ପ୍ରଫେଟ୍ ମହମ୍ମଦଙ୍କ ଜନ୍ମଦିନ ପ୍ରୋସେସନ୍ ପୂର୍ବରୁ ଭଦ୍ରକ ପୋଲିସର ଫ୍ଲାଗ୍
ପ୍ରଫେଟ୍ ମହମ୍ମଦଙ୍କ ଜନ୍ମଦିନ ପ୍ରୋସେସନ୍ ପୂର୍ବରୁ ଭଦ୍ରକ ପୋଲିସର ଫ୍ଲାଗ୍ ମାର୍ଚ୍ଚଶାନ୍ତି, ଶୃଙ୍ଖଳା ଓ ସଦ୍ଭାବ ବଜାୟ ରଖିବାକୁ ପୋଲିସର ଆହ୍ୱାନଭଦ୍ରକ: ପ୍ରଫେଟ୍ ମହମ୍ମଦଙ୍କ ଜନ୍ମଦିନ ଅବସରରେ ହେବାକୁ ଥିବା ପ୍ରୋସେସନ୍କୁ ଶାନ୍ତିପୂର୍ଣ୍ଣ, ସୁରକ୍ଷିତ ଓ ସୁଚାରୁ ଭାବେ ସମ୍ପନ୍ନ କରିବା ପାଇଁ ଭଦ୍ରକ ପୋଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଓ ସଚେତନତାମୂଳକ ପଦକ୍ଷେପ ଗ୍ରହଣ କରାଯାଇଛି।ଏହି ପରିପ୍ରେକ୍ଷୀରେ ଭଦ୍ରକ ଏସ୍ପିଙ୍କ ନେତୃତ୍ୱରେ ବରିଷ୍ଠ ପୋଲିସ ଅଧିକାରୀ, ବିଭିନ୍ନ ଥାନାର ଅଧିକାରୀ ଓ ବହୁ ସଂଖ୍ୟକ ପୋଲିସ କର୍ମଚାରୀଙ୍କୁ ନେଇ ସହରର ବିଭିନ୍ନ ଅଞ୍ଚଳରେ ଫ୍ଲାଗ୍ ମାର୍ଚ୍ଚ କରାଯାଇଛି। ଫ୍ଲାଗ୍ ମାର୍ଚ୍ଚ ମାଧ୍ୟମରେ ଆଇନଶୃଙ୍ଖଳା ପରିସ୍ଥିତି ଉପରେ ପୋଲିସର ନଜର ରହିଥିବା ସହ ସାଧାରଣ ଲୋକଙ୍କ ମଧ୍ୟରେ ସୁରକ୍ଷା ଓ ଆସ୍ଥାର ବାର୍ତ୍ତା ଦିଆଯାଇଛି।ପ୍ରୋସେସନ୍ ସମୟରେ ଶାନ୍ତି ଓ ଶୃଙ୍ଖଳା ବଜାୟ ରଖିବା ସହିତ ନିର୍ଦ୍ଧାରିତ ନିୟମ ଓ ପୋଲିସ ପକ୍ଷରୁ ଜାରି ହୋଇଥିବା ନିର୍ଦ୍ଦେଶାବଳୀକୁ ସମସ୍ତେ ପାଳନ କରିବାକୁ ଭଦ୍ରକ ପୋଲିସ ଅନୁରୋଧ କରିଛି।ଭଦ୍ରକ ପୋଲିସ ପକ୍ଷରୁ ସମସ୍ତ ନାଗରିକଙ୍କୁ ଶାନ୍ତି, ସାମ୍ପ୍ରଦାୟିକ ସଦ୍ଭାବ ଓ ଭାଇଚାରା ବଜାୟ ରଖିବାକୁ ଆହ୍ୱାନ କରାଯାଇଛି। ଏଥିସହ ପୋଲିସକୁ ସହଯୋଗ କରି ଉତ୍ସବକୁ ଶାନ୍ତିପୂର୍ଣ୍ଣ ଓ ସୁରୁଖୁରୁରେ ପାଳନ କରିବା ପାଇଁ ଭଦ୍ରକ ପୋଲିସ ଅପିଲ୍ କରିଛି।ଶାନ୍ତି ଓ ସଦ୍ଭାବ ହେଉ ଉତ୍ସବର ପରିଚୟ — ଭଦ୍ରକ ପୋଲିସ ସହଯୋଗ କରନ୍ତୁ, ନିୟମ ମାନନ୍ତୁ ଓ ଭାଇଚାରା ବଜାୟ ରଖନ୍ତୁ।