ପବିତ୍ର ସ୍ନାନ ପୂର୍ଣ୍ଣିମା ପାଇଁ ପୁରୀ ପୋଲିସର ସମସ୍ତ ପ୍ରସ୍ତୁତି ଶେଷ
ଦିନକପରେ ସ୍ନାନପୂର୍ଣ୍ନିମା। ସ୍ନାନମଣ୍ଡପରେ ଭକ୍ତଙ୍କୁ ଜଳଲାଗି ଓ ହାତୀବେଶରେ ଦର୍ଶନ ଦେଵେ ମହାପ୍ରଭୁ। ସେଥିପାଇଁ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ଆଜିଠାରୁ ଶ୍ରୀମନ୍ଦିରରେ ପ୍ରବେଶ କରିଛନ୍ତି ମହାପ୍ରଭୁଙ୍କ ଶ୍ରୀଅଙ୍ଗ ଲାଗି ଦଇତାପତି ସେବାୟତ। ଆଜି ମହାପ୍ରଭୁଙ୍କ ବାହୁଟକଣ୍ଟ ନୀତି ସହ ଆସନ୍ତାକାଲି ସେନାପଟା ଲାଗି ନୀତି ସମ୍ପାଦିତ କରି ପହଣ୍ଡି ପାଇଁ ପ୍ରସ୍ତୁତ କରିବେ ଦଇତାପତି ସେବକ। ସେପଟେ ସ୍ନାନମଣ୍ଡପରେ ଶ୍ରୀଜୀଉଙ୍କ ଜଳଲାଗି ନୀତି ଓ ହାତୀବେଶ ଦର୍ଶନ ଶୃଙ୍ଖଳିତ ହେବାସହ ଏକମୁଖୀ ଦର୍ଶନ ବ୍ୟବସ୍ଥା କରାଯାଇଛି | ଅନ୍ୟପଟେ ସମୁଦାୟ 432ଟି ସିସିଟିଭି କ୍ୟାମେରା ଉଭୟ ଶ୍ରୀମନ୍ଦିର ଭିତରେ, ଶ୍ରୀମନ୍ଦିର ଚାରିପଟେ ଓ ବଡଦାଣ୍ଡର ମାର୍କେଟଛକ ପର୍ଯ୍ୟନ୍ତ ଲାଗିଥିବା ବେଳେ ଶ୍ରୀମନ୍ଦିର ପର୍ଯ୍ୟନ୍ତ ସଂଯୋଗ ହୋଇଥିବା ସମସ୍ତ ଗଳିକନ୍ଦିକୁ ନୋ ଭେଇକିଲ୍ ଜୋନ୍ ଘୋଷଣା କରାଯାଇଥିବା କହିଛନ୍ତି ଏସପିଛାଡିବେ ରତ୍ନବେଦୀ, ଆସିଵେ ସ୍ନାନବେଦୀ। ହୋଇବ ଜଳଲାଗି, ମିଳିବ ଦୁର୍ଲଭ ଦିବ୍ୟ ଗଜାନନ ବେଶ ଦର୍ଶନ। 108 ଗରା ସୁବାସିତ ଜଳରେ ସ୍ନାନବେଦୀରେ ପ୍ରତକ୍ଷ ସ୍ନାନ କରିବେ ଚତୁର୍ଦ୍ଧାମୂର୍ତ୍ତି। ସ୍ନାନଯାତ୍ରା ଦିନ ସମସ୍ତ ଭକ୍ତମାନେ କେବଳ ଶ୍ରୀମନ୍ଦିର ସିଂହଦ୍ଵାର ଦେଇ ପ୍ରବେଶ କରି ସ୍ନାନମଣ୍ଡପର ଅତି ନିକଟରୁ ମହାପ୍ରଭୁଙ୍କଙ୍କୁ ଦର୍ଶନ କରି ଅନ୍ୟ ତିନି ଦୁଆରରେ ପ୍ରସ୍ଥାନ କରିବେ। ସ୍ନାନମଣ୍ଡପରେ ହାତୀବେଶ ଓ ଜଳଲାଗି ସମୟରେ ଭକ୍ତମାନେ କିଭଳି ସ୍ପଷ୍ଟ ଭାବେ ଦର୍ଶନ କରିପାରିବେ ସେନେଇ ସମସ୍ତ ବ୍ୟବସ୍ଥା କରାଯାଇଛି | ସ୍ନାନଯାତ୍ରା ଦିନ ଶ୍ରୀମନ୍ଦିର ଠାରୁ ମାର୍କେଟ ଛକ ସମ୍ପୂର୍ଣ୍ଣ ସିସିଟିଭି ସ୍କାନରରେ ରହିବାକୁ ଥିବାବେଳେ ଶ୍ରୀମନ୍ଦିର ଭିତରେ ୧୫୨,ଶ୍ରୀମନ୍ଦିର ଚାରିପଟେ ୨୫୦ ଓ ଶ୍ରୀମନ୍ଦିର ଠାରୁ ମାର୍କେଟ ଛକ ପର୍ଯ୍ୟନ୍ତ ୩୦ ଟି ଅର୍ଥାତ ସମୁଦାୟ ୪୩୨ଟି ସିସିଟିଭି କ୍ୟାମେରା ଇନଷ୍ଟଲ ହୋଇଥିବା ଏସପି କହିଛନ୍ତି। ଶ୍ରୀମନ୍ଦିର ପର୍ଯ୍ୟନ୍ତ ସଂଯୋଗ କରୁଥିବା ବିଭିନ୍ନ ସାହିଗଳିକନ୍ଦିକୁ ନୋ ଭେଇକିଲ୍ ଜୋନ୍ ଭାବେ ଘୋଷଣା କରାଯାଇଛି। ମନ୍ଦିର ଭିତରେ clearance team, quick response team,anti sabotize team ମୁତୟନ କରାଯିବ | l