କ୍ଲବ ଲାଇଫ ଲାଇନ ” ଆନୁକୂଲ୍ୟରେ ତାସ ପ୍ରତିଯୋଗିତା ଅନୁଷ୍ଠିତ

ଭୁବନେଶ୍ୱର ତା-୧୬.୦୬.୨୦୨୬ ଓଡ଼ିଶାର ଲୋକପ୍ରିୟ ରଜ ପର୍ବରେ ଅନୁଷ୍ଠିତ ହେଉଥିବା ବିଭିନ୍ନ ପାରମ୍ପରିକ କାର୍ଯ୍ୟକ୍ରମ, ପ୍ରତିଯୋଗିତା ଓ ଖେଳ ମଧ୍ୟରେ ତାସ ଖେଳ ଅନ୍ୟତମ । ଏହି ଅବସରରେ ଭୁବନେଶ୍ୱର ୟୁନିଟ୍- ୬ ସ୍ଥିତ “କ୍ଲବ ଲାଇଫ ଲାଇନ ” ଆନୁକୂଲ୍ୟରେ ଏକ ତାସ ପ୍ରତିଯୋଗିତା କ୍ଲବର ସଦସ୍ୟମାନଙ୍କ ମଧ୍ୟରେ ଗତକାଲି ୧୫ ତାରିଖ ସୋମବାର କ୍ଲବ ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ଏହି ପ୍ରତିଯୋଗିତାକୁ କ୍ଲବର ବରିଷ୍ଠ ସଦସ୍ୟ ଶ୍ରୀ ସିଦ୍ଧାର୍ଥ ମିଶ୍ର ଫିତା କାଟି ଉଦଘାଟନ କରିଥିଲେ । ଏହି ଉଦଘାଟନ ସମୟରେ କ୍ଲବର ସଭାପତିଙ୍କ ସମେତ ଅନେକ ବରିଷ୍ଠ ସଦସ୍ୟ ଓ ପ୍ରତିଯୋଗୀମାନେ ଉପସ୍ଥିତ ରହି ପ୍ରତିଯୋଗିତାର ଆନନ୍ଦ ନେଇଥିଲେ । ଏହି ପ୍ରତିଯୋଗିତାରେ ମୋଟ ୧୨ ଜଣ ପ୍ରତିଯୋଗୀ ଭାଗ ନେଇଥିଲେ । ପ୍ରତିଯୋଗିତାରେ ଲିଗ୍ ପର୍ଯ୍ୟାୟରେ ୬ଟି ଦଳ ଖେଳିଥିଲେ । ସେଥି ମଧ୍ୟରୁ ୪ଟି ଦଳ ସେମିଫାଇନାଲ୍ କୁ ପ୍ରବେଶ କରିଥିଲେ । ଫାଇନାଲରେ ଶ୍ରୀ ଅମୀୟ ରଞ୍ଜନ ଜେନା ଏବଂ ଶ୍ରୀ ପ୍ରମୋଦ କୁମାର ସୁବୁଦ୍ଧିଙ୍କ ଯୋଡି, ଶ୍ରୀ ମନୋରଞ୍ଜନ ପାଣି ଓ ଶ୍ରୀ ସୁଶାନ୍ତ କୁମାର ବେହେରା ଙ୍କ ଦଳକୁ ପରାସ୍ତ କରି ବିଜୟୀ ହୋଇଥିଲେ । ଏହି ମ୍ୟାଚ୍ ତୀବ୍ର ପ୍ରତିଦ୍ୱନ୍ଦିତା ହୋଇଥିଲା ।