ଭାରତ ସାମୁଦ୍ରିକ ବୀମା ପୁଲ୍ ଗଠନ ପ୍ରସ୍ତାବକୁ କ୍ୟାବିନେଟ୍ ମଞ୍ଜୁରି
ଭାରତ ସାମୁଦ୍ରିକ ବୀମା ପୁଲ୍ ଗଠନ ପ୍ରସ୍ତାବକୁ କ୍ୟାବିନେଟ୍ ମଞ୍ଜୁରି । ସାମୁଦ୍ରିକ ବୀମା ସୁରକ୍ଷା ଯୋଗାଇ ଦେବା ଲାଗି ୧୨,୯୮୦ କୋଟି ଟଙ୍କାର ସାର୍ବଭୌମ ଗ୍ୟାରେଣ୍ଟି ସହ ଗଠନ ହେବ ବିଏମଆଇ ପୁଲ୍ଘରୋଇ ବୀମା ପୁଲ୍ ବିଶ୍ୱସ୍ତରୀୟ ଭୂରାଜନୈତିକ ଅସ୍ଥିରତାର ସମାଧାନ କରିବ ଏବଂ ବାହ୍ୟ ବୀମା ଉପରେ ଭାରତୀୟ ଜାହାଜଗୁଡ଼ିକର ନିର୍ଭରଶୀଳତାକୁ ହ୍ରାସ କରିବଏହି ପୁଲ୍ ହଲ୍ ଓ ଯନ୍ତ୍ରାଂଶ, ମାଲ୍, ପିଆଣ୍ଡଆଇ ଏବଂ ଯୁଦ୍ଧ ବିପଦ ଭଳି ସମସ୍ତ ସାମୁଦ୍ରିକ ବିପଦ ପାଇଁ ସୁରକ୍ଷା ଦେବ, ଯେକୌଣସି ଅନ୍ତର୍ଜାତୀୟ ଉତ୍ସରୁ ଭାରତୀୟ ବନ୍ଦରକୁ ମାଲ ପରିବହନ କରୁଥିବା ଜାହାଜଗୁଡ଼ିକୁ ଏଥିରେ ସୁରକ୍ଷା ଦିଆଯିବ; ଅସ୍ଥିର ସାମୁଦ୍ରିକ କରିଡରରେ ପରିବହନ ସମୟରେ ମଧ୍ୟ ବୀମା ସୁବିଧା ମିଳିବପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଆଜି ଏକ ସ୍ୱଦେଶୀ ବୀମା ପୁଲ ସୃଷ୍ଟି କରିବା ପ୍ରସ୍ତାବକୁ ଅନୁମୋଦନ କରିଛି । ଏହି ବୀମା ପାଣ୍ଠି ଲାଗି ୧୨,୯୮୦ କୋଟି ଟଙ୍କାର ସାର୍ବଭୌମ ଗ୍ୟାରେଣ୍ଟି ରଖାଯାଇଛି । ଏହା ନିରନ୍ତର ସାମୁଦ୍ରିକ ବୀମା ସୁରକ୍ଷାକୁ ସୁଗମ କରିବ। ଯେକୌଣସି ଅନ୍ତର୍ଜାତୀୟ ଉତ୍ସରୁ ଭାରତୀୟ ବନ୍ଦର ପର୍ଯ୍ୟନ୍ତ କିମ୍ବା ଏହାର ବିପରୀତ ମାର୍ଗରେ ମାଲ୍ ନେଇ ଯାଉଥିବା ଜାହାଜଗୁଡ଼ିକୁ ସୁଲଭ ବୀମା ଯୋଗାଣ ପାଇଁ ଏହା ଭାରତୀୟ ବ୍ୟବସାୟଗୁଡ଼ିକୁ ସହାୟକ ହେବ । ଅସ୍ଥିର ସାମୁଦ୍ରିକ ମାର୍ଗ ଦେଇ ଅତିକ୍ରମ କରୁଥିବା ଜାହାଜଗୁଡ଼ିକୁ ମଧ୍ୟ ବୀମା ସୁବିଧା ମିଳିବ ।ବର୍ଦ୍ଧିତ ବିଶ୍ୱସ୍ତରୀୟ ଭୂରାଜନୈତିକ ଅସ୍ଥିରତା ଯୋଗୁଁ ସାମୁଦ୍ରିକ ବାଣିଜ୍ୟ ବାଧାପ୍ରାପ୍ତ ହୋଇଛି, ଯାହା ଫଳରେ ମାଲ୍ ଏବଂ ଜାହାଜଗୁଡ଼ିକ କ୍ଷତିଗ୍ରସ୍ତ ହେବାର ଆଶଙ୍କା ବୃଦ୍ଧି ପାଇଛି। ଫଳସ୍ୱରୂପ, ବୀମା ମୂଲ୍ୟ ବୃଦ୍ଧି ପାଇଛି ଏବଂ ନିରନ୍ତର ବୀମା ସୁରକ୍ଷା ଉପଲବ୍ଧତାକୁ ନେଇ ଅନିଶ୍ଚିତତା ଦେଖାଦେଇଛି। ଏହା ବ୍ୟତୀତ, ଭାରତୀୟ ଜାହାଜଗୁଡ଼ିକ ପିଏଣ୍ଡଆଇ ବୀମା ପାଇଁ ‘ଅନ୍ତର୍ଜାତୀୟ ସୁରକ୍ଷା ଏବଂ କ୍ଷତିପୂରଣ ଗୋଷ୍ଠୀ (ଆଇଜି ପିଏଣ୍ଡଆଇ) କ୍ଲବ’ ଉପରେ ଅତ୍ୟଧିକ ନିର୍ଭର କରନ୍ତି – ଯାହା ତୈଳ ପ୍ରଦୂଷଣ ଦାୟିତ୍ୱ, ନଷ୍ଟ ହୋଇଯାଇଥିବା ପଦାର୍ଥ ଅପସାରଣ, ମାଲ୍ କ୍ଷତି, କର୍ମଚାରୀଙ୍କ ଆଘାତ ଓ ପ୍ରତ୍ୟାବର୍ତ୍ତନ, ସଂଘର୍ଷ ଦାୟିତ୍ବ ଇତ୍ୟାଦି ତୃତୀୟ-ପକ୍ଷ ଦେୟତାକୁ କଭର କରିଥାଏ। ତେଣୁ, ଏକ ସ୍ୱଦେଶୀ ସାମୁଦ୍ରିକ ବିପଦ ସୁରକ୍ଷା ପୁଲର ଆବଶ୍ୟକତା ଥିଲା ଯାହା ବାଣିଜ୍ୟର ସାର୍ବଭୌମତ୍ୱ ଏବଂ ନିରନ୍ତରତାକୁ ସୁରକ୍ଷା ଦେବାରେ ସକ୍ଷମ। ଏପରିକି କଟକଣା କିମ୍ବା ଭୂରାଜନୈତିକ ଉତ୍ତେଜନା ଯୋଗୁଁ ବୀମା ସୁରକ୍ଷା ପ୍ରତ୍ୟାହାର କରାଯାଉଥିବା ପରିସ୍ଥିତିରେ ମଧ୍ୟ ଏଥିରେ ସୁରକ୍ଷା ମିଳିପାରିବ ।ଉପରୋକ୍ତ ପୃଷ୍ଠଭୂମିରେ ସରକାର ଭାରତୀୟ ଜାହାଜ ପାଇଁ କିମ୍ବା ଭାରତକୁ ଆସୁଥିବା ଅଥବା ପ୍ରସ୍ଥାନ କରୁଥିବା ଜାହାଜ ପାଇଁ – ‘ଭାରତୀୟ ସାମୁଦ୍ରିକ ବୀମା ପୁଲ୍’ (ବିଏମଆଇ ପୁଲ୍) ଗଠନକୁ ଅନୁମୋଦନ କରିଛନ୍ତି । ଏହା ଏକ ସାର୍ବଭୌମ ଗ୍ୟାରେଣ୍ଟି ଦ୍ୱାରା ସମର୍ଥିତ ହେବ। ଏହି ପୁଲ୍ ସମସ୍ତ ସାମୁଦ୍ରିକ ବିପଦ, ଯେପରିକି ହଲ୍ ଓ ଯନ୍ତ୍ରାଂଶ, କାର୍ଗୋ, ପିଏଣ୍ଡଆଇ, ଏବଂ ଯୁଦ୍ଧ ବିପଦକୁ କଭର କରିବ। ପୁଲ୍ ର ସଦସ୍ୟ ବୀମାକାରୀଙ୍କ ଦ୍ୱାରା ବୀମା ପଲିସି ଜାରି କରାଯିବ, ଯେଉଁମାନେ ପୁଲର ସାମୂହିକ ଅଣ୍ଡରରାଇଟିଂ କ୍ଷମତାକୁ ବ୍ୟବହାର କରିବେ। ଏହାର ଆନୁମାନିକ ମୂଲ୍ୟ ପ୍ରାୟ 950 କୋଟି ଟଙ୍କା ହେବ। ଏହି ପୁଲ୍ ଭାରତୀୟ ଜାହାଜ ଚଳାଚଳ ପରିସ୍ଥିତି ଓ ନିୟାମକ ଆବଶ୍ୟକତା ଅନୁରୂପ ସ୍ଥାନୀୟ ସ୍ତରରେ ଦେୟତା ବୀମାର ପରିଚାଳନା କରିବା ତଥା ଭାରତ ଭିତରେ ସ୍ୱତନ୍ତ୍ର ସାମୁଦ୍ରିକ ବୀମା, ଦାବି ପରିଚାଳନା ଏବଂ ଆଇନଗତ ବିଶେଷଜ୍ଞତା ବିକଶିତ କରିବାରେ ସହାୟକ ହେବ ।ଏହା ସହିତ, ଏକ ପରିଚାଳନା ସଂସ୍ଥା ପୁଲର ଗଠନ ଏବଂ କାର୍ଯ୍ୟକାରିତା ତଦାରଖ କରିବ। ପ୍ରସ୍ତାବିତ ସ୍ୱଦେଶୀ ବୀମା ସଂସ୍ଥାକୁ ସାର୍ବଭୌମ ଗ୍ୟାରେଣ୍ଟି ପ୍ରଦାନ କରିବାର ଔଚିତ୍ୟ ଆତ୍ମନିର୍ଭରଶୀଳତାକୁ ମଜବୁତ କରିବ । ଏହାର ଉଦ୍ଦେଶ୍ୟ ହେଉଛି ପ୍ରତିବନ୍ଧକ ପ୍ରତି ସହନୀୟ ହେବା ଏବଂ ଅଧିକ ସାର୍ବଭୌମ ନିୟନ୍ତ୍ରଣ ସୁନିଶ୍ଚିତ କରିବା।