ଲୋକସଭାରେ ସୀମା ପୁନଃନିର୍ଦ୍ଧାରଣ ବିଲ୍ ୨୦୨୬
ଲୋକସଭାରେ ସୀମା ପୁନଃନିର୍ଦ୍ଧାରଣ ବିଲ୍ ୨୦୨୬, ସମ୍ବିଧାନ (୧୩୧ତମ ସଂଶୋଧନ) ବିଲ୍ ୨୦୨୬ ଏବଂ କେନ୍ଦ୍ର ଶାସିତ ଅଞ୍ଚଳ ଆଇନ (ସଂଶୋଧନ) ବିଲ୍ ୨୦୨୬ ଉପରେ ହୋଇଥିବା ଆଲୋଚନାରେ ଅଂଶଗ୍ରହଣ କରିଛନ୍ତି ଶ୍ରୀ ଅମିତ ଶାହକୌଣସି ରାଜ୍ୟ ପ୍ରତି, ବିଶେଷ କରି ଦକ୍ଷିଣ ଭାରତର ରାଜ୍ୟଗୁଡ଼ିକ ପ୍ରତି କୌଣସି ଅନ୍ୟାୟ ହେବ ନାହିଁସୀମା ନିର୍ଦ୍ଧାରଣ ବିଲ୍ ୨୦୨୬ ଦକ୍ଷିଣ ରାଜ୍ୟଗୁଡ଼ିକୁ କ୍ଷତି ପହଞ୍ଚାଇବ ନାହିଁବର୍ତ୍ତମାନ ଦକ୍ଷିଣ ଭାରତରୁ ୧୨୯ ଜଣ ସାଂସଦ ଅଛନ୍ତି, ଏହି ବିଲ୍ ପରେ ୧୯୫ ଜଣ ସାଂସଦ ରହିବେଆମେ ସୀମା ନିର୍ଦ୍ଧାରଣ ଆୟୋଗ ଆଇନରେ କୌଣସି ପରିବର୍ତ୍ତନ କରିନାହୁଁ, ଆମେ ପୁରୁଣା ଆଇନକୁ ପୂର୍ଣ୍ଣଛେଦ ଏବଂ କମା ସହିତ ଦୋହରାଇଛୁ୨୦୨୯ ମସିହା ପୂର୍ବରୁ ଏହି ଆଇନ କାର୍ଯ୍ୟକାରୀ ହେବାର କୌଣସି ପ୍ରଶ୍ନ ଉଠୁନାହିଁ, କାରଣ ତାମିଲନାଡ଼ୁ ହେଉ କିମ୍ବା ପଶ୍ଚିମବଙ୍ଗ, ବର୍ତ୍ତମାନ ଚାଲିଥିବା ନିର୍ବାଚନ ଉପରେ ଏହାର କୌଣସି ପ୍ରଭାବ ପଡ଼ିବ ନାହିଁଏପରିକି ୨୦୨୯ ସୁଦ୍ଧା ହେବାକୁ ଥିବା ନିର୍ବାଚନ ସବୁ ପୁରୁଣା ଆସନରେ ଓ ପୁରୁଣା ବ୍ୟବସ୍ଥାରେ ହେବଜନଗଣନା ଦୁଇଟି ଭାଗରେ ହୋଇଥାଏ। ପ୍ରଥମେ ପରିବାର, ତା ‘ପରେ ବ୍ୟକ୍ତି। ପ୍ରଥମ ପର୍ଯ୍ୟାୟ ବର୍ତ୍ତମାନ ଚାଲିଛି ଯେଉଁଥିରେ ଘର ଗଣନା କରାଯାଉଛି, ଏବଂ ଘରଗୁଡ଼ିକର ଜାତି ନାହିଁ ତେଣୁ ଫର୍ମରେ ଜାତି ବିକଳ୍ପ ନାହିଁଯେତେବେଳେ ବ୍ୟକ୍ତିମାନଙ୍କର ଗଣନା ହେବ, ସେତେବେଳେ ସେଥିରେ ଜାତି ଗଣନାର ପ୍ରଶ୍ନ ଆସିବ୮୫୦ ସିଟ୍ ହେଉଛି ସର୍ବୋଚ୍ଚ ସୀମା, ସଠିକ୍ ସିଟ୍ ୮୧୬ ହେବ । ତଥାପି ରାଉଣ୍ଡ ଅଫ୍ ସଂଖ୍ୟା ୫୪୩ ସିଟ୍ ନୁହେଁ, ଏହା ୫୫୦ ସିଟ୍କର୍ଣ୍ଣାଟକର ବର୍ତ୍ତମାନର ୨୮ ଟି ଆସନ ୪୨ କୁ ବୃଦ୍ଧି ପାଇବ ଏବଂ ମୋଟ ଆସନରେ ରାଜ୍ୟର ଆସନ ପ୍ରତିଶତ ମଧ୍ୟ ମୋଟ ଆସନର ସମାନ ୫.୧୪ ପ୍ରତିଶତ ରହିବଆନ୍ଧ୍ରପ୍ରଦେଶର ଆସନ ସଂଖ୍ୟା ୨୫ରୁ ୩୮କୁ ବୃଦ୍ଧି ପାଇବ ଏବଂ ମୋଟ ଆସନରେ ରାଜ୍ୟର ଆସନ ସଂଖ୍ୟା ୪.୬୦ ପ୍ରତିଶତରୁ ୪.୬୫ ପ୍ରତିଶତକୁ ବୃଦ୍ଧି ପାଇବତେଲେଙ୍ଗାନାରେ ଆସନ ସଂଖ୍ୟା ୧୭ ରୁ ୨୬ କୁ ବୃଦ୍ଧି ପାଇବ ଏବଂ ଆସନ ପ୍ରତିଶତ ୩.୧୩ ରୁ ୩.୧୮% କୁ ବୃଦ୍ଧି ପାଇବମୁଁ ତାମିଲନାଡ଼ୁର ଲୋକମାନଙ୍କୁ ଆଶ୍ୱସ୍ତ କରିବାକୁ ଚାହୁଁଛି ଯେ ଆପଣଙ୍କର ଶକ୍ତି ହ୍ରାସ ପାଉନାହିଁ, ବରଂ ବୃଦ୍ଧି ପାଉଛିତାମିଲନାଡ଼ୁର ଆସନ ସଂଖ୍ୟା ୩୯ ରୁ ୫୯କୁ ବୃଦ୍ଧି ପାଇବ ଏବଂ ରାଜ୍ୟର ମୋଟ ଆସନ ସଂଖ୍ୟା ମଧ୍ୟ ୭.୧୮ ପ୍ରତିଶତରୁ ରୁ ୭.୨୩ ପ୍ରତିଶତକୁ ବୃଦ୍ଧି ପାଇବକେରଳର ୨୦ଟି ଆସନ ବୃଦ୍ଧି ପାଇ ୩୦ରେ ପହଞ୍ଚିବ ଏବଂ ରାଜ୍ୟର ଆସନ ପ୍ରତିଶତ ବର୍ତ୍ତମାନର ୩.୬୮ ପ୍ରତିଶତରୁ ପ୍ରାୟ ୩.୬୭ ପ୍ରତିଶତ ରହିବକେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି ଲୋକସଭାରେ ସୀମା ପୁନଃନିର୍ଦ୍ଧାରଣ ବିଲ୍ ୨୦୨୬, ସମ୍ବିଧାନ (୧୩୧ତମ ସଂଶୋଧନ) ବିଲ୍ ୨୦୨୬ ଏବଂ କେନ୍ଦ୍ରଶାସିତ ଅଞ୍ଚଳ ଆଇନ (ସଂଶୋଧନ) ବିଲ୍ ୨୦୨୬ ଉପରେ ଆଲୋଚନାରେ ଅଂଶଗ୍ରହଣ କରି କହିଛନ୍ତି ଯେ ଏହି ତିନୋଟି ବିଲ୍ ପରେ ଲୋକସଭାରେ ଦକ୍ଷିଣ ଭାରତୀୟ ରାଜ୍ୟଗୁଡ଼ିକର ପ୍ରତିନିଧିତ୍ୱ ବହୁତ ହ୍ରାସ ପାଇବ ଏବଂ ସେମାନେ କ୍ଷତିଗ୍ରସ୍ତ ହେବେ ବୋଲି ଏକ ଗୁଜବ ପ୍ରଚାର କରାଯାଉଛି।ଗୃହ ମନ୍ତ୍ରୀ କହିଥିଲେ ଯେ ସୀମା ନିର୍ଦ୍ଧାରଣ ବିଲ୍ ୨୦୨୬ ଦକ୍ଷିଣ ରାଜ୍ୟଗୁଡ଼ିକୁ ଲାଭାନ୍ୱିତ କରିବ, କ୍ଷତି ପହଞ୍ଚାଇବ ନାହିଁ। ସେ କହିଛନ୍ତି ଯେ ୫୦ % ବୃଦ୍ଧି ମଡେଲ ପରେ, ସମସ୍ତ ଦକ୍ଷିଣ ରାଜ୍ୟଗୁଡ଼ିକର ଆସନ ସଂଖ୍ୟା ବୃଦ୍ଧି ପାଇବ ଏବଂ ବର୍ତ୍ତମାନ ଲୋକସଭାର ୫୪୩ ଟି ଆସନ ୮୧୬ ରେ ପରିଣତ ହେବ। ଗୃହ ମନ୍ତ୍ରୀ କହିଛନ୍ତି ଯେ ଲୋକସଭାରେ ଦକ୍ଷିଣ ରାଜ୍ୟଗୁଡ଼ିକର ଆସନ ସଂଖ୍ୟା ବର୍ତ୍ତମାନର ୧୨୯ ରୁ ୧୯୫ କୁ ବୃଦ୍ଧି ପାଇବ ଏବଂ ସଦନର ମୋଟ ଆସନରେ ଦକ୍ଷିଣ ରାଜ୍ୟଗୁଡ଼ିକର ଆସନ ପ୍ରତିଶତ ମଧ୍ୟ ବର୍ତ୍ତମାନର ପ୍ରାୟ ୨୪ ପ୍ରତିଶତ ସହିତ ସମାନ ରହିବ। ଶ୍ରୀ ଅମିତ ଶାହ କହିଥିଲେ ଯେ ୫୪୩ ସଦସ୍ୟ ବିଶିଷ୍ଟ ଏହି ଗୃହରେ ବର୍ତ୍ତମାନ କର୍ଣ୍ଣାଟକର ୨୮ ଜଣ ସଦସ୍ୟ ଅଛନ୍ତି, ଯାହା ମୋଟ ସଂଖ୍ୟାର ପ୍ରାୟ ୫.୧୫ ପ୍ରତିଶତ । ପ୍ରସ୍ତାବିତ ବିଲ୍ ପାରିତ ହେବା ଏବଂ ସମ୍ବିଧାନର ସଂଶୋଧନ ସହିତ କର୍ଣ୍ଣାଟକରେ ଆସନ ସଂଖ୍ୟା ୨୮ ରୁ ୪୨ କୁ ବୃଦ୍ଧି ପାଇବ। ଏହି କ୍ଷେତ୍ରରେ, ୮୧୬ ସଦସ୍ୟ ବିଶିଷ୍ଟ ଲୋକସଭାରେ କର୍ଣ୍ଣାଟକର ପ୍ରତିନିଧିତ୍ୱ ପାଖାପାଖି ୫.୧୪ ପ୍ରତିଶତ ହେବ। ତେଣୁ କର୍ଣ୍ଣାଟକକୁ କୌଣସି କ୍ଷତି ହେବ ନାହିଁ। ଗୃହ ମନ୍ତ୍ରୀ କହିଛନ୍ତି ଯେ ବର୍ତ୍ତମାନ ଆନ୍ଧ୍ର ପ୍ରଦେଶରେ ୨୫ ଟି ଆସନ ଅଛି ଏବଂ ୫୪୩ ସଦସ୍ୟ ବିଶିଷ୍ଟ ଗୃହରେ ଏହାର ପ୍ରତିନିଧିତ୍ୱ ପ୍ରାୟ ୪.୬୦ ପ୍ରତିଶତ । ପ୍ରସ୍ତାବିତ ପରିବର୍ତ୍ତନ ପରେ ଆସନ ସଂଖ୍ୟା ପାଖାପାଖି ୫୦ ପ୍ରତିଶତ ବୃଦ୍ଧି ସହିତ ୩୮କୁ ବୃଦ୍ଧି ପାଇବ ଏବଂ ଆନ୍ଧ୍ର ପ୍ରଦେଶର ପ୍ରତିନିଧିତ୍ୱ ପାଖାପାଖି ୪.୬୫ ପ୍ରତିଶତକୁ ବୃଦ୍ଧି ପାଇବ। ତେଲେଙ୍ଗାନାରେ ବର୍ତ୍ତମାନ ୧୭ ଟି ଆସନ ଅଛି ଏବଂ ବର୍ତ୍ତମାନର ଲୋକସଭାରେ ଏହାର ପ୍ରତିନିଧିତ୍ୱ ପ୍ରାୟ ୩.୧୩ ପ୍ରତିଶତ । ପ୍ରସ୍ତାବିତ ବୃଦ୍ଧି ପରେ ଆସନ ସଂଖ୍ୟା ୨୬କୁ ବୃଦ୍ଧି ପାଇବ ଏବଂ ପ୍ରତିନିଧିତ୍ୱ ପାଖାପାଖି ୨.୧୮ ପ୍ରତିଶତରେ ପହଞ୍ଚିବ। ଶ୍ରୀ ଅମିତ ଶାହ କହିଥିଲେ ଯେ ସେ ତାମିଲନାଡ଼ୁର ଲୋକମାନଙ୍କୁ ଆଶ୍ୱସ୍ତ କରିବାକୁ ଚାହୁଁଛନ୍ତି ଯେ ସେମାନଙ୍କର ଶକ୍ତି ହ୍ରାସ ପାଉନାହିଁ, ବରଂ ବୃଦ୍ଧି ପାଉଛି। ତାମିଲନାଡ଼ୁରେ ପ୍ରତିନିଧିତ୍ୱ ହ୍ରାସ ପାଇବ ନାହିଁ, ବରଂ ବୃଦ୍ଧି ପାଇବ। ବର୍ତ୍ତମାନ ତାମିଲନାଡ଼ୁ ୩୯ ଜଣ ସଦସ୍ୟଙ୍କୁ ନିର୍ବାଚିତ କରୁଛି, ଯାହା ୫୪୩ ସଦସ୍ୟ ବିଶିଷ୍ଟ ଗୃହର ୭.୧୮ ପ୍ରତିଶତ। ପ୍ରସ୍ତାବିତ ୫୦ ପ୍ରତିଶତ ବୃଦ୍ଧି ପରେ ଆସନ ସଂଖ୍ୟା ପାଖାପାଖି ୫୯କୁ ବୃଦ୍ଧି ପାଇବ ଏବଂ ୮୧୬ ସଦସ୍ୟ ବିଶିଷ୍ଟ ନୂତନ ଗୃହରେ ଏହାର ପ୍ରତିନିଧିତ୍ୱ ପାଖାପାଖି ୭.୨୩ ପ୍ରତିଶତ ହେବ। ତେଣୁ ଏହା ସ୍ପଷ୍ଟ ଯେ ଏହି ରାଜ୍ୟଗୁଡ଼ିକର ପ୍ରତିନିଧିତ୍ୱରେ କୌଣସି ହ୍ରାସ ହେବ ନାହିଁ, ବରଂ କେବଳ ବୃଦ୍ଧି ହେବ।ଗୃହ ମନ୍ତ୍ରୀ କହିଥିଲେ ଯେ କେରଳରେ ବର୍ତ୍ତମାନ ୨୦ ଜଣ ଲୋକସଭା ସାଂସଦ ଅଛନ୍ତି, ଯେଉଁମାନଙ୍କ ମଧ୍ୟରୁ ୫୪୩ ସଦସ୍ୟ ବିଶିଷ୍ଟ ଗୃହର ୩.୬୮ ପ୍ରତିଶତ ପ୍ରତିନିଧିତ୍ୱ କରୁଛନ୍ତି। । ପ୍ରସ୍ତାବିତ ବୃଦ୍ଧି ପରେ, ଏହି ସଂଖ୍ୟା ୨୦ ରୁ ୩୦ କୁ ବୃଦ୍ଧି ପାଇବ ଏବଂ ପ୍ରତିନିଧିତ୍ୱ ପ୍ରାୟ ୩.୬୭ ପ୍ରତିଶତ ହେବ।ଶ୍ରୀ ଅମିତ ଶାହ କହିଥିଲେ ଯେ ଯଦି ସମଗ୍ର ଦକ୍ଷିଣ ଭାରତର ପ୍ରତିନିଧିତ୍ୱ ଉପରେ ନଜର ପକାଯାଏ, ତେବେ ବର୍ତ୍ତମାନ ୫୪୩ ସଦସ୍ୟ ବିଶିଷ୍ଟ ଗୃହରେ ୧୨୯ ଜଣ ସାଂସଦ ଦକ୍ଷିଣ ରାଜ୍ୟଗୁଡ଼ିକରୁ ଆସିଛନ୍ତି, ଯାହା ପାଖାପାଖି ୨୩.୭୬ ପ୍ରତିଶତ ଅଟେ। ପ୍ରସ୍ତାବିତ ୫୦ ପ୍ରତିଶତ ବୃଦ୍ଧି ପରେ, ଏହି ସଂଖ୍ୟା ୧୨୯ ରୁ ୧୯୫ କୁ ବୃଦ୍ଧି ପାଇବ ଏବଂ ୮୧୬ ସଦସ୍ୟ ବିଶିଷ୍ଟ ଗୃହରେ ସେମାନଙ୍କର ପ୍ରତିନିଧିତ୍ୱ ପ୍ରାୟ ୨୩.୮୭ ପ୍ରତିଶତ ଅର୍ଥାତ୍ ପ୍ରାୟ ୨୪ ପ୍ରତିଶତ ହେବ। ଏହା ନିଶ୍ଚିତ ଭାବେ ଦକ୍ଷିଣ ରାଜ୍ୟଗୁଡ଼ିକର ସାମଗ୍ରିକ ପ୍ରତିନିଧିତ୍ୱକୁ ବୃଦ୍ଧି କରିବ। ଗୃହ ଏବଂ ଓ ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଏହା ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ କେନ୍ଦ୍ର କ୍ୟାବିନେଟ୍ ଜାତି ଗଣନା କରିବାକୁ ନିଷ୍ପତ୍ତି ନେଇଛି ଏବଂ ଆଗାମୀ ଜନଗଣନାରେ ଜାତି ସମ୍ବନ୍ଧୀୟ ତଥ୍ୟ ମଧ୍ୟ ସଂକଳିତ କରାଯିବ। ସେ କହିଛନ୍ତି ଯେ ଜନଗଣନା ଦୁଇଟି ପର୍ଯ୍ୟାୟରେ କରାଯାଏ-ପ୍ରଥମ ପର୍ଯ୍ୟାୟରେ, ସମସ୍ତ ଘର/ଆବାସ ୟୁନିଟ୍ ତାଲିକାଭୁକ୍ତ ହେବ ଏବଂ ଦ୍ୱିତୀୟ ପର୍ଯ୍ୟାୟରେ, ସେଥିରେ ରହୁଥିବା ବ୍ୟକ୍ତିଙ୍କ ଗଣନା କରାଯିବ। ଗୃହ ମନ୍ତ୍ରୀ କହିଛନ୍ତି ଯେ ବ୍ୟକ୍ତିବିଶେଷଙ୍କ ତଥ୍ୟ ସଂକଳନ କରିବା ସମୟରେ ଜାତି ସମ୍ବନ୍ଧୀୟ ସୂଚନା ମଧ୍ୟ ରେକର୍ଡ କରାଯିବ। ଶ୍ରୀ ଅମିତ ଶାହ କହିଥିଲେ ଯେ ସରକାର ସୀମା ନିର୍ଦ୍ଧାରଣ ଆୟୋଗ ଆଇନରେ କୌଣସି ପରିବର୍ତ୍ତନ କରିନାହାଁନ୍ତି, ବରଂ ପୂର୍ବବର୍ତ୍ତୀ ବ୍ୟବସ୍ଥାଗୁଡ଼ିକୁ ଅକ୍ଷୁର୍ଣ୍ଣ ରଖିଛନ୍ତି। ସେ କହିଛନ୍ତି ଯେ ଅତୀତରେ ଏହି ଆଇନକୁ କୌଣସି ପ୍ରକାରର ହେରଫେର ପାଇଁ ବ୍ୟବହାର କରାଯାଇଥିଲା କି ନାହିଁ ସେ ମନ୍ତବ୍ୟ ଦେଇପାରିବେ ନାହିଁ, କିନ୍ତୁ ବର୍ତ୍ତମାନର ସରକାର ଏପରି କୌଣସି ପ୍ରୟାସ କରିନାହାଁନ୍ତି। ଗୃହ ମନ୍ତ୍ରୀ ସ୍ପଷ୍ଟ କରିଛନ୍ତି ଯେ ସୀମା ନିର୍ଦ୍ଧାରଣ ଆୟୋଗଙ୍କ ରିପୋର୍ଟ ସଂସଦ ଦ୍ୱାରା ଅନୁମୋଦିତ ହେବା ପରେ ଏବଂ ରାଷ୍ଟ୍ରପତିଙ୍କ ସମ୍ମତି ପାଇବା ପରେ ହିଁ କାର୍ଯ୍ୟକାରୀ ହେବ। ତେଣୁ ୨୦୨୯ ପୂର୍ବରୁ ଏହି ପ୍ରକ୍ରିୟାକୁ କାର୍ଯ୍ୟକାରୀ କରିବାର ପ୍ରଶ୍ନ ଉଠୁନାହିଁ। ୨୦୨୯ ପର୍ଯ୍ୟନ୍ତ ସମସ୍ତ ନିର୍ବାଚନ ବର୍ତ୍ତମାନର ବ୍ୟବସ୍ଥା ଏବଂ ବିଦ୍ୟମାନ ନିର୍ବାଚନ ମଣ୍ଡଳୀ ଆଧାରରେ ଅନୁଷ୍ଠିତ ହେବ। କେନ୍ଦ୍ର ଗୃହ ମନ୍ତ୍ରୀ କହିଥିଲେ ଯେ ଗଣତନ୍ତ୍ରରେ କ୍ଷମତା ନାଗରିକଙ୍କ ମତ ଏବଂ ଚିନ୍ତାଧାରା ଦ୍ୱାରା ନିର୍ଦ୍ଧାରିତ ହୋଇଥାଏ, କେବଳ ରାଜନୈତିକ ଦଳ କିମ୍ବା ନେତାଙ୍କ ଦ୍ୱାରା ନୁହେଁ। ସେ କହିଥିଲେ ଯେ ୧୩୦ କୋଟି ଲୋକଙ୍କ ଜନମତକୁ କେହି ନିୟନ୍ତ୍ରଣ କରିପାରିବେ ନାହିଁ। ଯଦି ଏହା ସମ୍ଭବ ହୋଇଥାନ୍ତା, ତେବେ ଅତୀତରେ କ୍ଷମତାର ପରିବର୍ତ୍ତନ ହୋଇନଥାନ୍ତା। ସେ ଏହା ମଧ୍ୟ କହିଥିଲେ ଯେ ଜରୁରୀକାଳୀନ ପରିସ୍ଥିତି ସମୟରେ ମଧ୍ୟ ଜନମତକୁ ସ୍ଥାୟୀ ଭାବେ ପ୍ରଭାବିତ କରାଯାଇପାରିବ ନାହିଁ ଏବଂ ଲୋକମାନେ ଗଣତାନ୍ତ୍ରିକ ଢଙ୍ଗରେ ସେମାନଙ୍କ ରାୟ ପ୍ରଦାନ କରିଥିଲେ। ଶ୍ରୀ ଶାହ ଦୃଢ଼ତାର ସହ କହିଥିଲେ ଯେ ଦେଶରେ ଗଣତନ୍ତ୍ରକୁ ସମାପ୍ତ କରିବାର କ୍ଷମତା କାହାରି ପାଖରେ ନାହିଁ। ଇତିହାସ ସାକ୍ଷୀ ଯେ ଯେତେବେଳେ ବି ଏଭଳି ପ୍ରୟାସ କରାଯାଇଥିଲା, ଲୋକମାନେ ଏହାକୁ ପ୍ରତ୍ୟାଖ୍ୟାନ କରିଥିଲେ।୫୪୩ ଆସନରୁ ୮୧୬ ଆସନ (୫୦% ବୃଦ୍ଧି ମଡେଲ)କ୍ରମିକ ନଂରାଜ୍ୟମୋଟ ଆସନ ୫୪୩ମୋଟ ଆସନବର୍ତ୍ତମାନର ୫୪୩ ଆସନର ପ୍ରତିଶତ୫୦% ବୃଦ୍ଧି (ପ୍ରାୟ)ନୂତନ ବୃଦ୍ଧି ୮୧୬ ହିସାବରେ ପ୍ରତିଶତ୧କର୍ଣ୍ଣାଟକ୨୮୫.୧୫%୪୨୫.୧୪%୨ଆନ୍ଧ୍ରପ୍ରଦେଶ୨୫୪.୬୦%୩୮୪୬୫%୩ତେଲେଙ୍ଗାନା୧୭୩.୧୩%୨୬୩.୧୮%୪ତାମିଲନାଡୁ୩୯୭.୧୮%୫୯୭.୨୩%୫କେରଳ୨୦୩.୬୮%୩୦୩.୬୭%ମୋଟ୍୧୨୯୨୩.୭୬%(ପ୍ରାୟ ୨୪%)୧୯୫୨୩.୮୭(ପାୟ ୨୪%)