥନ କରିଥିଲେ। ଏହି ପ୍ରସଙ୍ଗ ଉପରେ ରାଜ୍ୟସଭା ୧୬ ଘଣ୍ଟା ସମୟ ବଦଳରେ ୧୭ ଘଣ୍ଟା ୨୦ ମିନିଟ୍ ପାଇଁ କାର୍ଯ୍ୟ କରିଥିଲା। ୮୧ ଜଣ ସଦସ୍ୟ ବିତର୍କରେ ଅଂଶଗ୍ରହଣ କରିଥିଲେ। ପ୍ରଧାନମନ୍ତ୍ରୀ ରାଜ୍ୟସଭାରେ ବିତର୍କର ଉତ୍ତର ରଖିଥିଲେ। ରାଷ୍ଟ୍ରପତିଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବ ୦୫.୦୨.୨୦୨୬ ରେ ଉଭୟ ଗୃହରେ ଗୃହୀତ ହୋଇଥିଲା।୨୦୨୬-୨୭ ପାଇଁ କେନ୍ଦ୍ରୀୟ ବଜେଟ୍ ରବିବାର ଦିନ ୧ ଫେବୃଆରୀ, ୨୦୨୬ ରେ ଉପସ୍ଥାପିତ ହୋଇଥିଲା। ଅଧିବେଶନର ପ୍ରଥମ ଭାଗରେ ଉଭୟ ଗୃହରେ କେନ୍ଦ୍ରୀୟ ବଜେଟ୍ ଉପରେ ସାଧାରଣ ଆଲୋଚନା ହୋଇଥିଲା। ଏଥିରେ ଲୋକସଭା ୧୨ ଘଣ୍ଟା ୫୭ ମିନିଟ୍ ପାଇଁ ଚାଲିଥିଲା ଏବଂ ୬୩ ଜଣ ସଦସ୍ୟ ବିତର୍କରେ ଅଂଶଗ୍ରହଣ କରିଥିଲେ। ରାଜ୍ୟସଭା ୧୬ ଘଣ୍ଟା ୩୦ ମିନିଟ୍ ପାଇଁ ଚାଲିଥିଲା ଏବଂ ୯୭ ଜଣ ସଦସ୍ୟ ଆଲୋଚନାରେ ଅଂଶଗ୍ରହଣ କରିଥିଲେ।ଡକ୍ଟର ମହମ୍ମଦ ଜାୱେଦ ୧୦.୦୩.୨୦୨୬ ତାରିଖରେ ଲୋକସଭାର ବାଚସ୍ପତିଙ୍କୁ ତାଙ୍କ ପଦବୀରୁ ବହିଷ୍କାର କରିବା ପାଇଁ ଏକ ସଂକଳ୍ପ ଆଗତ କରିଥିଲେ। ଏହି ସଂକଳ୍ପ ଉପରେ ଦୁଇ ଦିନ (୧୦ ଏବଂ ୧୧ ମାର୍ଚ୍ଚ, ୨୦୨୬) ଲୋକସଭାରେ ୧୨ ଘଣ୍ଟା ୨୭ ମିନିଟ୍ ଧରି ଆଲୋଚନା ହୋଇଥିଲା। ୫୩ ଜଣ ସଦସ୍ୟ ବିତର୍କରେ ଅଂଶଗ୍ରହଣ କରିଥିଲେ। ଶେଷରେ ସଂକଳ୍ପ ନାକଚ ହୋଇଯାଇଥିଲା।ଅଧିବେଶନର ଦ୍ୱିତୀୟ ଭାଗରେ, ଭାରତ ସଂଘ ପାଇଁ ୨୦୨୫ – ୨୬ ବର୍ଷର ଅନୁଦାନ ଲାଗି ଦ୍ୱିତୀୟ ଏବଂ ଅନ୍ତିମ ପର୍ଯ୍ୟାୟ ପରିପୂରକ ଦାବିକୁ ଲୋକସଭାରେ ୧୩.୦୩. ୨୦୨୬ରେ ଗୃହୀତ କରାଯାଇଥିଲା ଏବଂ ତା’ପରେ ଜଡିତ ବ୍ୟୟବରାଦ ବିଲ୍ ମଧ୍ୟ ଗୃହୀତ ହୋଇଥିଲା।ରେଳ ଏବଂ କୃଷି ଓ କୃଷକ କଲ୍ୟାଣ ମନ୍ତ୍ରଣାଳୟର ଅନୁଦାନ ଦାବିଗୁଡ଼ିକ ଉପରେ ଲୋକସଭାରେ ଆଲୋଚନା ହୋଇଥିଲା ଏବଂ ଭୋଟ ଦିଆଯାଇଥିଲା। ଶେଷରେ, ବାକି ମନ୍ତ୍ରଣାଳୟ / ବିଭାଗର ଅନୁଦାନ ଦାବିଗୁଡ଼ିକ ବୁଧବାର, ୧୮ ମାର୍ଚ୍ଚ, ୨୦୨୬ ଦିନ ଗୃହର ଭୋଟ୍ ପାଇଁ ରଖାଯାଇଥିଲା। ଏହା ପରେ ସେହି ଦିନ ଲୋକସଭାରେ ସମ୍ପୃକ୍ତ ବ୍ୟୟବରାଦ ବିଲ୍ (ନଂ. ୨) ମଧ୍ୟ ଆଗତ, ବିଚାର ଏବଂ ଗୃହୀତ ହୋଇଥିଲା। ୨୫.୦୩.୨୦୨୬ ତାରିଖରେ ଲୋକସଭାରେ ଅର୍ଥ ବିଲ୍, ୨୦୨୬ ଗୃହୀତ ହୋଇଥିଲା।ରାଜ୍ୟସଭା ୧୭.୦୩.୨୦୨୬ ତାରିଖରେ ୨୦୨୫ – ୨୬ ବର୍ଷର ଅନୁଦାନ ପାଇଁ ଦ୍ୱିତୀୟ ଏବଂ ଅନ୍ତିମ ପର୍ଯାୟ ପରିପୂରକ ଦାବି ସହିତ ଜଡିତ ବ୍ୟୟବରାଦ ବିଲ୍ ଫେରାଇ ଦେଇଥିଲା।ରାଜ୍ୟସଭାରେ ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ଏବଂ ଗ୍ରାମୀଣ ବିକାଶ ମନ୍ତ୍ରଣାଳୟର କାର୍ଯ୍ୟପନ୍ଥା ଉପରେ ଆଲୋଚନା ହୋଇଥିଲା।୨୦୨୬ – ୨୭ ବର୍ଷ ପାଇଁ ସଂଘ ଲାଗି ଅନୁଦାନ ଦାବି ସହିତ ଜଡିତ ବ୍ୟୟବରାଦ (ନଂ.୨) ବିଲ୍ ଏବଂ ଆର୍ଥିକ ବିଲ୍, ୨୦୨୬କୁ ମଧ୍ୟ ୨୭.୦୩.୨୦୨୬ ରେ ରାଜ୍ୟସଭା ଫେରସ୍ତ କରିଦେଇଥିଲା।ପ୍ରଧାନମନ୍ତ୍ରୀ ୨୩.୦୩.୨୦୨୬ ତାରିଖରେ ଲୋକସଭାରେ ଏବଂ ୨୪.୦୩.୨୦୨୬ ତାରିଖରେ ରାଜ୍ୟସଭାରେ ପଶ୍ଚିମ ଏସିଆରେ ଲାଗି ରହିଥିବା ବିବାଦ ଏବଂ ଭାରତ ସାମ୍ନା କରୁଥିବା ଆହ୍ଵାନ ସମ୍ପର୍କରେ ବିବୃତ୍ତି ଦେଇଥିଲେ।ଅଧିବେଶନର ତୃତୀୟ ଭାଗରେ, ଆଞ୍ଚଳିକ ନିର୍ବାଚନମଣ୍ଡଳୀର ସୀମା ନିର୍ଦ୍ଧାରଣ ଦ୍ୱାରା ଲୋକସଭା ଏବଂ ବିଧାନସଭାରେ ମହିଳାଙ୍କ ପାଇଁ ସ୍ଥାନ ସଂରକ୍ଷଣ ଲାଗି ସମ୍ବିଧାନ (ଏକ ଶହ ଏକତ୍ରିଶତମ ସଂଶୋଧନ) ବିଲ୍, ୨୦୨୬, କେନ୍ଦ୍ର ଶାସିତ ଅଞ୍ଚଳ ଆଇନ (ସଂଶୋଧନ) ବିଲ୍, ୨୦୨୬ ଏବଂ ସୀମା ନିର୍ଦ୍ଧାରଣ ବିଲ୍, ୨୦୨୬ ଲୋକସଭାରେ ଆଗତ କରାଯାଇଥିଲା। ଯେହେତୁ ସମ୍ବିଧାନ (ଏକ ଶହ ଏକତ୍ରିଶତମ ସଂଶୋଧନ) ବିଲ୍, ୨୦୨୬ ଭାରତୀୟ ସମ୍ବିଧାନର ଧାରା ୩୬୮(୨) ଅନୁଯାୟୀ ବିଚାର ପାଇଁ ପ୍ରସ୍ତାବ ଉପରେ ଆବଶ୍ୟକ ବହୁମତ ପାଇପାରିଲା ନାହିଁ, ତେଣୁ ଏହା ଉପରେ ଆଉ କୌଣସି ପଦକ୍ଷେପ ନିଆଯାଇ ନଥିଲା। ଏହା ବ୍ୟତୀତ, କେନ୍ଦ୍ରଶାସିତ ଅଞ୍ଚଳ ଆଇନ (ସଂଶୋଧନ) ବିଲ୍, ୨୦୨୬ ଏବଂ ସୀମା ନିର୍ଦ୍ଧାରଣ ବିଲ୍, ୨୦୨୬ ନାମକ ଦୁଇଟି ସମ୍ଵନ୍ଧିତ ବିଲ୍ ମଧ୍ୟ ଆଗକୁ ବଢ଼ି ନଥିଲା।ଏହି ଅଧିବେଶନ ସମୟରେ ଲୋକସଭାରେ ମୋଟ ୧୨ ଟି ବିଲ୍ ଏବଂ ରାଜ୍ୟସଭାରେ ୦୧ ଟି ବିଲ୍ ଉପସ୍ଥାପିତ ହୋଇଥିଲା। ଲୋକସଭା ଦ୍ୱାରା ୦୯ ଟି ବିଲ୍ ଗୃହୀତ ହୋଇଥିଲା, ରାଜ୍ୟସଭା ଦ୍ୱାରା ୦୯ ଟି ବିଲ୍ ଗୃହୀତ/ଫେରସ୍ତ କରାଯାଇଥିଲା ଏବଂ ଲୋକସଭାରେ ୦୧ ଟି ବିଲ୍ ପ୍ରତ୍ୟାହାର କରାଯାଇଥିଲା। ସଂସଦର ଉଭୟ ଗୃହ ଦ୍ୱାରା ଗୃହୀତ ହୋଇଥିବା ବିଲ୍ ସଂଖ୍ୟା ୦୯ ଥିଲା।ଲୋକସଭା ଏବଂ ରାଜ୍ୟସଭାରେ ଉପସ୍ଥାପିତ ବିଲ୍, ଉଭୟ ଗୃହର ମିଳିତ କମିଟିକୁ ପଠାଯାଇଥିବା ବିଲ୍, ଲୋକସଭା ଦ୍ୱାରା ଗୃହୀତ ବିଲ୍, ରାଜ୍ୟ ସଭା ଦ୍ୱାରା ଗୃହୀତ/ଫେରସ୍ତ କରାଯାଇଥିବା ବିଲ୍, ସଂସଦର ଉଭୟ ଗୃହ ଦ୍ୱାରା ଗୃହୀତ ବିଲ୍ ଏବଂ ଲୋକସଭାରୁ ପ୍ରତ୍ୟାହାର କରାଯାଇଥିବା ବିଲ୍ ର ତାଲିକା ଅନୁବନ୍ଧରେ ସଂଲଗ୍ନ କରାଯାଇଛି ।୨୦୨୬ ବଜେଟ୍ ଅଧିବେଶନରେ ଲୋକସଭାର ଉତ୍ପାଦକତା ପ୍ରାୟ ୯୩% ଏବଂ ରାଜ୍ୟସଭାର ଉତ୍ପାଦକତା ପ୍ରାୟ ୧୧୦% ଥିଲା।ସଂଲଗ୍ନଅଷ୍ଟାଦଶ ଲୋକସଭାର ସପ୍ତମ ଅଧିବେଶନ ଏବଂ ରାଜ୍ୟସଭାର ୨୭୦ତମ ଅଧିବେଶନରେ ହୋଇଥିବା ଅଧିନିୟମ ସମ୍ଵନ୍ଧୀୟ କାର୍ଯ୍ୟଲୋକସଭାରେ ପ୍ରଚଳିତ ବିଲ୍ଅର୍ଥ ବିଲ୍, ୨୦୨୬ଉଦ୍ୟୋଗ ସମ୍ପର୍କ ସଂହିତା (ସଂଶୋଧନ) ବିଲ୍, ୨୦୨୬ତୃତୀୟ ଲିଙ୍ଗ ବ୍ୟକ୍ତି (ଅଧିକାର ସୁରକ୍ଷା) ସଂଶୋଧନ ବିଲ୍, ୨୦୨୬ବ୍ୟୟବରାଦ ବିଲ୍, ୨୦୨୬ବ୍ୟୟବରାଦ (ନଂ.୨) ବିଲ୍, ୨୦୨୬କର୍ପୋରେଟ୍ ଆଇନ (ସଂଶୋଧନ) ବିଲ୍, ୨୦୨୬ବିଦେଶୀ ଅବଦାନ (ନିୟମ) ସଂଶୋଧନ ବିଲ୍, ୨୦୨୬ଜନ ବିଶ୍ୱାସ (ବ୍ୟବସ୍ଥାରେ ସଂଶୋଧନ) ବିଲ୍, ୨୦୨୬ଆନ୍ଧ୍ର ପ୍ରଦେଶ ପୁନର୍ଗଠନ (ସଂଶୋଧନ) ବିଲ୍, ୨୦୨୬ସମ୍ବିଧାନ (ଏକ ଶହ ଏକତ୍ରିଶତମ ସଂଶୋଧନ) ବିଲ୍, ୨୦୨୬କେନ୍ଦ୍ରଶାସିତ ଅଞ୍ଚଳ ଆଇନ (ସଂଶୋଧନ) ବିଲ୍, ୨୦୨୬ସୀମା ନିର୍ଦ୍ଧାରଣ ବିଲ୍, ୨୦୨୬ ରାଜ୍ୟସଭାରେ ଉପସ୍ଥାପିତ ବିଲ୍କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ (ସାଧାରଣ ପ୍ରଶାସନ) ବିଲ୍, ୨୦୨୬ ଉଭୟ ଗୃହର ଯୁଗ୍ମ କମିଟିକୁ ପଠାଯାଇଥିବା ବିଲ୍୧. କର୍ପୋରେଟ୍ ଆଇନ (ସଂଶୋଧନ) ବିଲ୍, ୨୦୨୬ ଲୋକସଭାରୁ ପ୍ରତ୍ୟାହୃତ ବିଲ୍୧. ଜନ ବିଶ୍ଵାସ (ବ୍ୟବସ୍ଥାରେ ସଂଶୋଧନ) ବିଲ୍, ୨୦୨୬ , ଯାହାଚୟନ କମିଟି ଦ୍ୱାରା ରିପୋର୍ଟ କରାଯାଇଛି |V. ଲୋକସଭା ଦ୍ୱାରା ପାସ୍ ହୋଇଥିବା ବିଲ୍ଉଦ୍ୟୋଗ ସମ୍ପର୍କ ସଂହିତା (ସଂଶୋଧନ) ବିଲ୍, ୨୦୨୬ବ୍ୟୟବରାଦ ବିଲ୍, ୨୦୨୬ବ୍ୟୟବରାଦ (ନଂ.୨) ବିଲ୍, ୨୦୨୬ତୃତୀୟ ଲିଙ୍ଗ ବ୍ୟକ୍ତି (ଅଧିକାର ସୁରକ୍ଷା) ସଂଶୋଧନ ବିଲ୍, ୨୦୨୬ଅର୍ଥ ବିଲ୍, ୨୦୨୬ଖିଲାପୀ ଏବଂ ଦେବାଳିଆ ସଂହିତା (ସଂଶୋଧନ) ବିଲ୍, ୨୦୨୬ ଆନ୍ଧ୍ର ପ୍ରଦେଶ ପୁନର୍ଗଠନ (ସଂଶୋଧନ) ବିଲ୍, ୨୦୨୬ଜନ ବିଶ୍ୱାସ (ବ୍ୟବସ୍ଥାରେ ସଂଶୋଧନ) ବିଲ୍, ୨୦୨୬କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ (ସାଧାରଣ ପ୍ରଶାସନ) ବିଲ୍, ୨୦୨୬ ରାଜ୍ୟ ସଭା ଦ୍ୱାରା ପାସ୍ ହୋଇଥିବା ବିଲ୍ଉଦ୍ୟୋଗ ସମ୍ପର୍କ ସଂହିତା (ସଂଶୋଧନ) ବିଲ୍, ୨୦୨୬ବ୍ୟୟବରାଦ ବିଲ୍, ୨୦୨୬ତୃତୀୟ ଲିଙ୍ଗ ବ୍ୟକ୍ତି (ଅଧିକାର ସୁରକ୍ଷା) ସଂଶୋଧନ ବିଲ୍, ୨୦୨୬ବ୍ୟୟବରାଦ (ନଂ.୨) ବିଲ୍, ୨୦୨୬ଅର୍ଥ ବିଲ୍, ୨୦୨୬କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ (ସାଧାରଣ ପ୍ରଶାସନ) ବିଲ୍, ୨୦୨୬ଖିଲାପୀ ଏବଂ ଦେବାଳିଆ ସଂହିତା (ସଂଶୋଧନ) ବିଲ୍, ୨୦୨୬ ଆନ୍ଧ୍ର ପ୍ରଦେଶ ପୁନର୍ଗଠନ (ସଂଶୋଧନ) ବିଲ୍, ୨୦୨୬ ଜନ ବିଶ୍ୱାସ (ବ୍ୟବସ୍ଥାରେ ସଂଶୋଧନ) ବିଲ୍, ୨୦୨୬ ସଂସଦର ଉଭୟ ଗୃହ ଦ୍ୱାରା ପାସ୍ ହୋଇଥିବା ବିଲ୍ଉଦ୍ୟୋଗ ସମ୍ପର୍କ ସଂହିତା (ସଂଶୋଧନ) ବିଲ୍, ୨୦୨୬ବ୍ୟୟବରାଦ ବିଲ୍, ୨୦୨୬ତୃତୀୟ ଲିଙ୍ଗ ବ୍ୟକ୍ତି (ଅଧିକାର ସୁରକ୍ଷା) ସଂଶୋଧନ ବିଲ୍, ୨୦୨୬ବ୍ୟୟବରାଦ (ନଂ.୨) ବିଲ୍, ୨୦୨୬ଅର୍ଥ ବିଲ୍, ୨୦୨୬ଖିଲାପୀ ଏବଂ ଦେବାଳିଆ ସଂହିତା (ସଂଶୋଧନ) ବିଲ୍, ୨୦୨୬ଆନ୍ଧ୍ର ପ୍ରଦେଶ ପୁନର୍ଗଠନ (ସଂଶୋଧନ) ବିଲ୍, ୨୦୨୬ଜନ ବିଶ୍ୱାସ (ବ୍ୟବସ୍ଥାରେ ସଂଶୋଧନ) ବିଲ୍, ୨୦୨୬ କେନ୍ଦ୍ରୀୟ ସଶସ୍ତ୍ର ପୋଲିସ ବାହିନୀ (ସାଧାରଣ ପ୍ରଶାସନ) ବିଲ୍, ୨୦୨୬