ଆମ୍ବେଦକର ଜୟନ୍ତୀ ପାଳନ ଉପଲକ୍ଷେ ୧୬ ଏପ୍ରିଲ ୨୦୨୬ରେ ଇଗ୍ନୋ ଆଞ୍ଚଳିକ କେନ୍ଦ୍ର ଭୁବନେଶ୍ୱରରେ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା।

୧୪ ଏପ୍ରିଲ -୨୮ ଏପ୍ରିଲ ୨୦୨୬ ପକ୍ଷରେ ଇଗ୍ନୋ ଆଞ୍ଚଳିକ କେନ୍ଦ୍ର, ଭୁବନେଶ୍ୱର ଆମ୍ବେଦକର ଜୟନ୍ତୀ ପାଳନ କରୁଛି । ଏହି ଉପଲକ୍ଷେ ୧୬ ଏପ୍ରିଲ ୨୦୨୬ରେ ଆଞ୍ଚଳିକ କେନ୍ଦ୍ର ଏକ ରକ୍ତଦାନ ଶିବିରର ଆୟୋଜନ କରିଥିଲା। ଏହା କ୍ୟାପିଟାଲ ହସ୍ପିଟାଲ ବ୍ଲଡ ବ୍ୟାଙ୍କ ସହିତ ମିଳିତ ଭାବରେ ଆୟୋଜିତ ହୋଇଥିଲା। ଏହି ଅବସରରେ ୨୦ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ଏବଂ କ୍ୟାପିଟାଲ ହସ୍ପିଟାଲ ବ୍ଲଡ ବ୍ୟାଙ୍କ, ଭୁବନେଶ୍ୱରକୁ ହସ୍ତାନ୍ତର କରାଯାଇଥିଲା। ଡାକ୍ତର ଏମ କେ ଦାଶ, ବରିଷ୍ଠ ଆଞ୍ଚଳିକ ନିର୍ଦ୍ଦେଶକ ପ୍ରଥମେ ରକ୍ତଦାନ କରିଥିଲେ। ଉପନିର୍ଦ୍ଦେଶକ ଡକ୍ଟର ପି କେ ଜେନା, ଡେପୁଟି ରେଜିଷ୍ଟ୍ରାର ଶ୍ରୀ, ସଞ୍ଜୟ ପଟେଲ, ଇଗ୍ନୋ ଆଞ୍ଚଳିକ କେନ୍ଦ୍ର ଏବଂ ଆଞ୍ଚଳିକ ମୂଲ୍ୟାୟନ କେନ୍ଦ୍ର, ଭୁବନେଶ୍ୱରର ଅନ୍ୟାନ୍ୟ କର୍ମଚାରୀ, ଏକାଡେମିକ୍ ପରାମର୍ଶଦାତା ଡକ୍ଟର ରଘୁନାଥ ମଣ୍ଡଳ ମଧ୍ୟ ଏହି ଅବସରରେ ରକ୍ତଦାନ କରିଥିଲେ। କ୍ୟାପିଟାଲ ହସ୍ପିଟାଲ ରକ୍ତଭଣ୍ଡାରର ଡାକ୍ତର ନିହାରିକା ହୋନହୋଗା, ଶ୍ରୀ, ସାରଦା କାନ୍ତ ଚୌଧୁରୀ ଏବଂ ଅନ୍ୟାନ୍ୟ କର୍ମଚାରୀ ରକ୍ତ ୟୁନିଟ୍ ସଂଗ୍ରହରେ ବୈଷୟିକ ସହାୟତା ପ୍ରଦାନ କରିଥିଲେ।ଭୁବନେଶ୍ୱର ଇଗ୍ନୋ ଆଞ୍ଚଳିକ କେନ୍ଦ୍ରର ବରିଷ୍ଠ ଆଞ୍ଚଳିକ ନିର୍ଦ୍ଦେଶକ ଡକ୍ଟର ଏମ୍ କେ ଦାଶ ରକ୍ତଦାତାମାନଙ୍କୁ ଧନ୍ୟବାଦ ଜଣାଇଥିଲେ ଏବଂ କ୍ୟାପିଟାଲ ହସ୍ପିଟାଲ ରକ୍ତଭଣ୍ଡାରର ବୈଷୟିକ ଦଳକୁ ସମ୍ମାନିତ କରିବା ସହ ଧନ୍ୟବାଦ ଜଣାଇଥିଲେ। ଉପନିର୍ଦ୍ଦେଶକ ଡକ୍ଟର ବିମଳ ଚନ୍ଦ୍ର ନନ୍ଦ, ଅତିରିକ୍ତ ନିର୍ଦ୍ଦେଶକ ଡକ୍ଟର ଏସ୍ କେ ପାଣିଗ୍ରାହୀ, ଉପନିର୍ଦ୍ଦେଶକ ଡକ୍ଟର ପି କେ ଜେନା, ସହକାରୀ ନିବନ୍ଧକ ଶ୍ରୀ ବନମାଳୀ ସାହୁ, ଆଞ୍ଚଳିକ କେନ୍ଦ୍ରର ଅନ୍ୟାନ୍ୟ ଅଧିକାରୀ ଏବଂ ସହକାରୀ ସଂଯୋଜକ ଡକ୍ଟର ବିନୟ ମହାପାତ୍ର, ଶ୍ରୀ ଆୟୁଷ୍ମାନ ଚୌଧୁରୀ ପ୍ରମୁଖ କାର୍ଯ୍ୟକ୍ରମକୁ ସକ୍ରିୟ ଭାବରେ ସଂଯୋଜନା କରିଥିଲେ।