ଆମେରିକାକୁ ଚ୍ୟାଲେଞ୍ଜ କରୁଛି ଚାଇନା! ପ୍ରଥମଥର ସିଭିଲିୟନ୍ସଙ୍କୁ ମହାକାଶ ପଠାଇବ ଚାଇନା

ବେଜିଂ,୨୯।୫: ମହାକାଶରେ ଆମେରିକାକୁ ଚ୍ୟାଲେଞ୍ଜ କରିବାକୁ ଚେଷ୍ଟା କରୁଥିବା ଚାଇନା ଏକ ନୂଆ ମିଶନର ଘୋଷଣା କରିଛି। ଏବେ ଚାଇନା ଏକ ସିଭିଲିୟନ ଏଷ୍ଟ୍ରୋନଟଙ୍କୁ ତିୟାଂଗୌଂଗ ସ୍ପେଶ ଷ୍ଟେଶନର ଚାଳକ ଦଳର ମିଶନର ଅଂଶ ଭାବେ ମହାକାଶକୁ ପଠାଇବ। ଚାଇନାର ସ୍ପେଶ ଏଜେନ୍ସି ଏହିି ସୂଚନା ଦେଇଛି।

ଚାଇନା ଗଣମାଧ୍ୟମ ସୂଚନା ଅନୁଯାୟୀ, ଚାଇନାର ତୃତୀୟ ପିଢିର ମହାକାଶଚାରୀଙ୍କ ପାଇଁ ଏହା ପ୍ରଥମ ବିମାନ ଏବଂ କୌଣସି ଚାଇନା ନାଗରିକ ପୃଥିବୀରୁ ମହାକାଶକୁ ଉଡ଼ିବା ପ୍ରଥମ ଥର ହେବ। ଏପର୍ଯ୍ୟନ୍ତ ମହାକାଶକୁ ପଠାଯାଇଥିବା ସମସ୍ତ ଚାଇନାର ମହାକାଶଚାରୀମାନେ ପିପୁଲ୍ସ ଲିବରେସନ ଆର୍ମି (ପିଏଲଏ))ର ଅଂଶ ହୋଇସାରିଛନ୍ତି।

ଚାଇନାର ସ୍ପେସ ଏଜେନ୍ସି ମୁଖପାତ୍ର ଲିନ ଶିକିଆଙ୍ଗ ସୋମବାର କହିଛନ୍ତି, ଯେ ପେଲୋଡ ବିଶେଷଜ୍ଞ ଗୁଇ ହାଇଚାଓ ବେଜିଂ ଏରୋନେଟିକ୍ସ ଏବଂ ଜ୍ୟୋତିର୍ବିଜ୍ଞାନ ବିଶ୍ୱବିଦ୍ୟାଳୟର ଜଣେ ପ୍ରଫେସର। ଅପରେସନ ପାଇଁ ମୁଖ୍ୟତ ସେ ଦାୟୀ ରହିବେ। ତାଙ୍କ ବ୍ୟତୀତ ମିଶନ କମାଣ୍ଡର ଜିଙ୍ଗ ହାଇପେଙ୍ଗ ଏବଂ ତୃତୀୟ କ୍ରୁ ସଦସ୍ୟ ହେଉଛନ୍ତି ଜୁ ୟାଙ୍ଗଜୁ।