କୁସୁନପୁରରେ ସ୍ୱର୍ଗତଃ ରୀନା ବେଉରାଙ୍କ ଶୋକସଭା ଅନୁଷ୍ଠିତ

କୁସୁନପୁରରେ ସ୍ୱର୍ଗତଃ ରୀନା ବେଉରାଙ୍କ ଶୋକସଭା ଅନୁଷ୍ଠିତ

କେନ୍ଦ୍ରାପଡ଼ା ଜିଲ୍ଲାର କୁସୁନପୁରସ୍ଥିତ ବେଉରା ପରିବାରର ପୈତୃକ ବାସଭବନରେ କୁସୁନପୁରଠାରେ ସ୍ୱର୍ଗତଃ ରୀନା ବେଉରାଙ୍କ ଶୋକସଭା ଅନୁଷ୍ଠିତ

ପାରାଦୀପ ଇଫକୋର (IFFCO) ଲୋକସମ୍ପର୍କ ଅଧିକାରୀ ତଥା ମହାପୁରୁଷ ଅଚ୍ୟୁତାନନ୍ଦ ପୀଠର ଟ୍ରଷ୍ଟି ଡକ୍ଟର ପ୍ରସନ୍ନ କୁମାର ବେଉରାଙ୍କ ଧର୍ମପତ୍ନୀ ସ୍ୱର୍ଗତଃ ରୀନା ବେଉରାଙ୍କ ଏକାଦଶାହ ଉପଲକ୍ଷେ କେନ୍ଦ୍ରାପଡ଼ା ଜିଲ୍ଲାର କୁସୁନପୁରସ୍ଥିତ ତାଙ୍କ ପୈତୃକ ଗ୍ରାମରେ ଏକ ଶୋକସଭା ଅନୁଷ୍ଠିତ ହୋଇଯାଇଛି।

ନିଜର ସରଳତା, ନମ୍ରତା, ପରୋପକାରୀ ମନୋଭାବ ଏବଂ ପ୍ରଭୁ ଶ୍ରୀଜଗନ୍ନାଥ ଓ ମହାପୁରୁଷ ଅଚ୍ୟୁତାନନ୍ଦଙ୍କ ପ୍ରତି ଥିବା ଗଭୀର ଭକ୍ତି ପାଇଁ ସେ ସମସ୍ତଙ୍କ ନିକଟରେ ପରିଚିତ ଥିଲେ। ଏକ ସ୍ନେହମୟୀ ପତ୍ନୀ, ଆଦର୍ଶ ମାତା ଏବଂ ଦରଦୀ ମଣିଷ ଭାବରେ ସେ ସର୍ବଦା ଅସହାୟ ଲୋକଙ୍କ ସହାୟତା ପାଇଁ ଆଗେଇ ଆସୁଥିଲେ।

ଏହି ଶୋକସଭା ଏବଂ ପାରମ୍ପରିକ ରୀତିନୀତି ତାଙ୍କ ପୈତୃକ ବାସଭବନରେ ଅନୁଷ୍ଠିତ ହୋଇଥିଲା। ଏହି ଅବସରରେ ସ୍ୱର୍ଗତଃ ଆତ୍ମା ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇବା ପାଇଁ ଓଡ଼ିଶାର ବିଭିନ୍ନ ପ୍ରାନ୍ତରୁ ବହୁ ବିଶିଷ୍ଟ ବ୍ୟକ୍ତିବିଶେଷ ଯୋଗ ଦେଇଥିଲେ।

ଏହି କାର୍ଯ୍ୟକ୍ରମରେ ବହୁ ସାଧୁସନ୍ତ, ଆଧ୍ୟାତ୍ମିକ ଗୁରୁ, ରାଜନେତା, ଲୋକପ୍ରତିନିଧି, ସମାଜସେବୀ, ବୁଦ୍ଧିଜୀବୀ, ଇଫକୋର ଅଧିକାରୀ ଓ କର୍ମଚାରୀ, ସାମ୍ବାଦିକ, ସ୍ବେଚ୍ଛାସେବୀ ଅନୁଷ୍ଠାନର ପ୍ରତିନିଧି ଏବଂ ଆତ୍ମୀୟସ୍ୱଜନ ଉପସ୍ଥିତ ରହି ଶ୍ରଦ୍ଧାସୁମନ ଅର୍ପଣ କରିଥିଲେ।

ଉକ୍ତ ଶୋକସଭାରେ ପରମହଂସ ଶ୍ରୀମଦ୍ ସ୍ୱାମୀ ବ୍ରହ୍ମାନନ୍ଦ ସରସ୍ୱତୀ ମହାରାଜ, ବ୍ରହ୍ମଚାରୀ ମାନସ ଚୈତନ୍ୟ, ବ୍ରହ୍ମଚାରୀ ଆନନ୍ଦ ଚୈତନ୍ୟ, ବ୍ରହ୍ମଜ୍ଞାନ ସ୍ୱାମୀଜୀଙ୍କ ସମେତ ଅନେକ ସାଧୁସନ୍ତ ଯୋଗ ଦେଇଥିଲେ। ରାଜନୈତିକ ତଥା ସାମାଜିକ ନେତୃବୃନ୍ଦଙ୍କ ମଧ୍ୟରେ ପୂର୍ବତନ କ୍ୟାବିନେଟ ମନ୍ତ୍ରୀ ବିଜୟ ମହାପାତ୍ର, ପୂର୍ବତନ କ୍ୟାବିନେଟ ମନ୍ତ୍ରୀ ଅମର ପ୍ରସାଦ ଶତପଥୀ, ଜଗତସିଂହପୁରର ପୂର୍ବତନ ସାଂସଦ ଡାକ୍ତର କୁଳମଣି ସାମଲ, ଡାକ୍ତର ରାଜଶ୍ରୀ ମଲ୍ଲିକ, ପାଟକୁରା ବିଧାୟକ ଅରବିନ୍ଦ ମହାପାତ୍ର, ଶ୍ରୀମନ୍ଦିର ସେବାୟତ ବିଶ୍ୱାବସୁ ଦଇତାପତି ବିନାୟକ ଦାସମହାପାତ୍ର, ଦଇତାପତି ଅନନ୍ତ ଦାସମହାପାତ୍ର, ନିରଞ୍ଜନ ରଥ ଏବଂ ନେମାଳସ୍ଥିତ ମହାପୁରୁଷ ଅଚ୍ୟୁତାନନ୍ଦ ଧାମ ଓ ତିର୍ତ୍ତୋଲସ୍ଥିତ ମା’ ଶାରଳା ପୀଠର ସେବାୟତମାନେ ଉପସ୍ଥିତ ଥିଲେ।

ଏହା ସହିତ ଇଫକୋ ପାରାଦୀପ ୟୁନିଟ୍ ମୁଖ୍ୟ ଅନିରୁଦ୍ଧ ବିକ୍ରମ ସିଂହ, ଇଫକୋ ପାରାଦୀପ ୟୁନିଟର ଫାଷ୍ଟ ଲେଡି ଶ୍ରୀମତୀ ଏକତା ସିଂହ ଏବଂ ଇଫକୋର ଅନ୍ୟାନ୍ୟ ବରିଷ୍ଠ ଅଧିକାରୀ, ନିରଞ୍ଜନ ବେହେରା, ପାରାଦୀପ ଅତିରିକ୍ତ ଜିଲ୍ଲାପାଳ, ପାରାଦୀପ ପୌରପାଳିକା ଅଧ୍ୟକ୍ଷ ବସନ୍ତ କୁମାର ବିଶ୍ୱାଳ, ଉପାଧ୍ୟକ୍ଷା ଶ୍ରୀମତୀ ଛବିଲତା ରାଉତ, ପାରାଦୀପ ପୌର ନିର୍ବାହୀ ଅଧିକାରୀ ଅଭିଷେକ ପଣ୍ଡା, କଟକ ଉପଜିଲ୍ଲାପାଳ ଦିବ୍ୟଜ୍ୟୋତି ସ୍ମୃତିରଞ୍ଜନ ଦେଓ, ବରିଷ୍ଠ ଆଇନଜୀବୀ ଶିଶିର ଦାସ, ଓଡ଼ିଶା ଚରଣ ଗୋଷ୍ଠୀର ସାଧାରଣ ସମ୍ପାଦକ ଡକ୍ଟର ଶୁଭେନ୍ଦୁ ଶେଖର ସ୍ୱାଇଁ, ହିନ୍ଦୁ ଏକତା ମଞ୍ଚର ସଭାପତି ପି. କେ. ଜେନା, ସୁରେଶ କୁମାର ଦାସ, ହେମକୁମାର

ପରିଡ଼ା, ‘ଓଡ଼ିଶା ଟୁଡେ’ ଓ ‘ମହାନଦୀ ସୁପରଫାଷ୍ଟ’ ଖବରକାଗଜର ସମ୍ପାଦକ ଅବିନାଶ ମିଶ୍ର, ‘ସ୍ୱାଧୀନମତ’ ଖବରକାଗଜର ସମ୍ପାଦକ ଡକ୍ଟର ବିଜୟ କୁମାର ରାଉତ, ବରିଷ୍ଠ ବିଜେପି ନେତା ସୁବ୍ରତ କୁମାର ପ୍ରଧାନ, ସର୍ବେଶ୍ୱର ବଳିୟାରସିଂହ, ପ୍ରିୟରଞ୍ଜନ ଦାଶ ଏବଂ କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାର ବହୁ ଦଳୀୟ କାର୍ଯ୍ୟକର୍ତ୍ତା, ପାରାଦୀପ, କଟକ, ଜଗତସିଂହପୁର ଓ କେନ୍ଦ୍ରାପଡ଼ାର ବରିଷ୍ଠ ସାମ୍ବାଦିକ, ବିଭିନ୍ନ ସ୍ବୟଂ ସହାୟକ ଗୋଷ୍ଠୀ (SHG), ଏନଜିଓ ପ୍ରତିନିଧି ଏବଂ ସ୍ଥାନୀୟ ବ୍ୟକ୍ତିବିଶେଷ ଯୋଗ ଦେଇଥିଲେ।

ଦିବଙ୍ଗତ ଆତ୍ମାର ଚିରଶାନ୍ତି ଓ ସଦ୍‌ଗତି ନିମନ୍ତେ ପ୍ରାର୍ଥନା କରାଯିବା ସହ ଡକ୍ଟର ପ୍ରସନ୍ନ କୁମାର ବେଉରା ଓ ତାଙ୍କ ପରିବାରବର୍ଗଙ୍କୁ ଗଭୀର ସମବେଦନା ଜ୍ଞାପନ କରାଯାଇଥିଲା।

ଇଫକୋର ପରିଚାଳନା ନିର୍ଦ୍ଦେଶକ ଶ୍ରୀ କେ. ଜେ. ପଟେଲ ଏବଂ ଶ୍ରୀମତୀ ମମତା ପଟେଲ ବିଦେଶ ଗସ୍ତରେ ଥିବାରୁ ସେମାନେ ବ୍ୟକ୍ତିଗତ ଭାବେ ଉପସ୍ଥିତ ହୋଇପାରି ନ ଥିଲେ ମଧ୍ୟ ନିଜର ଗଭୀର ଶୋକ ଓ ସମବେଦନା ବାର୍ତ୍ତା ପ୍ରେରଣ କରିଛନ୍ତି।

ଶେଷରେ ଶୋକାକୁଳ ପରିବାର ପକ୍ଷରୁ ଓଡ଼ିଶାର ବିଭିନ୍ନ ପ୍ରାନ୍ତରୁ ଆସି ଦୁଃଖ ବାଣ୍ଟିଥିବା ସମସ୍ତ ମାନ୍ୟଗଣ୍ୟ ବ୍ୟକ୍ତିଙ୍କୁ କୃତଜ୍ଞତା ଜଣାଯାଇଥିଲା।

ପ୍ରଭୁ ଶ୍ରୀଜଗନ୍ନାଥ ଏବଂ ମହାପୁରୁଷ ଅଚ୍ୟୁତାନନ୍ଦ ଦିବଙ୍ଗତ ଆତ୍ମାକୁ ଚିରଶାନ୍ତି ପ୍ରଦାନ କରିବା ସହ ଶୋକସନ୍ତପ୍ତ ପରିବାରକୁ ଏହି ଦୁଃଖ ସହିବାକୁ ଧୈର୍ଯ୍ୟ ଓ ଶକ୍ତି ପ୍ରଦାନ କରନ୍ତୁ।