ସୋନିର ନ୍ୟୁ ଆଲ୍ଫା ୭ ଆର୍ ଭି କ୍ୟାମେରା
ଭୁବନେଶ୍ୱର,୮ା୪: ସୋନି ଇଣ୍ଡିଆର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମତ ଆଲ୍ଫା ୭ଆର୍ ଭି କ୍ୟାମେରାର ସର୍ବଭାରତୀୟ ଉନ୍ମୋଚନ ସମ୍ପର୍କରେ ଘୋଷଣା କରାଯାଇଥିଲା। ଏପରିକି ନିକଟରେ ବ୍ରାଣ୍ଡ୍ର ଆଲ୍ଫା ସିରିଜ ତଥା ନୂତନ ଇଣ୍ଟେଲିଜେନ୍ସ କ୍ୟାମେରାର ବଜାର ପ୍ରବେଶ ମଧ୍ୟ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀ ଓଡ଼ିଶା ବଜାର ପକ୍ଷରୁ ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା। ବିଶେଷକରି ଉକ୍ତ କାର୍ଯ୍ୟକ୍ରମରେ କମ୍ପାନୀର ନ୍ୟୁ ଆଲ୍ଫା ୭ ଆର୍ ଭି କ୍ୟାମେରା ମଡେଲର ଅନାବରଣ ସହ ଓଡ଼ିଶା ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଥିଲା। ଏହି ଅବସରରେ ସୋନି ଇଣ୍ଡିଆର ଓଡ଼ିଶା ଶାଖା ମୁଖ୍ୟ ସି.ପି. ଓଝା, ଏଏସ୍ଏମ୍ ସିଦ୍ଧାର୍ଥ ପଟ୍ଟନାୟକଙ୍କ ସମେତ ଅଭିଷେକ ପୋଦ୍ଦାର ଓ ଅନ୍ୟମାନେ ଉପସ୍ଥିତ ଥିଲେ। ଉଲ୍ଲେଖଯୋଗ୍ୟ, ସୋନି ଆଲ୍ଫା ୭ଆର୍ ଭି ମଡେଲ ସର୍ବୋଚ୍ଚ ରିଜୋଲ୍ୟୁସନ ଇମେଜ୍ ସେନ୍ସରକୁ ଏକ ନୂତନ ଏଆଇ ପ୍ରୋସେସିଂ ୟୁନିଟ୍ ସହ ସଂଯୋଗ କରିଥାଏ। ଏପରିକି ସୋନି ଆଲ୍ଫା ୭ଆର୍ ଭି କୌଣସି ଆଲ୍ଫା କ୍ୟାମେରାରେ ୬୧ ଏମ୍ପି ଫୁଲ୍ ଫ୍ରେମ୍ ସହ ୮ ଷ୍ଟେପ୍ ଇମେଜ୍ ସ୍ଥିରତା ପ୍ରଣାଳୀ ପ୍ରଦାନ କରିଥାଏ। ବିଶେଷକରି ସଂଶୋଧିତ ୧୬-ବିଟ୍ ର ଏଚ୍ଡିଏମ୍ଆଇ ଏବଂ ଆଇଏସ୍ଓ୧୦୨୪୦୦ ଓ ୧୦ ଏଫ୍ପିଏସ୍, ଓ୍ବାଇଫାଇ, ହାଇ-ସ୍ପିଡ୍ କମ୍ୟୁନିକେଶନ ଫଙ୍କ୍ସନ, ଉଚ୍ଚସ୍ତରୀୟ ଅପରେବିଲିଟି ସହିତ ସ୍ମୁଥ୍ ୱାର୍କ ଫ୍ଲୋ ଇଣ୍ଟିଗ୍ରେଶନ ପ୍ରଦାନ କରୁଛି ବୋଲି ସୋନି ପକ୍ଷରୁ କୁହାଯାଇଛି। ଉକ୍ତ କାର୍ଯ୍ୟକ୍ରମରେ ରାଜ୍ୟର ବହୁ ବରିଷ୍ଠ ଫଟୋଗ୍ରାଫର ଓ ୫୦ରୁ ଅଧିକ ଗ୍ରାହକ ଏବଂ ସୋନିର ଓଡ଼ିଶା ଶାଖା କର୍ମଚାରୀମାନେ ଉପସ୍ଥିତ ଥିଲେ।