ପୁଣି ଅନଲାଇନରେ ମହାପ୍ରସାଦ ଖଜା ବିକ୍ରି

ପୁଣି ଅନଲାଇନରେ ମହାପ୍ରସାଦ ଖଜା ବିକ୍ରି l ସବୁରି ମହଲରେ ତୀବ୍ର ଅସନ୍ତୋଷ ସହ ପରମ୍ପରା ଉଲ୍ଲଙ୍ଘନ ଅଭିଯୋଗ l ଶ୍ରୀଜଗନ୍ନାଥଙ୍କ ମହାପ୍ରସାଦ ଖଜାକୁ ଅନଲାଇନ ଓ ହୋମ ଡେଲିଭରି ମାଧ୍ୟମରେ ବିକ୍ରି କରାଯାଉଥିବା ଘଟଣାକୁ ନେଇ ପୁଣି ଥରେ ସବୁରି ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ସମସ୍ତେ ଏହାକୁ ମହାପ୍ରସାଦର ପରମ୍ପରା ଓ ମର୍ଯ୍ୟାଦାର ଉଲ୍ଲଙ୍ଘନ ବୋଲି କହିଛନ୍ତି । ବ୍ରଜମେଳାର ପକ୍ଷରୁ ଶୁଦ୍ଧ ଦେଶୀ ଘିଅରେ ପ୍ରସ୍ତୁତ ପ୍ରିମିୟମ ଖଜା ସହ ଶୁଖିଲା ଅନ୍ନ ମହାପ୍ରସାଦ ଘରେ ବସି ଡେଲିଭରି ଦେବା ପାଇଁ ସୋସିଆଲ ମିଡିଆରେ ବିଜ୍ଞାପନ ଦିଆଯାଇଛି । ଅର୍ଡର ପାଇଁ ମୋବାଇଲ ନମ୍ବର ଓ ହ୍ୱାଟ୍ସଆପ୍ ଲିଙ୍କ ବି ଦିଆଯାଇଛି । ମହାପ୍ରସାଦ କେବଳ ଶ୍ରୀମନ୍ଦିର ଆନନ୍ଦ ବଜାରୁ ହିଁ କିଣାଯାଇ ସେବନ କରାଯାଇପାରିବ । ଅନଲାଇନ ବିକ୍ରି ଓ କୋରିୟର ମାଧ୍ୟମରେ ପଠାଇବା ପରମ୍ପରା ବିରୁଦ୍ଧ ବୋଲି ମତପ୍ରକାଶ ପାଇଛି ।