ସତ୍ୟ ଶାନ୍ତି ଦୟା କ୍ଷମା

            ସତ୍ୟ ଶାନ୍ତି ଦୟା କ୍ଷମା
             ( ରାଗ – ବଙ୍ଗଳା ଶ୍ରୀ )

🔹କବିରତ୍ନ ନୂତନ କୁମାର ବେହେରା

                     ସତ୍ୟ

ସତ୍ୟ ଚିରନ୍ତନ      ଅକ୍ଷୟ ଅମ୍ଳାନ
           ଅକାଟ୍ୟ ତାର ସିଦ୍ଧାନ୍ତ,
ପରମଙ୍କ ପ୍ରଭା     ପ୍ରକୃତିର ଶୋଭା
         ଅନ୍ତରକୁ ରଖେ ଶାନ୍ତ ।

                     ଶାନ୍ତି

ସାମ୍ୟ-ମୈତ୍ରୀ-ପ୍ରୀତି   ଭାବର ସମ୍ପୃକ୍ତି
          ଆଣଇ ଶାଶ୍ଵତ ଶାନ୍ତି,
ବିନିମୟେ ପ୍ରାଣୀ     ହୃଦୟକୁ ଜିଣି
        ଭୁଲିଯାଏ ତାର କ୍ଳାନ୍ତି ।

                     ଦୟା

ଜୀବ ପ୍ରତି ଶ୍ରଦ୍ଧା     ବିଚାରର ସୁଧା
        ଝରାଇବା ଅଟେ ଦୟା,
ଏକତ୍ରେ ଏକାତ୍ମା    ତାହାର ମହିମା
        ଘୁଞ୍ଚାଏ ମିଛର ମାୟା ।

                    କ୍ଷମା

ଧୈର୍ଯ୍ୟ ସହିଷ୍ଣୁତା    ଗୁଣର ଏକତା
        କ୍ଷମା ରୂପେ ଆସେ ହୃଦେ,
ମହତ ଉଦ୍ଦେଶ୍ୟେ  ଆତ୍ମାରୁ ବିକଶେ
        ବିଶ୍ଵପ୍ରାଣକୁ ସେ ଛନ୍ଦେ ।

   ପ୍ରତିଷ୍ଠାତା ଓ ମୁଖ୍ୟସମ୍ପାଦକ,
‘ ନବସୃଜନ ‘ ଇ-ପତ୍ରିକା,
କୋହି, ବାରିପଦା, ମୟୂରଭଞ୍ଜ।