ବାଂଲାଦେଶ ରେଳବାଇ ପାଇଁ କପୁରଥଲା ରେଳ କୋଚ୍ ଫ୍ୟାକ୍ଟ୍ରିରେ ଏଲ୍ଏଚ୍ବି କୋଚ୍ର ପ୍ରଥମ ରେକ୍ ପ୍ରସ୍ତୁତ କପୁରଥଲା ରେଳ କୋଚ୍ ଫ୍ୟାକ୍ଟ୍ରି
ବାଂଲାଦେଶ ରେଳବାଇ ପାଇଁ କପୁରଥଲା ରେଳ କୋଚ୍ ଫ୍ୟାକ୍ଟ୍ରିରେ ଏଲ୍ଏଚ୍ବି କୋଚ୍ର ପ୍ରଥମ ରେକ୍ ପ୍ରସ୍ତୁତ କପୁରଥଲା ରେଳ କୋଚ୍ ଫ୍ୟାକ୍ଟ୍ରି ୧୨ ଅଗଷ୍ଟ ୨୦୨୬ରେ ବାଂଲାଦେଶ ରେଳବାଇ ପାଇଁ ନିର୍ମିତ ୧୯ଟି ଏଲଏଚବି ବ୍ରଡ୍ଗେଜ୍ ଯାତ୍ରୀବାହୀ ରେଳ କୋଚକୁ ନେଇ ପ୍ରଥମ ରେକ୍ର ଶୁଭାରମ୍ଭ ସହ ଆଉ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହାସଲ କରିବାକୁ ଯାଉଛି।ପ୍ରଥମ ରେକ୍ରେ ୦୩ଟି ଏସି ସ୍ଲିପର୍ କାର୍, ୦୩ଟି ଏସି ଚେୟାର୍ କାର୍, ୧୧ଟି ନନ୍-ଏସି ଚେୟାର୍ କାର୍ ଏବଂ ୦୨ଟି ପାୱାର୍ କାର୍ ରହିଛି। ଏହି ରେଳ କୋଚଗୁଡ଼ିକରେ ଅନେକ ସ୍ୱତନ୍ତ୍ର ଡିଜାଇନ୍ ବୈଶିଷ୍ଟ୍ୟ ଓ ପରିବର୍ତ୍ତନ ସାମିଲ କରାଯାଇଛି। ଏଥିମଧ୍ୟରୁ ଅନେକ ବୈଶିଷ୍ଟ୍ୟ ପ୍ରଥମ ଥର ପାଇଁ ଏଲଏଚବି ପ୍ରକାରର ରେଳ କୋଚରେ ବିକଶିତ ଓ ସାମିଲ କରାଯାଇଛି।ଏହି ରେଳ କୋଚ୍ଗୁଡ଼ିକୁ ବାଂଲାଦେଶ ରେଳବାଇର ପରିଚାଳନାଗତ ଆବଶ୍ୟକତା ଓ ଯାତ୍ରୀଙ୍କ ଆବଶ୍ୟକତାକୁ ଦୃଷ୍ଟିରେ ରଖି ସ୍ୱତନ୍ତ୍ର ଭାବେ କଷ୍ଟମାଇଜ୍ କରାଯାଇଛି। ବସିବା ବ୍ୟବସ୍ଥାରେ ସ୍ୱତନ୍ତ୍ର ଭାବେ ଡିଜାଇନ୍ କରାଯାଇଥିବା ରିକ୍ଲାଇନିଂ ଚେୟାର୍ ସହ ଷ୍ଟେନ୍ଲେସ୍ ଷ୍ଟିଲ୍ ଆର୍ମରେଷ୍ଟ ଓ ଫୁଟ୍ରେଷ୍ଟ ରହିଛି, ଯାହା ଯାତ୍ରୀଙ୍କୁ ଅଧିକ ଆରାମ ପାଇଁ ବିଭିନ୍ନ ଢଙ୍ଗରେ ଆସନକୁ ପଛକୁ ଢଳାଇବାର ସୁବିଧା ପ୍ରଦାନ କରୁଛି।ଯାତ୍ରୀଙ୍କ ସୁବିଧା ଓ ସୁରକ୍ଷାକୁ କେନ୍ଦ୍ର କରି ଏହି କୋଚ୍ଗୁଡ଼ିକରେ ଏସି କୋଚ୍ରେ ଫ୍ୟାନ୍, ସମନ୍ୱିତ ସିସିଟିଭି ନିରୀକ୍ଷଣ ବ୍ୟବସ୍ଥା, ପାସେଞ୍ଜର ଆଲାର୍ମ ସିଷ୍ଟମ୍, ଆଂଶିକ ଭାବେ ଖୋଲାଯାଇପାରୁଥିବା ଝରକା, ଶିଶୁ ଯତ୍ନ କକ୍ଷ ଏବଂ ପ୍ରାର୍ଥନା କକ୍ଷ ଭଳି ଅନେକ ସୁବିଧା ସାମିଲ କରାଯାଇଛି। ବିଶେଷ ପରିଚାଳନାଗତ ପରିସ୍ଥିତିକୁ ବିଚାରକରି, ଅଧିକ ଯାତ୍ରୀ ଚାପ ଥିବା ସମୟରେ ଛାତ ଉପରେ ଯାତ୍ରୀ ଯାତାୟାତ ଯୋଗୁଁ ସୃଷ୍ଟି ହେଉଥିବା ଅତିରିକ୍ତ ଭାରକୁ ସହିବା ପାଇଁ କୋଚ୍ଗୁଡ଼ିକର ଛାତ ଗଠନକୁ ମଧ୍ୟ ସୁଦୃଢ଼ କରାଯାଇଛି।ଏହି ରେଳ କୋଚ୍ଗୁଡ଼ିକର ଏକ ପ୍ରମୁଖ ବୈଷୟିକ ବୈଶିଷ୍ଟ୍ୟ ହେଉଛି ୟୁରୋପୀୟ ମାନକ ଇଏନ୍ ୧୫୨୨୭ ଅନୁପାଳନ କରୁଥିବା ଦୁର୍ଘଟଣା ପ୍ରତିରୋଧ ବ୍ୟବସ୍ଥାର ସମାବେଶ। ଧକ୍କା ସମୟରେ କୋଚ୍ର ପ୍ରଦର୍ଶନ କ୍ଷମତା ଏବଂ ଯାତ୍ରୀଙ୍କ ସୁରକ୍ଷାକୁ ବୃଦ୍ଧି କରିବା ପାଇଁ କୋଚ୍ର ବଡି ସେଲ୍ରେ ବ୍ୟାପକ ପୁନଃଡିଜାଇନ୍ କରାଯାଇଛି। ଏହି କୋଚ୍ଗୁଡ଼ିକର ବିଦ୍ୟୁତ ବ୍ୟବସ୍ଥାକୁ ମଧ୍ୟ ସ୍ୱତନ୍ତ୍ର ଭାବେ ୪୧୫ ଭୋଲ୍ଟରେ ପରିଚାଳନା ପାଇଁ ଡିଜାଇନ୍ କରାଯାଇଛି। ଏହା ଭାରତୀୟ ରେଳବାଇର କୋଚ୍ଗୁଡ଼ିକରେ ପ୍ରଚଳିତ ୭୫୦ ଭୋଲ୍ଟ ବ୍ୟବସ୍ଥାଠାରୁ ଭିନ୍ନ।ରେଳ କୋଚ୍ ଫ୍ୟାକ୍ଟ୍ରି (ଆରସିଏଫ୍), କପୁରଥଲା ଏବଂ ବାଂଲାଦେଶ ରେଳବାଇ ମଧ୍ୟରେ ସହଯୋଗର ଶୁଭାରମ୍ଭ ୨୦୧୫-୧୬ ମସିହାରେ ୧୨୦ଟି ଏଲଏଚବି ବ୍ରଡ୍ଗେଜ୍ ଯାତ୍ରୀବାହୀ ରେଳ କୋଚ୍ର ସଫଳ ଯୋଗାଣ ସହ ହୋଇଥିଲା। ଏହି ସଫଳ ସହଭାଗିତାକୁ ଆଗକୁ ବଢ଼ାଇ ବାଂଲାଦେଶ ରେଳବାଇ ୨୦୨୪ ମସିହାରେ ପୁଣିଥରେ ଆରସିଏଫ୍କୁ ରାଇଟ୍ସ ଜରିଆରେ ୭ଟି ଭିନ୍ନ ପ୍ରକାରର ୨୦୦ଟି ବ୍ରଡ୍ଗେଜ୍ ଯାତ୍ରୀବାହୀ ରେଳ କୋଚ୍ ନିର୍ମାଣ ଓ ଯୋଗାଣ ପାଇଁ ଏକ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶ ପ୍ରଦାନ କରିଛି।