ନିଶାମୁକ୍ତ ପୁରୀ ପାଇଁ ପୁରୀ ପୋଲିସର ବିଶେଷ ଚେକିଂ ଅଭିଯାନ
ନିଶାମୁକ୍ତ ପୁରୀ ପାଇଁ ପୁରୀ ପୋଲିସର ବିଶେଷ ଚେକିଂ ଅଭିଯାନ*ପୁରୀ ସହରକୁ ନିଶାମୁକ୍ତ ଓ ସୁସ୍ଥ ସମାଜ ଭାବେ ଗଢ଼ି ତୋଳିବା ଲକ୍ଷ୍ୟରେ ଆଜି ପୁରୀ ପୋଲିସ ପକ୍ଷରୁ ସିଟି ସବ୍ଡିଭିଜନ ଅଧୀନ ସମସ୍ତ ଥାନା ଅଞ୍ଚଳରେ ଏକ ସ୍ୱତନ୍ତ୍ର ଚେକିଂ ଅଭିଯାନ ଚାଲୁ ରହିଛି। ଏହି ବିଶେଷ ଡ୍ରାଇଭ୍ଟି ସିଟି ଡିଏସପି ଶ୍ରୀ ରଶ୍ମିରଞ୍ଜନ ମହାପାତ୍ରଙ୍କ ନେତୃତ୍ୱରେ ସମସ୍ତ ଥାନାର ଅଧିକାରୀ ଓ ପୋଲିସ କର୍ମଚାରୀଙ୍କ ଦ୍ୱାରା ଚାଲୁ ରହିଛି। ଏହି ଅଭିଯାନରେ ବିଭିନ୍ନ ବେଟେଲ୍ (ପାନ) ଦୋକାନ ଓ ସନ୍ଦେହଜନକ ସ୍ଥାନରେ ଯାଞ୍ଚ କରାଯାଉଛି। ଅବୈଧ ଭାବେ ନିଶାଦ୍ରବ୍ୟ, ଗଞ୍ଜେଇ, ଗୁଟଖା, ସିଗାରେଟ୍, ପାନମସଲା ତଥା ଆଇନବିରୋଧୀ କିମ୍ବା ସ୍ୱାସ୍ଥ୍ୟ ପାଇଁ କ୍ଷତିକାରକ ସାମଗ୍ରୀ ମହଜୁଦ ରଖିବା କିମ୍ବା ବିକ୍ରି କରୁଥିବା ବ୍ୟବସାୟୀଙ୍କ ବିରୋଧରେ ଆଇନ ଅନୁଯାୟୀ ଦୃଢ଼ ପଦକ୍ଷେପ ନିଆଯାଉଛି।ପୁରୀ ପୋଲିସ ପକ୍ଷରୁ ବ୍ୟବସାୟୀ ଓ ସାଧାରଣ ଜନତାଙ୍କୁ ଅବୈଧ ନିଶାଦ୍ରବ୍ୟର ବିକ୍ରି, କ୍ରୟ କିମ୍ବା ବ୍ୟବହାରରୁ ଦୂରେଇ ରହିବାକୁ ସଚେତନ କରାଯାଉଛି। ନିଶାଦ୍ରବ୍ୟ ସମ୍ପର୍କିତ କୌଣସି ସୂଚନା ମିଳିଲେ ପୋଲିସକୁ ଜଣାଇବାକୁ ମଧ୍ୟ ଅନୁରୋଧ କରାଯାଉଛି। “ନିଶାମୁକ୍ତ ପୁରୀ ସୁସ୍ଥ ପୁରୀ” ଗଢ଼ି ତୋଳିବା ଲକ୍ଷ୍ୟରେ ପୁରୀ ପୋଲିସର ଏହି ବିଶେଷ ଚେକିଂ ଡ୍ରାଇଭ୍ ଆଗାମୀ ଦିନରେ ମଧ୍ୟ ଜାରି ରହିବ। ନିଶାମୁକ୍ତ ସମାଜ ଗଠନରେ ପୋଲିସ ସହିତ ସାଧାରଣ ଜନତାଙ୍କ ସହଯୋଗ ଅତ୍ୟନ୍ତ ଆବଶ୍ୟକ। ସମସ୍ତଙ୍କର ସହଯୋଗରେ ପୁରୀକୁ ଏକ ନିଶାମୁକ୍ତ ସହର ଭାବେ ଗଢ଼ି ତୋଳିବାରେ ପୁରୀ ପୋଲିସ ଲକ୍ଷ୍ୟ ରହିଛି ।